ماهي كيفيـة إزالة الصدأ من الديتـر

[BLA6K]

السلاام عليكم ورحمة الله وبركاتــه

سمعت إن زيت الفرامل كفيل بإزالة الصدأ أنا افكر انقعه بزيت فرامل مع مويه واخليه كم يوم بس أخاف يتآكل الديتر لأنه المنيوم

[اسدهم]

بوة منظف الماني تحصلة عند حقين المرسدسات الشداي والمالكي المهم. نقص الرديتر حوالي علبة فرامل. همن جب الي شريتة وكبة كلة وخلك علا ادعسة. خمس دقايق ورجلك علا ادعسة

[ريثان القصيم]

السلاام عليكم ورحمة الله وبركاتــه
وعليكم السلام ورحمة الله
سمعت إن زيت الفرامل كفيل بإزالة الصدأ أنا افكر انقعه بزيت فرامل مع مويه واخليه كم يوم بس أخاف يتآكل الديتر لأنه المنيوم
هالمعلومه يفيدك المجربين والخبراء
اذا اضطريت لتسييخ الاديتر وطبقو الاديتر بعد التسييخ قبل التركيب خل الغراء السيلكون يبرد من 6 ساعات الي 12 ساعه باالنسبه للصيف والشتاء ثم ركبه

اخوك
ريثان القصيم

[كاشت بالبر]

فيه سائل او محلول لتنظيف الرديتر و مسارات الماء بالمكينه ؛ من الصدأ والخ...

صناعته امريكيه تلقاه عند ساكو لكن ترى ما عمري جربته وإن شاء الله راح أجربه إذا فضيت

http://store2.up-00.com/2013-11/1384879172471.png

http://www.toyotaclub-sa.net/up/uploads/13118803272.jpg

طريقة الإستخدام :

1- لازم تكون السياره بارده
2- فك غطاء الراديتر .. ثم فك صرة الرديتر شوي وخل يخرج ماء قليل بمقدار العلبه
3- رج العلبه زين .. ثم صب العلبه كلها في الراديتر وعب الراديتر فل عشان ما ترتفع الحراره يعني لا تخلي الماء ناقص
4- ركب غطاء الراديتر
5- حط المكيف على الحار وخل السياره شغاله لمده 15 دقيقه
6- طف السياره وخلها تبرد

وإذا بردت السياره
فرغ ماء الراديتر كله وفرغ الماء اللي بالخزان الإحتياطي ( القربه )

وعب ماء راديتر أصلي مناسب لسيارتك

اذا كان الماء مركز وثقيل و غير مخلوط بالماء المقطر مثل ماء راديتر اسي ديلكو dex-cool .. لازم تخففه بالماء المقطر .. يعني 4 لتر ماء راديتر و 4 لتر ماء مقطر تصير النسبه 50\50

وإذا كان مخفف و مخلوط بالماء المقطر .. لا تخلط معه ماء مقطر وإلا راح تقل فعاليته ضد الصدأ والتآكل

ماء راديتر ( تويوتا وميتسوبيشي والخ...) مخففه ومخلوطه بالماء المقطر وجاهزه للإستخدام

الأنواع المخففه ممكن تزودها شوي ماء مقطر .. لكن لا تزودها كثير


كرتون الماء المقطر بـ 9 ريال من محلات الجمله وفيه 12 علبه
يعني العلبه تطلع عليك بـ 75 هلله

والبناشر يبيعون العلبه بريالين يعني الكرتون بـ 24 ريال


وأنا لو مكانك بفرغ الراديتر كله وافرغ قربة الراديتر
ثم اعبيها ماء نظيف أو ماء مقطر وأضيف لها المحلول هذا
وأخليه ينظف الراديتر والخ... من الصدأ
ثم افرغه مره ثانيه وأعبي ماء راديتر أصلي

وترى هذا يختلف اختلاف كلي عن الفلاش حق تنظيف البيوت .. اذا بتحط الفلاش حق البيوت والحمامات ترى بيعدم عليك السياره بياكل الحديد أو الألمنيوم وبيعدم عليك الليات والخ...

[سيف وقلم]

في الصناعية القديمة فيه محل اسمه كابلي وكيل مونرو كانك تعرفه، وهو وكيل برستون عنده منظف رديتر فلاش وعنده بعد موية رديتر برستون صناعته أمريكي.

[مآلقيت اسم]

بصراحه مافي افضل من تنضيف محلات الرديتر انا نظف في البيت لكن

ماظبط معاي افكر اشق خزان قديم عندنا وركب دينمو وخذ العلاج اللي فوق لونه اصفر وسوي نفس المحلات يمكن تجيب نتيجه


زيت الفرامل يمنع الصدا بس مايشيل الصدا من الرديتر ومن داخل المكينه


انت جرب منت خسران

[BLA6K]

جزاكم الله خير جميعاً وأخص بالشكر أخوي كاشت بالبر ولاتعبت يالغالي