بخار من معيار الزيت +جنزير !!!

[ابو محمد 1980]

السلام عليكم ورحمة الله

احبتي لدي كابرس 2008 مكينه6 سلندر ظهر لدي صوت في المكينه
وقمت بركن السياره وحملها لورشه بداية التشخيص قال الميكانيكي لديك عطل في الجنزير
وبحاجه الي تغييره الان انه شاهد بخار يخرج من معيار الزيت و مكان تعبئة الزيت
قال انت بحاجه الي توظيب او شراء مكينه من التشليح
ياليت تفيدوني هل هو صحيح ام لا

[التمسساح]

ممكن يكون البخار بسبب ارتفاع حراره المحرك او نوع الزيت رديئ

[ابو محمد 1980]

الزيت جديد مامشيت عليه اكثر من 400 كيلو
لاكن بغيره وشوف

[ابو محمد 1980]

لا توجد حراره لاكن عطل الجنزير اكيد

المشكله حالياً في هاذا البخار

[ابو محمد 1980]

ياليت الخبراء يفيدوني

[ابو محمد 1980]

ياليت الخبراء يفيدوني

[San Francisco]

غير زيت الترا ٧ ٢٠/٥٠ والأفضل تشتري زيت وفلتر وتروح لبنشري يغيرلك الزيت
بعد ما تغير الزيت افتح غطاء الزيت وخل احد يدعس بانزيم بشويش ويزود العدسة شف الزيت يطلع من الغطاء
الخنزير لو فيه مشكله ماراح تشتغل السياره
خل عنك النصاب هذا بعد ما تغير الزيت ولا راحت المشكلة دورلك ورشه ثانيه وثالثه ورابعه

[ابو محمد 1980]

ياليت الخبراء يفيدوني

[مآلقيت اسم]

خله بالاول يفك الراس وشوف الشنابر اذا يبي لها شنابر او لا اذا شنابر سقط شنابر مع تغير الجنزير
من ناحية توظيب كامل مايحتاج
بس تاكد قبل تسقيط الشنابر لايكون السبايك او عمود الكرنك
رح لميكانيكي صاحي
البخار علامة شنبر عندك
والصوت يكشف عليه الميكانيكي وعلى ضمانته يفكها ويصلحها
وخذ عليه فاتوره اصلاح لتظمن حقك


المكينه من التشليح ماتعرف وضعها قبل التشليح منصحك بها

[ابو محمد 1980]

تم تغبير الزيت الي ثقيل نفس الوضع فيه دخان من المعيار لا كنه ضعيف

[مآلقيت اسم]

اذا ماينقص الزيت امش بها لين توقف

لا تخسر نفسك كثير ربي يسعدك


اذا ناوي على مكينه من التشليح او توظيب خلها على ماهي عليه لين ربك يفرجها

[مآلقيت اسم]

اذا ماينقص الزيت امش بها لين توقف

لا تخسر نفسك كثير ربي يسعدك


اذا ناوي على مكينه من التشليح او توظيب خلها على ماهي عليه لين ربك يفرجها

[ابو محمد 1980]

طيب اذا غيرة الجنزير هل فيه جدوى من الموضوع او لا

[MGS88]

اذا المكينة استخدامك الشخصي احرص بان لا تغيرها بتشليح وتبدأ بصيانتها
واتجه لميكانيكي اخر تضمن شغله وخله يفحصها ويتأكد من المشكله ثم يفكها امامك ويشرح لك المشكله
لا تستخدمها لمده طويله حتى ما تتلف المكينه ويتعذر اصلاحها وعندها تضطر لتغيير المكينه بالكامل

[مآلقيت اسم]

زي ماقلة لك افحص بالاول وشوف وش السبب

والفحص يكون بفك راس المكينه وشوف السلندرات هل كويسه او لا اذا كويسه


غير الجنزير. ولاتكون محدود على ورشه ياكم تعبنا بالورش


وبالنهايه صرت اصلح وخترع بالحوش تقول ميكانيكي وربك يفرجها

[ماجد ابو فيصل]

بالنسبه للتبخير اللي مع العيار طبيعي في الكابرس من موديل 2000 لاكن بخار خفيف جدا بعد ماتمشي على السياره مسافه او تجور عليها بسرعه عاليه وتوقف وتسحب العيار تشوف شوي بسيط جدا نوع بخار لان الكابرس نظامه تبخير الماء والزيت

[أرض الحجاز]

أبو محمد

الجنزير له حالتين

أما يكون تالف مقطوع أومرتخي

تالف تكون الماكينة ما تدور وهذي واضحة
أما الجنزير يكون مرتخي يكون فيه صوت في وضع التشغيل قبل لا تدعس بنزيم

وكل ما دعست بنزيم يخف الصوت
هذي مشكلته من شي يسمى الشحاطات

قائمين بشكل القوس تشد الجنزير فالصدر

ولا أظن مشكلتك من الجنزير

===============

بالنسبة للدخان اللي يخرج من أنبوب عيار الزيت

هذا قد يكون ضعف في الشنبر وتلاحظ لو تشم الزيت في العيار يكون رائحته رائحة العادم (دخان الشكمان)

عشان تتأكد فك البواجي واحد واحد
بداية من اللي قريب من الغمارة

إذا لقيت في أحد البواجي زيت فهو ضعف في الشنبر ولا يحتاج إن شاء الله تغيير ماكينه

سقط شنبر أصلي من الوكيل معه فاتورة شراء
ومهندس ممتاز مع فاتورة ضمان شغل يد
وتأكد من السبايك وطرنبة الزيت قبل تقفل المكينة

وفالك الطيب يالغالي

==============
بالنسبة للأصحاب الورش اللي يقولون غير مكينة
ويرسلك على شخص فالتشليح
تراه بياكل منك الربح مرتين
لأن فيه اتفاقيات سرية بين بعض الورش وأصحاب قطع الغيار الجديدة وأصحاب التشاليح

الله يهدي الجميع

ويصلح الحال

[ابو محمد 1980]

شكراً للجميع وجزاكم الله خير

بعد الفك الجنزير الايمن مرتخي و الجنزير الايسر خالي من الزيت !!!!!!!!

وللحين ما طلب القطع ووماهي المشكله

[بن عريفج]

اخوي شوف بلف البخار اللي يجي بغطا المكينه وبه لي اذا كان مقفل يخرج الزيت مع العيار وكثير ناس وضبو وتخسرو والاصلاح الحقيقي٣٠ريال لاغير

[أرض الحجاز]

اخوي شوف بلف البخار اللي يجي بغطا المكينه وبه لي اذا كان مقفل يخرج الزيت مع العيار وكثير ناس وضبو وتخسرو والاصلاح الحقيقي٣٠ريال لاغير


كلامك صحيح 100% :good2::good2::good2: