( فراش الصحراء ) وتجربته ..

[abu juod]

السلام عليكم ورحمة الله وبركاته

أسعد الله صباح / مساء الخير للجميع ..

بعد ماتابعت موضوع لأخوي المميز ابو مها ومقارنته لفراش النوم

وأخذ النسبة الأكبر ( فراش الصحراء ) حبيت اسأل عن الإخوان اللي

جربوا الفراش سواء داخل الخيمة او خارجها اذا كان في مطر عن جودته

وتحمله وعيوبه أيضاً ... خصوصاً اذا كان بولستر او تنزاني وش الافضل

ومكان بيعه في جده آو الرياض ..

[abu juod]

للرفع ... ،،

[رهيف المشاعر]

الفراش عن تجربه لا يعلى عليه

[abu juod]

الفراش عن تجربه لا يعلى عليه

مشكور وماقصرت أخوي رهيف بانتظار الباقين
موفق يارب على الرد ...

[فزاااع]

انا عندي فكرة ومطبقها
اشتر اي خيمة مبيت صغيره اسعارها من ١٢٠ الي ١٨٠
مع اي فراش حتى لوكان بطانية وفراش عادي نفس الدفى في الفرش الغاليه

[A s K a D]

خامتة ممتازة
العيب الوحيد وزنه

[abu juod]

انا عندي فكرة ومطبقها
اشتر اي خيمة مبيت صغيره اسعارها من 120 الي 180
مع اي فراش حتى لوكان بطانية وفراش عادي نفس الدفى في الفرش الغاليه


يعطيك العافيه أخوي فزاع على الفكرة
لكن ماودي الا استخدم ( الصحراء) جاهز .. بانتظار الإخوان يفيدونا
موفق يارب ،،،

[abu juod]

خامتة ممتازة
العيب الوحيد وزنه

[]هلا بك أخوي يعني كم وزنه تقريباً
مع تواجد بيعه الوكيل الافضل ..
موفق يارب ...

[بدران الدوسري]

بعد أذنك ياصاحب الموضوع


الحين يالربع فراش الفصول الاربعه هو نفسه الصحراء ؟

[abu juod]

بعد أذنك ياصاحب الموضوع


الحين يالربع فراش الفصول الاربعه هو نفسه الصحراء ؟


حياك الله أخوي بدران تحت آمرك خذ راحتك

لكن حبيت اقولك في فرق بحكم اختبار لأخونا المميز ( أبومها)

ومقارنة فرش النوم مسوي عليها اختبار على هذا الرابط تفضل

http://www.mekshat.com/vb/showthread.php?t=185190

لكن انا استفساري ودي باللي أحد استعمله يعطينا رأيه

من ناحية العيوب والمميزات ومكان البيع آتمنى آفدتك ...

موفق يااارب ،،،

[SIF]

مع احترامي لابو مها وموضوعه
وعن تجربة

لايوجد فراش محلي أفضل من الدريويش يعبيه فقط الحجم

[باترول98]

الصحراء عن تجربه اربع سنين ممتاز لكن يعيبه كبر الحجم وطويه

[بدوي نمبر ون]

شفت التجربه وجربناهن بالشمال
افضل شي ( الصحراء )
واللي يبي ياخذ راحته ع الاخر ياخذ الفصول الاربعه ( خاص ) يجي عرضه متر ونص
ميزته العرض بس
ترا الدريويش مثل البنز يمشي ع السمعه القديمه
تغير والله ياخوك تغير

[ya_hala]

اسعد الله صباح (مساء) الجميع

من واقع تجربتي فراش الصحراء لا يعلى عليه انا جربته في الاردن وكانت الاجواء ثلج والشباب نايمين جوا الخيمه وانا برا مرررره دافي وما تحس بالرد نهائيا مع ان الفراش من برا كان كله قطرات ندا وصقيع

الدرويش زمان كان ممتاز لانه تنزاني بس الجديد منه على ما اعتقد انه قماش باكستاني

وبالنسبه لاستفسارك وين ينباع انا امس شاريه من محل البريه بالرياض لاني رحت السنيدي وما حصلت عندهم

وتجي البطانه الي جوا لونين اصفر وهذا قيمته 340 ريال
الثاني لوان البطانه الداخليه بني قيمته 410 ريال لكنه غير متوفر عند البريه

[وهج الحياة]

بالنسبة لي انا جربت فراش الصحراء وبدون خيمة مبيت واقوم من النوم والندى متجمد ولا اشعر بالبرد داخل الفراش فهو فراش ممتاز ولا يتاثر بالرطوبة تحته ويعيبه كبر الحجم والذي لا اعتبره عيبا مقارنة بجودته .
وللإنصاف لم اجرب الانواع الاخرى المعروفة وانما اذكر تجربتي مع فراش الصحراء

[وهج الحياة]

وانصحك تاخذ المبطن بالقماش افضل من الفرو وان كان الفرو انعم ولكن لكي لا يعلق الرمل في الفرو فيصعب تنظيفه

[abu juod]

مع احترامي لابو مها وموضوعه
وعن تجربة

لايوجد فراش محلي أفضل من الدريويش يعبيه فقط الحجم



مشكور وماقصرت يغالي
وتبقى وجهة نظرك احترمها
موفق يارب ،،،

[abu juod]

الصحراء عن تجربه اربع سنين ممتاز لكن يعيبه كبر الحجم وطويه


يعطيك العافية أخوي باترول ع الرد
وحجم الفراش ما يعيبه دام الخامة والجودة ممتازة
موفق يارب،،،

[abu juod]

