جمس 84

[حسون الفهد]

سلامم عليكمم .. اخواني :)
مساءء و صباحح الخيرر

هاذي اول مشاركة لي وان شاءء الله ابداء بالجديد


اخواني انا معي جمس صالون 84 مكينة 353 كانت عليهه 454
ال454 من وكالته وخبطت وغيرناها ل 353
اول على ال454 نضربه النفود و الشعبان وكل شي والحمدلله
ومع ذالك مافيهه دبل .. والحين 353 مع واحد من العيال والله
ماشاء الله النفود عادي عنده وعزمه قوي الله لايضره وانا والله
لو ادخل لي في براحة الموتر عزمه ثقيل ومع الخط ماش مايمسح الخط
ولو ازود الدعسة مايتغير شي يطفي عزمه بالنفود و يغرز والصراحة
انا ما احب المجلاس بالديرة احب النفود والمكاشيت وقلت اسئل اخواني
اهل المكاشيت واللي لهم خبره قبل اروح واتخسر .. والفرامل يحجر بعد
ومرتين اغير علبة الزيت حق الفرامل ويالله يالله


ملاحظات :
الموتر نازل من ورا شوي + شكمانين + تراه مب قطع 10

تكفون يالربع فيدوني ولا بحرق فيه قسم بالله انه مهي بحاله تكفون

[salih100]

ياترجع المكينه 454 ولا تبدل الدفرنسات والقير حق 350 بلد

وتنحل المشكله

[التمسساح]

تأكد من المكينه انها ٣٥٠ ماهي ٣٠٥

[مآلقيت اسم]

مع احترامي مجرب ٤٥٤ و ٣٥٠
و ٣٠٥
كلها بالجمس كويسه سوا ضعف بسيط مايتلاحظ الا مع الكرف


شوف الجربكس عندك غير زيت وفلتر
وغير بواجي اصلي وكاله
ونظف الكربريتر ووزنه صح
مع وزن الديلكو
وشغل الموتر بظلام وشوف لايكون به تهريب من اسلاك البواجي




وشي مهم مهم مهم لايحتر الموتر لن الحراره تظعف عزمه
ونت جرب عزمه اول مايشتغل وبعد مايحتر


وقول لنا لاجربت وش اللي صار معك

[التمسساح]

مع احترامي لك ال ٣٠٥ على الجمس ماتنفع بريال الديانه وهي محمله برسيم اسرع وانشط منه

[مآلقيت اسم]

عندي جمس سوبربان ٨٦ عليه مكينه ٣٠٥. تعال وجرب وقول وش رايك

بصراحه والله ادائها قريب من ٤٥٤ او ان المكينه اللي كانت به تعبانه


بس ركبت عليه حقة الكابرس شد بلد وربي يمشي بالخط مشي غير طبيعي

[التمسساح]

يارجال ال ٣٥٠ على الجمس يادوب شايل عمره كيف لو كانت ٣٠٥