موضوع للنقاش ( موتر راعي الطير )

[falcon 1]

بسم الله والصلاة والسلام على رسول الله

اما بعد

السلام عليكم ورحمة الله وبركاته
مساكم الله بالخبر يالربع , وشحالكم عساكم ومن يعز عليكم طيبين وبخير

موضوعي شوي غير


انتم خابرين مجال الصقاره فيه طرد وهدد وسواقه. انا موتري سفاري 1991 ابد وكالة لا مركب شي ولا لاعب فالموتر , سبب هالموضوع هو: جاني واحد من الربع الله يذكره بالخير وقال " شلك بالسكراب ذا , دزه واخذلك 2003 " رديت عليه " والله يخوك مكفيني ذا لله الحمد " قال " والله يجراح لا من روح طيرك الا انت قاعد في مكانك, عزم ماكو "

الحقيقة قعدت افكر في كلامه . هل انتم توافقون ولا لكم وجهة نظر اخرى , انا لاحق طير مو صاروخ .


وشرايكم يالربع .

هل احد قد ضيع طير سبب سرعة الموتر وفزته ؟
هل احد معارض الكلام تماما ؟
هل احد موافق هالكلام ؟

كلنه اخوان ونبي اراكم ونصايحكم بالقروم

جزاكم الله خير وبيض الله وجيهكم


تقبلو تحياتي اخوكم فالكن 1

[(هزاع)]

وعليكم السلام ورحمة الله وبركاته
حياك الله يالنشمي
كلن وقدرته
لاشك ان الموتر النضيف محركاته افضل ولايعني الموديل شي عند نظافة المحرك
والسرعه مابها خير لكن متابعة الطير تحتاج الموتر وفن القياده مع نصحي بمتابعة الطير من قبل خويك اللي مرافقك لنتباه السايق لوعورة المنطقه
اتمنا لكل المسلمين السلامه والتمتع بما من الله عليهم من نعم

[abo_Majed]

الموتر ماله دخل بالطير ..وبالوعر مانت مسرع ودام الريشة مضبوطه وتدق مسافه طيبة معك امورك سليمه

[mtnokh]

صراحه موضوع جميل
انا اقول الموتر مو مهم والطير مو مهم المهم عندي خويي اللي جنبي ..
وودي اسأل عن افضل جهاز للريشه بعد اذان راعي الموضوع

[طيار قطر]

والله ياخوي انا انصحك توقف وتدربل على الطير او تسوق وتخلي خويك يثبته لانه الطير لا دبر مع الهوى مايلحقه شيء

[عاشق هدبها]

السلام عليكم
اخوي تبي نصيحتي
الموتر ماله اي دخل
الطرد ومال اطرد والله ماله الا الخساير والواحد يطرد وايده ع قلبه
يا ما سمعنا ناس قلبوا وراحت ارواح بسبة الطرد وتلقاه بالمدعى يدعي
الله يرحم الميت ويجبر المصاب
والله يشفي الجميع
فلذالك اهم شي الريشه والجهاز
ودربل وامش ورا الطير اذا معك خوي واذا ما معك تمش وراه ولا اوقف ودربل واستانس
ومثل ما قلت الطرد ما وراه فايده لو تطيح بجرف ولا تزح السياره لاسمح الله ولا يضرب عليك كفر
الله يستر علينا وعلى جميع المسلمين
وشكرا لك لانك فتحت الموضوع وجا بوقته
جزاك الله خير

[ابو وافي00]

السلام عليكم ورحمة الله وبركاته
حي الله كلاً باسمه


الموتر ماله مدخل في عدم ضياع الطير ياما ناس ضاعت طيورهم وسيارتهم أخر موديل
أهم شي خويك يسبر وينتبه للطير وأنت تنتبه للطريق
وإذا معك ريشه تقلل بعد الله من ضياع الطير




تحياتي :
أبو وافي..

[falcon 1]

بسم الله الرحمن الرحيم

السلام عليكم ورحمة الله وبركاته

اولا احب اشكر كل من شارك في هذا الموضوع

نعم ، انا أوافق كلامكم ، الريشة خدمتنه واجد . عز الله راحو ناس سبة للسرعه ، عسي الله يرحمهم برحمته.

والله يا إخوان أني اشوف مواتر تطوفني فالمدعى العداد ١٤٠ ، الحين بسال هذا طير ولا صاروخ ؟ ههههههههه الله يهديهم

بيض الله وجيهكم جميعا وجزاكم الله خير كلن باسمه