تعريفات السده والحفاة والسومار

[ابوحزااااااام]

ارجو من الجميع المشاركه وخاصة الدكتور البراء وكل من عنده خبره بامراض الطيور
في تعريف التالي
1-ماهي السده؟
2-ماهي الحفاة؟
3-ماهوالسومار؟
وهل احدهم مسبب للاخر؟؟

[علاق قطر]

السده تصيد مناسم الطير واذا اضطرت الامور نكويها

وبالنسبه للحفاه نعم ممكن مع الوقت تسومر كف الطير

ارجو اني افدتك اخي الكريم

[ابرق الحرار]

على حسب علمي البسيط انها تصب في معنى واحد ولكن تدريجيا

السدة او السومارعبارة عن الجرح الواضح المكتمل يأتي في كف الطير ويصاحبه حرارة وورم في اصباع الطير

الحفاه بداية للجرح وهي احمرار كف الطيرويقوم الطيروفي النهاية تعتبر سدة اذا اكتملت

وتقبلوا مروري

[خيال سهيل]

ابوحزام مشغلن تفكيرك في السده والحفاه

ابي انشدك عن الطير الي عالجته وش علوم كفوفه عساها ما عادتله

[ابوحزااااااام]

ابوحزام مشغلن تفكيرك في السده والحفاه

ابي انشدك عن الطير الي عالجته وش علوم كفوفه عساها ما عادتله

لا ابشرك مارجعت له

[ابوحزااااااام]

لاحظت اختلاف في اراء الاخوان احد يقول السده تجي مناسم الطير
واحد يقول في كفه
وانا شخصيا اعتقد انها تجي في كف الطير
وننتظر معلوماتكم

[أبو فااارس]

السلام عليكم خلنا نرتبهن من الأصغر اولا الحفاه وهي تحفي كف الطير من داخل وسببها ضرب الارض اكثر من مره وثقل الطير ووكره وعلاجها مسحات طبيه او تدهن ببانزين خفيف ولايحط الطير على قماش تخلي وكره دايم زرع وبالببت ينحط الطير على بطحا تبرد عليه ... والسومار او المسمار عباره عن سده مصغره نتيجة اهمال الطير وعدم علاجه من الحفاه يحتمع العل بكف الطير وتحتر والسده كذلك اشد من المسمار والطير اللي تصيبه سده يفضل عدم اعطائه ماء زايد عن حاجته ولايعطى سمان لأنها سوايل وتعلل هذا اللي اعرفه ودمتم

[خالد العطااوي]

والله انتم اخبر مني لكن فيه طير عندي فيه سومار < ايورالي
لكن افيدوني به يالربع .. زي نقطة الدم بكفه بالوسط ..ولاهي كبيره
وجت بألأصبع بعد حاط الطير على بلكة املاح واعطيه علاج ابو اسد .. وللحين مستقر
هل فيه بخاخ يقولون البخاخ لونه ازرق وماجربته وش رايكم به ..؟

[القصير111]

والله ياخالد كثير من الشباب يمدحون البخاخ اﻷزرق لكن يجب اﻹستمرار عليه مرتين أو ثلاث مرات يوميآ

ويقول واحد من الشباب إذا كانت حفاه الفازلين ممتاز للحفاة أكثر من مرة ف اليوم

[قرناس سنجار]

ارجو من الجميع المشاركه وخاصة الدكتور البراء وكل من عنده خبره بامراض الطيور
في تعريف التالي
1-ماهي السده؟
2-ماهي الحفاة؟
3-ماهوالسومار؟
وهل احدهم مسبب للاخر؟؟

حزام الله يحييك اخوي السومار يعني السده فقبل ان يصاب الطير بالسومار يصاب بالحفاة حيث انها بداية ظهورهذا المرض واذا لم تعالج يتطور فتصبح سومار ومن الاسباب المؤديه لذلك نقص فيتامين( أ) وكذلك كثرة مكافخ الطير مما يحدث الجروح والوقوف المستمر على وكر غير ملائم خاصة الطيور اللي ثقيلة وزن حيث يؤدي الى ظهور ورم على باطن كف الطير يزيد مع الوقت..تحياتي