عندي مشكلة هزه في البودي مع الدعسه

[ابوماجدالشمال]

السلام عليكم ورحمة الله وبركاته
اخواني بعد التحيه
عندي مشكله في تاهو 2007 دبل وهي هزه في بودي السياره مع الدعسه
واذا رفعت رجلي عن البنزين تروح
تقريبا على سرعة 80 فما فوق
وسلامتكم،،،

[ابونايف2010]

احتمال يكون من القير على وشك يخبط
احياناً اذا غيرت الزيت والفلتر يسلك معك
وعموماً 2007 فيه مشكلة في القير وتعدلت في 2008

[salih100]

واحتمال من عمود الدوران الصليبات

ورصص الكفر احتياطً

إبداء بالاحتمالات الخفيفه لا تطب على القير ع طول

[ابوماجدالشمال]

يعطيكم العافيه اخواني
فعلا اشك في الصليب او كراسي المكينه بس نبي ذوي الخبره

[ابوماجدالشمال]

فحصت السياره عند المكانيكي وطلعت كراسي المكينه
وطريقته في الفحص كالتالي
رجل على البنزين ورجل على الفرامل يدعس ويرفع ولاحظت ان المكينه ترتفع لفوق مره
وهذا بغيت ان اخدمكم بالمعلومه
وشكراً"

[بدر سليمان]

شكرا يابوماجد على المعلومة

[MSAN]

واحد من اثنين لا ثالث لهما.. وكلهم قطع استهلاكية أنصح بتغييرها كل 100000 كلم
1- كراسي (المكينة أو القير)
2- صليب أعمدة الكردان