مشكلة تفتفة و عزم ضعيف في البرادو

[خالد بن عبدالمحسن]

السلام عليكم
و رحمة الله وبركاته

يا اخواني لدي برادو 2010 الشكل الجديد

فيه تفتفه عند الضغط من 1 الى 3
و العزم ضعييييف مره

و دقة السلف ضعيفه شي بسيط

الموتر في السرعات العالية بالخامس من 70 و فوق مافيه تفتفه
لكن العزم ميييييت
بالذات من 140 لين حده 165 التسااارع ضععييييف لدرجة انه يحتاج 3 كيلو عشان يجيب طبلونه


وديته لوكالة عبداللطيف جميل الله لا يوفقهم

سوو صيانه ب3300
نظفوا البخاخات على كلامهم
و نظفوا المنظم على كلامهم

ولازالت المشكلة موجودة

و بعدها بدلو البواجي و نفس الشي

اللي تغير ان التفتفه خفت شي بسيط جداً لا يذكر


و رجعت السيارة لهم بحجة ان المشكلة لم تُحل


و المصيبة كلموني اليوم يقولون مشكلة سيارتك في البساتم رقم 3 و 5 (مع ان السيارة 4 سلندر)
ولا نقدر نحدد المشكلة الا بعد فك المكينة




افيدوني و دلوني

وشكراً لكم

[ريثان القصيم]

السلام عليكم
و رحمة الله وبركاته
وعليكم السلام ورحمة الله
يا اخواني لدي برادو 2010 الشكل الجديد
فيه تفتفه عند الضغط من 1 الى 3
و العزم ضعييييف مره
و دقة السلف ضعيفه شي بسيط
الموتر في السرعات العالية بالخامس من 70 و فوق مافيه تفتفه
لكن العزم ميييييت
بالذات من 140 لين حده 165 التسااارع ضععييييف لدرجة انه يحتاج 3 كيلو عشان يجيب طبلونه
وديته لوكالة عبداللطيف جميل الله لا يوفقهم امين
سوو صيانه ب3300 ريال
نظفوا البخاخات
و نظفوا المنظم
و بدلو البواجي
وشكراً لكم
على وصفك وعقب اللي صلحوه نصابين ابوجميل افحص ولا تغير لاتغير لاتغير
فلتر الهواء
اسلاك بواجي
كويلات
طرمبة بنزين

والله اعلم واحكم


اخوك

ريثان القصيم

[كلاش2500]

قسم بالله نصبوا عليك نصبة جامدة الله لايوفقهم.....نصيحتى لك خذ منهم تقرير عن حالة السيارة خاصة موضوع البستم رقم 5 بما ان سيارتك اربعة سلندر وقدم شكوى ضدهم بوزارة التجارة.....
نرجع لمشكلة سيارتك الاعراض اللى انت ذكرتها مشابهة لاعراض تغيير البطارية والسيارة طافية او انك فصلت اصابع البطارية وهى طافية.....وهذا علاجه فقط اعادة برمجة.......
اذا انت متأكد انك مافصلت اصابع البطارية وهى طافية يمكن انك وديتها عند كهربائى او ميكانيكى لاصلاح شىء معين وهو فصل البطارية......
احذر انك توافق انهم يفكون المكينة....وعلى فكرة ترى لاهم فاكين المكينة ولايحزنون الشغلة فقط نصب في نصب....
بالتوفيق....

[مآلقيت اسم]

الله يعينك على عبدالطيف جميل وشركته النصابه


خذ تقرير ورفع شكوى ٣٣٠٠ فلوس تعبت عليها


قول الموتر زي ماهو ماتغير فيه شيء


صلحوه او هات فلوسي اصلحه برى


وخذ فلوسك او ارفع شكوى








قصة اخوي كامري ٢٠١٣ طفت ولا اشتغلة ما مشت غير ٨ الاف وشوي طلع كمبيوتر


عطلان تخيل وكاله خربان كمبيوترها وقيمتها ٩٧ الف وفيها اصوات بالديكور الداخلي وهواء
بالخط


ويقولون عادي كل هذا الموديل زي كذا وكاله تعبانه

[الظافر]

معي واحد ٢٠٠٨ ونفس المشكلة غيرت البواجي والصفايه ٍوالبطارية كانت تعبانه ركبت غيرها والحمد لله زان الموتر

[الحربي 591]

لو سمحتو
الحين انا عندي نفس المشكله لكن في تاهو 2008
تفتفه وعزم ضعيف
يقولون لازم تفك الراس وقلت ليش تفك قال المشكله في البلوف
فحصت كمبيوتر يقول كويلات وبواجي واسلاك بواجي ومدري وش
فحصت اكثر كن عشرين محل كمبيوتر نفس النتيجه
وإلى الان والمشكله موجوده
الله كريم

[كلاش2500]

لو سمحتو
الحين انا عندي نفس المشكله لكن في تاهو 2008
تفتفه وعزم ضعيف
يقولون لازم تفك الراس وقلت ليش تفك قال المشكله في البلوف
فحصت كمبيوتر يقول كويلات وبواجي واسلاك بواجي ومدري وش
فحصت اكثر كن عشرين محل كمبيوتر نفس النتيجه
وإلى الان والمشكله موجوده
الله كريم
شوف يالحربى اول خطوة تسويها تقيس ضغط طرمبة البنزبن وتشوف ضغطها قوى ولاضعيف....وعندك صفاية البنزين لها ايضا دور ...وعندك تنظيف البخاخات ضرورى...
وموضوع انهم فحصوا بالكمبيوتر وقالولك اسلاك البواجى تراهم نصابين اصلا الى الان لم يخترعوا شى يبين ان سلك البوجى خربان والطريقة الصحيحة هى انك تفصل سلك البوجى وتوجه السلك على السلندر حق المكينة وتشوف يطلع منه كهربا ولا لا....اذا ماطلع فك السلك من الكويل نفسه وشوف في كهربا ولا لا اذا في معناه السلك خربان..اذا مافى رجع السلك وكرر نفس الطريقة مع باقى الاسلاك والكويلات....الموضوع طويل شوى انت سوى اللى قلتلك عليه ان ضبط الخير واهله ماضبط نشوف باقى الامور....
بالتوفيق.....

[خالد بن عبدالمحسن]

يا شباب
ابشركم صلحت الموتر
في ورشة الرشيد في الرياض و هو وكيل داخلي لتويوتا
والله يرزقهم من واسع فضله
كلف كامل ٤٤٠٠
طلع راس المكينه منشعر وخرطته ب٣٠٠ في ورشة برا الرشيد و رجعته لهم
بدلو طرمبه البنزين و البواجي و المصفي
شغلهم والقطع ب٤١٠٠ و الخرط برا ب٣٠٠
والحمدلله الموتر افضل ما يكون الحمدلله

وقال لي المهندس (مصري محترم) اذا رجعت المشكلة لا تجينا ولا شي
لانك خرطت الراس
روح لاي ورشه وبدل راس جديد ب٢٤٠٠ قيمته والشغل ما يتعدا الالف كأسوء احتمال
و عبداللطيف الحسا رجعت لهم و رجعت فلوسي (طبعاً من سمعوا طاري وزارة التجارة جاهم جفال) الله يوفقك يا توفيق الربيعة
وكفا الله المؤمنين شر القتال

[almo3jl]

عيني عيني على عالتايهين مشكلتك حاجتين التفتفه حلها حساس هواء القربه هو الي يتفتف ويطيح العزم لين ٧٠او٨٠ وبعدين يتحسن وأتوقع ضعف العزم اذا مهو منه من حساس تبخير الهواء حق تانكي البانزين