تقطيع الهايلكس اذا ضربت الماء

[ابوهاجوس1]

عندي هايلكس 2002 بنزين اذا جاء وقت الامطار ومشيت عليها احس فيها كتمها وعزمها يضعف وعندي الربلات اللي وراء الكفر اللي قدام يمين ماهن موجودات هل لهن اهميه

[كلاش2500]

بالنسبة للربلات او مايسمى بالنسافات هذى فايدتها حسب علمى حماية البودى ...يعنى الكفر لامشيت يرمى بلاوى من حصى وغيره وهذى تأثر على البودى من الجنب علشان كذا حطوها لحماية البودى ....اما عن كتمة الموتر صعب الواحد يفتى بالموضوع لكن ودى اسألك الموتر كيف حرارته وهل انت شايل البلف حق الحرارة لان وقت البرد اذا الموتر بارد يقل عزمه...فاذا انت شايل البلف ركبله بلف حرارة...والله اعلم
بالتوفيق.......

[ريثان القصيم]

عندي هايلكس 2002 بنزين اذا جاء وقت الامطار ومشيت عليها احس فيها كتمها وعزمها يضعف
شيك على فلتر الهواء
وعندي الربلات اللي وراء الكفر اللي قدام يمين ماهن موجودات هل لهن اهميه
الربلان نوعين
الاول اللي فوق الكفر مهم عشان مايدخل اي شي من الكفر على الرفرف الداخلي
الثاني اللي مغطي فتحات المكينه من الرفرف الداخلي مهم جدا
بالصيف فكهن يبرد المحرك
بالشتاء رجعهن عشان ماء المطر مايدخل على القزوز والمحرك

اخوك
ريثان القصيم

[فورد ماركيز]

عندك اسلاك البواجى يدخلها ماء

[ابوهاجوس1]

اخوي كيف اشيك على فلتر الهواء وكيف ادري ان المشكله منه

[sgl2002]

اخوي ريثان اخالفك الراي في موضوع بطانه الرفرف وانه يبرد المحرك فكها

بالعكس في الصيف لازم تركبها عشان توجيه الهواء يكون من الرديتر ومايخالطه اي هواء خاري