افضل محل بالرياض يبيع لحم حاشي

[مكشاتي مدني]

حياكم الله
بس انا رجال انشد عن افضل ملحمة بالرياض تبيع لحم حاشي بلدي طيب ياليت الاخوان المكشاتيين يفيدوني لاني تعبت جدا واشتريت كم مرة لحم حاشي ولا يطلع طيب ياليت تساعدوني وجزاكم الله خير

[x.ok]

في كل حي ستجد المميز في بضاعته وإن كانت تختلف من يوم لآخر

[aboaody]

حياكم الله
بس انا رجال انشد عن افضل ملحمة بالرياض تبيع لحم حاشي بلدي طيب ياليت الاخوان المكشاتيين يفيدوني لاني تعبت جدا واشتريت كم مرة لحم حاشي ولا يطلع طيب ياليت تساعدوني وجزاكم الله خير

وين موقعك بالرياض ؟

[مكشاتي مدني]

وين موقعك بالرياض ؟
انا طال عمرك جنوب الرياض

[قليقلان]

شكلك ناويها عقب هالامطار والخيرات هههههه
يفيدونك اهل الرياض ويكون بعلمك مافيه ملحمه مستواها ثابت
على حسب الذبيحه كل يوم

[بليزر]

حي السويدي شارع الترمذي في المرتبه الاولى ،،،،،ثانيا شارع عسير ،،،،هذا بالنسبه للحمة الحاشي. وبالتوفيق

[aboaody]

انا طال عمرك جنوب الرياض


مالي علم عن جنوب الرياض لاكن بفيدك بالشرق


بشرق الرياض فيه ملحمة للحمه طيب سواء الحاشي او الغنم بس اعلمك الرجال غويلي شوي بس للحمه جيد كيلوه ب 45 ريال

النسيم الغربي شارع الثلاثين (( المعروف بثلاثين القصمان )) وانت جاي مع طريق خريص امسك الخدمه وتعد اشارة المعارض ( معارض النسيم ) اول ماتعدى شارع المعارض بيجيك على اليمين وكالة ياماها حقت الدبابات ادخل باول شارع بعدها يمين امش شوي تجيك الملحمة على اليمين اسمه القصيم بجمبها محل خضار

والرجال والله مايمتني بصله راعي الملحمة بس للحمته طيبه

بالتوفيق

[تميم2222]

تبي لحمه تجمل وطيبه. شفه في غرب الرياض شارع المدينه المنوره مقابل محل العوشن. اسمه ملحمه بن داود. سعر الكيلو٥٠ ريال لكن عزالله انها بالمخ انا جربت محلام بالشمال الرياض كايون يمدحونه. لكن يوم جربت ذا دريت اني ضايع. وبتوفيق

[تميم2222]

تبي لحمه تجمل وطيبه. شفه في غرب الرياض شارع المدينه المنوره مقابل محل العوشن. اسمه ملحمه بن داود. سعر الكيلو50 ريال لكن عزالله انها بالمخ انا جربت ملاحم بالشمال الرياض كانون يمدحونه. الناس لكن يوم جربت ذا دريت اني ضايع. وبتوفيق

[Last Nomad]

طريق المدينه اول ملحمه غرب اشارة سوق الخضار
على يمينك وانت متجهه للدائري
بالنسبه للبيشتري بالكيلو

[KMUU]

هههه نفس الشعور حاطها في راسي بكره وبكره بفيدكم بالتقرير اذا كان يستاهل نصحولي الي مقابل بن داود وزحمة واختره مو الي والله كان فيه واحد شرق الرياض كان زي الوز بس عزل لان ماعنده شي لزبون العادي والزبون الخاص كلهم واحد

[ابوكشتات]

يمدحون محل بساتين القصيم

[مكشاتي مدني]

الله يعطيكم الف عافية اخواني مشكورين وماقصرتوا واللي يعرف لايبخل علينا وجزاكم الله خير

[مكشاتي مدني]

تبي لحمه تجمل وطيبه. شفه في غرب الرياض شارع المدينه المنوره مقابل محل العوشن. اسمه ملحمه بن داود. سعر الكيلو50 ريال لكن عزالله انها بالمخ انا جربت ملاحم بالشمال الرياض كانون يمدحونه. الناس لكن يوم جربت ذا دريت اني ضايع. وبتوفيق
اخوي تميم يعطيك الف عافية رحت لملحمة بن داود شارع المدينة المنورة البديعة صراحة عندهم لحم طيب ولو انة غالي سعرة لكن بلدي واللي عندة علم ومعرفةبمحلات اللحوم لايبخل علينا ياشباب ومشكورين وماقصرتو