صوت السيور بعد المطر

[صديق كلم رفيق]

السلام عليكم
بعد الامطار والخير صار بالسيارة صوت السيور مثل الحنه ويرتفع الصوت مع الدعس على البنزين ، الصوت مزعج جدا .
الصوت من ثلاثة ايام ولا راح للحين . وش الحل .

[كلاش2500]

وعليكم السلام:
كل شى وله حل ونا خوك لاتشيل هم.....اولا عشان تعرف ان الصوت من السيور ولا من البكرات عليك بالاتى:
شوية شحم لاحظ شوية يعنى شى بسيط جدا بمقدار طرف الاصبع ومن اسفل السير والموتر طافى ثم تشغل ان راح الصوت معناه السير ناشف ونت حر ياتبدله ياتخليه وكل ماطلع الصوت تسوى نفس الطريقة وفى طريقة ثانية مشابهة للطريقة الاولى بس انك تستخدم صابونة لوكس اوكامى وتمررها تحت السير والموتر شغال بس كن حريص يدك لاتجى جنب المروحة علشان لاتعور نفسك.....
لو الصوت ماراح معناه الله يسلمك وحدة من البكرات اللى عندك او كذا بكرة الله العالم ان الماء دخل فيها وشال الشحم حق الرمان بللى وصار الرمان بللى يحك في بعضه ويطلع الصوت...وهنا الافضل انك تغير البكرة الخربانة....
بالتوفيق........

[مآلقيت اسم]

الشغله بسيطه في بخاخ ينباع يحسن من اداء السيور تحصله في ساكو

او بمحلات قطع الغيار


بس تاكد ان الصوت من السير بفكه وتشغيل السياره


بعدها اضفه وشف ان راح او شيك على طرنبة المويه

[مآلقيت اسم]

او من الدينمو لايكون وصلها ماء تطلع حنه

[mohdmmj]

سلمت يدااااك

[صديق كلم رفيق]

لاهنتم
تم حل المشكله ولله الحمد
غيرنا رمان بكرة السير المبلغ 130
شغل اليد عند العضيب صلخني 150
الموتر شاص 2011

[كلاش2500]

الحمدلله....ان امورك زانت...اهم شى خل الفاتورة معك....بس عندى استفسار طالما هالعضيب اللى مايخاف الله هذى اسعاره كان اخذتلك بكرة جديدة وركبتها عند اى واحد....

[صديق كلم رفيق]

العضيب اسعاره نار لكن اللي حدني عليه ان الموتر جديد وخايف يتعبثون به ابو يمن

[أرض الحجاز]

الحمد لله أن المشكلة انحلت وأنا أخوك

الدراهم كلها فداك

تركيب البكرة أو المكرة بسيط جداً

بس مشكلتنا التخوف لخوض أول تجربة

تخاف نخرب شي

السيور غالباً تنشف مع الرطوب وكذلك البكرات وفحمات

فلا تخاف الأمر طبيعي

أما تركيب المكرة 150 ريال

والله كثير وفيه ظلم

لاعاد تروح للعضيب

[كلاش2500]

معك حق من ناحية ابويمن....وخاصة ان الموتر جديد الله يعطيك خيره ويكفيك شره.....