المساعد الشخصي الرقمي

مشاهدة النسخة كاملة : ارجو الافاده للي عنده خبره بالقير التماتيك ضروري


المعاوي1991
19/11/2013, 05:10 AM
السلام عليكم ورحمة الله وبركاته انا عندي فكسار 2007 قير اتوماتيك وعندي مشكله فيه اللي هي اذا جيت في طلعة (شارع مرتفع) القير ينتق (يطق) واذا وقفت في الطلعه تكون السياره موقفه في شارع مرتفع وجيت ابمشي ينتق القير (يطق)ويطيح عزمه وادعس له احس انه مكتوم واذا طفيت السياره وشغلتها ترجع طيبيعي ياليت تفيدوني وفحصت القير يقولون سلين والزيت اغيره باستمرار
ريثان القصيم
19/11/2013, 09:13 AM
السلام عليكم ورحمة الله وبركاته
وعليكم السلام ورحمة الله
انا عندي فكسار 2007 قير اتوماتيك فيه مشكله وهي اذا جيت في طلعة (شارع مرتفع) القير ينتق (يطق)
واذا وقفت في طلعه(شارع مائل) ووجه السياره لفوق وجيت ابمشي ينتق القير (يطق)ويطيح عزمه وادعس له احس انه مكتوم واذا طفيت السياره وشغلتها ترجع طيبيعي ياليت تفيدوني وفحصت القير يقولون سليم والزيت اغيره باستمرار
من وصفك هذا مبرد(اديتر) القير اذا زيت القير جديد
ركب مراوح تبريد خارجيه بفاصل داخل السياره بين الشبك الامامي والاديتر وشغلهن على طول والله احكم واعلم

اخوك
ريثان القصيم
المعاوي1991
20/11/2013, 04:32 PM
ياريثان القصيم القير مايحتر حتى وانا موقف السياره في شارع مائل وهي طافيه وبارده وجيت شغلته وحطيته في d وجيت ابمشي ينتق القير ويطيح عزمه يكتم الموتر وادعس بنزين واحس انه مكتوم واطفيه واشغله يرجع طبيعي
ابوراكان تبوك
20/11/2013, 06:04 PM
كل الجيوب الجكسار والفكسار اذا احتر القير يفصل كنظام أمان لكن داخل البلد لو السيارة شغاله طول السنه مايحتر القير

اخوي الطقة احتمال كبير بسبب الدفع الرباعي المستمر

افحص كراسي القير والمكينة

تأكد أن مسامير الداير مشدوده زين ( المسامير اللي تمسك القير بالمكينة )

وانتظر الاخوان يمكن يفيدوك أكثر
المعاوي1991
22/11/2013, 04:07 PM
الله لايهينك وننتظر رد الاخوان الله يجزاهم بالخير
المعاوي1991
02/12/2013, 04:25 AM
فزعتكم يا اخوان اللي عنده علم لايبخل علي انا رحت الوكاله قالوا مابه شي القير وفحصته كهربا سليم ولله الحمد لكنه عذبني في الخط المستوي ابشر بموتر ولاجيت خط طلعات ونزلات مايمشي مضبوط وينتق ويطيح عزمه واطفيه واشغله مره ثانيه يرجع تمام
نوادر العساف
02/12/2013, 09:42 AM
عندك القير ممكن يحتر ويضعف عزمه حاول انك تنظف مبرد القير وتركب مروحة تبريد اضافيه

وفي حساس موجود خارج الكارتير له علاقه بالمشكله
ريثان القصيم
02/12/2013, 10:23 AM
ياريثان القصيم القير مايحتر حتى وانا موقف السياره في شارع مائل وهي طافيه وبارده وجيت شغلته وحطيته في d وجيت ابمشي ينتق القير
اذا وقفت بشارع مائل ورجلك على الفرامل
ارفع الجلنط حتى تاقف السياره تماما ثم امن القير على الـP
واذا شغلت السياره لاتنزل الجلنط اضغط الفرامل وعشق القير على الـD ثم
نزل الجلنط شوي شوي ولاتدوس بنزين وخل الموتر بنزل بنفسه
والله اعلم واحكم
ويطيح عزمه يكتم الموتر وادعس بنزين واحس انه مكتوم واطفيه واشغله يرجع طبيعي
باقل التكاليف ابداء بفحص
فلتر الهواء
نظف حساس الهواء
نظف اثم ثلاجة المكينه (الثروتل)
ننتظر ردك


اخوك
ريثان القصيم
ريثان القصيم
02/12/2013, 10:35 AM
فزعتكم يا اخوان اللي عنده علم لايبخل علي انا رحت الوكاله قالوا مابه شي القير وفحصته كهربا سليم ولله الحمد لكنه عذبني في الخط المستوي ابشر بموتر ولاجيت خط طلعات ونزلات مايمشي مضبوط وينتق ويطيح عزمه واطفيه واشغله مره ثانيه يرجع تمام
اذا القير سليم زيته وكهربه باقي تشوف الاديتر هو الماء نظيف او لا
اذا ماء الاديتر يحتاج تغيير فاقرب شي فيه انسداد بمبرد القير جرب تنظيفه ويفضل تغييره



اخوك
ريثان القصيم
المعاوي1991
03/12/2013, 07:56 AM
الله لايهينك ياريثان القصيم بانظف الرديتر والثروتل واشيك على مبرد القير وارد لكم
almo3jl
09/12/2013, 04:32 PM
اخوي مشكلتك بزيت الغير غيره كامل شوف الكتالوج يجي فيه كم علبه للتغيير الكامل اشتر اصلي وكاله مع الفلتر وانشالله مايشوف شر