انتبهوا من مستشفى الصقور بعنيزه

[7md_al-m]

مثل ما قلت بالعنوان حسبي عليهم والله لا يوفقهم ولا من حطهم

شريت لي طير من القصيم وكان بيني وبين راعيه شرط الفحص

ما قصر الرجال جا ودخلنا الطير عندهم ونجلس من العصر لين العشاء وهم مخدرين وفحص كااااااااامل

المهم يوم خلصوا قالوا الطير سليم ما فيه شي

حنا من العجله والرجال اللي باعنا كبير بالعمر استحينا من تاخيره وكان عنده التزامات حاسبناه واخذنا الطير ومشينا

يوم وصلنا ديرتنا 550 كم من القصيم تعبانين ورقدنا واليوم الثاني نقلب الطير الا وفيه حفاه وكفه على جنب فيه حرق !!!!!

وين الفحص الكامل ويسمونه الفحص الفضي منظار ومدري ايش

لا وبمبلغ 370

الله يجعلها سبب فقرهم ومن حطهم

الله لا يبيحهم لا دنيا ولا اخره لا حيين ولا ميتين

[ابوتركي1666]

وين الرجال اللي يقول الطير سليم ولا فيه شي
( ؟؟؟؟؟؟؟؟؟؟؟؟؟ )

[طيار قطر]

اخوي الحفاه بينه بالعين وماتبين فالمنظار وفي فحص المحط والاشعه ولا فالدم ؟؟؟

[عضيد]

ونت وين خبرتك ياصقار
وراعيه اللي تقول وتمدح فاله ماعلمكم عن ما بالطير ياشباب تعنو للطير وقلبوه وشوفو مطيره وفحصوه ولاقفيت بالطير لاتشتكي لنا ماعندنا الا الكتابه بالنت
وبياطرة المستشفيات اكثرهم تخصص دواجن وقيمة الدجاجه عشره ريال ان عاشت دجاجه ون ماتت دجاجه ونت دافع الوووووف بالطير قلب طيرك يامال الشحم

[7md_al-m]

عندهم من العصر الى العشاء يعني ٤ ساعات فحص

وش هالفحص اللي ما قلبوا كفوف الطير فيه ؟

من ناحيه اني ما قلبت الطير معاد ورى ٤ ساعات فحص افحصه ثانيه وادري ان الحفاه بينه بالعين والحرق اللي في كفه بين وواضح لكن تاخروا واللي باعنا رجال كبير فالعمر ويعلم الله اني وقتها مستحي منه وحاسبته ومشيت على كلام المستشفى انه سليم ١٠٠٪

ومن ناحية اللي باعنا ان كانه ما يدري عن اللي في الطير معذور

وان كانه يدري وساكت الله لا يبيحه ولا يوفقه والله يبلاه في نفسه وحلاله وعياله

[صقار المملكة]

ماعليش ياخوي بس يلحقك ملام انت الحفاه والحروق واضحة جدا وطبيعي اول ماتشوف طير بتشريه هذي من بديهيات التقليب الكفوف والعيون والريش واسال الله لك المخارج والتوفيق

[هصور]

على كل حال هذا درس لك يجب ان يكون ظمن خبراتك المكتسبه

[سطام ابو سعود]

مع احترامي لك منت صقار هذاء شي واضح مفروض من تقلب الطير يبينلك ومن داخلالطير للمستشفي
المعذره

[7md_al-m]

ومع احترامي لك مانتظرت شهادتك لي

[AZOZ9091]

الله يعوض عليك انا مات طيري عندهم يقولون تسمم وخويي انعمت عين طيره عندهم....والله يعوض عليك.....

[7md_al-m]

الوكاد انتبهوا منهم الله يمحاهم

[فارس11]

الله يستر
يارجال نصابين

[عاذي]

شهادة حق .. انا اراجعهم لي ثﻻث سنوات ماشفت منهم اﻻ كل خير وجميع عﻻجهم لطيوري ياتي بنتائج ممتازة واجد تحسن واضح عليها .. والله عﻻى مااقول شهيد .

[سامي طاهر]

بسم الله الرحمن الرحيم

الله المستعان

[أخوحصه]

الله يعوض عليك

[صقار الساجي]

قدرالله وما شاء فعل

[عادل بن جابر]

هل الحفاه يحتاج لها دكتوووور

الأمراض الخارجيه بينه

والحفاه علجها سهل

الله يجزاك خير

ليتك حذرت ولا بينت المرض

[عادل بن جابر]

شهادة حق .. انا اراجعهم لي ثﻻث سنوات ماشفت منهم اﻻ كل خير وجميع عﻻجهم لطيوري ياتي بنتائج ممتازة واجد تحسن واضح عليها .. والله عﻻى مااقول شهيد .





البلا بالصقاار وأنا أخوك


الطيور أبتلشت في بعض المتصيقرين


أتكلم من حرقه ويعذرني راعي الموضوع


المرض البين بين والخافي يحتاج لدكتور ولاهي بكلها


أذا مالك فالصقاره فخلها لهلها لا تقول بتعلم


أقول خلاص

[7md_al-m]

اول شي يا عادل الموضوع طرحته للتحذير ولفايده الاخوان
ثاني شي ما جيت اشكي لك الحال عشان تقولي علاجها سهل او لا
ثالثا مهوب انت اللي تحكم اني صقار ولا متصيقر ومحد طلب رايك من الاساس

عرفت يا صقار زمانك

[صقار عفاس]

الله يشفي طيرك و يعوظك بخير منه بس ياخوي الحفا والميله في الكف هاذي من فحصك انت بل عين المجرده

[سبيعي نجد]

كلن يرزق على قد نيته وانا ماشفت منهم الا كل خير والله يهدي الجميع

[صقار الحدقه]

الغلط علاك انت ياراعي الطير والي باعك ليه ماعلمك ان الطير فيه حفاه
والدكتور كشف على طيرك تحليل او ايشاعه او عطاك العلم
وانا استغرب كيف ماقلبت الطير انت

[صقار الحدقه]

الضاهر انك ماتعرف الحفاة

[جت لى]

السلام عليكم أن الحابوط م القصيم
أفشل مستشفي في عنيزة / ma:mad:
لايقربك

[أبو فااارس]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

[AbuAdel_99]

مستشفيات الحين زفت للاوادم وطيور وش بيصير

[صقار الهفوف]

الله يعوك .....

[الرجم النايف]

غريب امرك الحفاه ماتحتاج دكتور بس واضح انك توك مبتدئ

[صقار الأسياح]

اضم صوتي لصوتك ان مستشفى عنتيزه قمة النصب والاستغلال

[الناقد البدوي]

ارجع للمستشفى وايشتكيهم على الفحص السيء اقل شي ينتبهون مع غيرك والله يعوضك ناس وارواح راحت اخطاء طبيه طيرك على يدك والله يشفيه

[أخوحصه]

مع الاسف ان مستشفي عنيزه بني علي اساس الماده وجهله في موضوع طب الصقور