اسعد الله صباح (مساء) الجميع

من واقع تجربتي فراش الصحراء لا يعلى عليه انا جربته في الاردن وكانت الاجواء ثلج والشباب نايمين جوا الخيمه وانا برا مرررره دافي وما تحس بالرد نهائيا مع ان الفراش من برا كان كله قطرات ندا وصقيع

الدرويش زمان كان ممتاز لانه تنزاني بس الجديد منه على ما اعتقد انه قماش باكستاني

وبالنسبه لاستفسارك وين ينباع انا امس شاريه من محل البريه بالرياض لاني رحت السنيدي وما حصلت عندهم

وتجي البطانه الي جوا لونين اصفر وهذا قيمته 340 ريال
الثاني لوان البطانه الداخليه بني قيمته 410 ريال لكنه غير متوفر عند البريه


هلا بك أخوي ya_hala والله يعطيك ألف عافية على التوضيح
ودامك مجربه بالأردن مايحتاج أكبر دليل هذا لكن الله يعافيك
ليتك ترفق لو تكرمت صور من داخل الفراش لان الغالب ينصح بعدم أخذ الفرو او المبطن عشان الرمل ... وبالنسبة للمحل مايحتاج واضح وكنت ناوي ارسل الرجال السنيدي لكن اختصرت انت المشوار الله يسعدك ويكتب أجرك ،،،
موفق يارب،،،

[abu juod]

شفت التجربه وجربناهن بالشمال
افضل شي ( الصحراء )
واللي يبي ياخذ راحته ع الاخر ياخذ الفصول الاربعه ( خاص ) يجي عرضه متر ونص
ميزته العرض بس
ترا الدريويش مثل البنز يمشي ع السمعه القديمه
تغير والله ياخوك تغير


حياك الله أخوي بدوي ودامك أخذت التجربة بالشمال كفايه بحد ذاته
بالنسبه الطول وعرض الفراش مناسب مايحتاج أشوف غير الصحراء
موفق يارب

[abu juod]

وانصحك تاخذ المبطن بالقماش افضل من الفرو وان كان الفرو انعم ولكن لكي لا يعلق الرمل في الفرو فيصعب تنظيفه


مشكور أخوي وهج ،، وهذا اللي ابحث عنه مبطن
بالقماش على قولتك افضل من الفرو
موفق يارب ...

[bader70]

الدريويش من تجربه ممتاز يعيبه الحجم في السياره

[سيل بدنة]

وين احصله ولو فيه ارقام اتصال

[الجميل جميل]

حياك الله أخي..
عن تجربة أكثر من ثلاث سنوات لا تأخذ إلا السنيدي فراش الصحراء ..
جربته في الشمال في درجة حرارة 3 كأنك بوسط دفاية ..

[ابوعقيل81]

شباب

أنا العام الماضي شريت من الغرابي فراش حصلت مقاس صغير ومقاس كبير
أخذت الكبير عشاني متين :)

حجمه كبير بالسيارة يأخذ كرسي راكب لوحده
بس ما جربته بالنوم وش رايكم هل هذي الفرش زينة او لا ؟؟

وترى موب فرو من داخل .
وحتى ناسي سعره يمكن كان 200 او 250

لونه بني من الخارج.

[راعي الرود]

أحرص على حجم الفراش بحيث لا يكون مبالغ فيه

لأن مصانع الفرش عندنا عندهم مبدأ الحشوه الزايده يعني دفأ زياده وهذا غلط فيه خامات اخف وتدفي أكثر لكن التكلفه أعلى و السعودي مهب شاري فراش للبر بأكثر من 500 ريال ان كثرت و لو تقارن بين الفرش الامريكيه البولستر و الفرش التنزاني اللي عندنا فرق كبير بالحجم و الدفا بعض الامريكي يتفوق على اطلق فراش عندنا ,, محاتسيك عنده فراش الصمان من القاضي وبلشن فيه ياخذ حيز بالموتر و غثيث في التسفيط

هذي حطها بعين الاعتبار :good2:

[bb5599]

فراش الصحراء ممتاز جدا من واقع تجربة..
ملاحظتي عليه فقط سحاباته غير انسيابية بعكس الدرويش سحابه يجي معك على طول..
انصحك اخي بالصحراء..

[ذيب المغاره]

وين نحصل الفصول الاربعه متر ونص . ماحصلت عند القاضي الا متر وعشرين سم

[web]

مع احترامي لابو مها وموضوعه
وعن تجربة

لايوجد فراش محلي أفضل من الدريويش يعبيه فقط الحجم

ممتاز معروف الدرويش القديم بتميزه ...
لكن السؤال هل جربت انت فراش الصحراء !!!!

[كايد]

مساكم الله بألف خير .....يالربع فراش الصحراء المتواجد هل هو نفسه
القديم ابو داخليه اخضر مشجر .

عندي الدريويش وبنقنص شمال ....ودي بفراش طيب
غير الامريكية ...لانها ضيقة تقول كفن
وغير القاضي لاني مقاطع هالشركة ﻹرتفاع ارسعاهم كل سنة

مشكورين ....ودمتم بود

[التميمي محمد]

انا معي فراش الصحراء لاكثر من سنتين
فراش جميل ودافي وجودته عاليه وقماشه اصلي
وسعره فيه
ولاكن عيبه الشرعي حجمه ووزنه
ثقيل واذا سفطته حجمه كبير يبيلك تطويه
باتقان عشان تحاول تصغر حجمه
فيه فرش امريكيه اصغر منه بعد الطي
وادفاء منه بحكم تجربه وشكرا