التجارة زينة بس الاستغفال مب زين

[mohdabusaleh]

يا شباب ياللي تبيعون وتشرون..

حطو أسعار عادلة أما شغل استغفال وزيادة أسعار مب زينة أنا فكني الله من مقلب لقد زايدت على أحد سلع الأعضاء واكتشفت أنها أقل مما بيعت به بالنصفففففف

يعني أبو مية بخمسين


اتقوا الله:f:f:f

[خالد 33]

دام انك متأكد ولا ظلمت الرجال حط رابط موضوعه هنيا عشان نحذر منه و يرتدع هو..
اما مواضيع جوفاء بدون ادله ولا اعترافات وش فايدتها؟؟
وحسبنا الله ونعم الوكيل
عموما انا بدخل مزايداتك خاصة الاخيره واشوف هههههه
-------------------------------
ما عندك الا مزايده وحده في موضوع واحد ورسى المزاد على غيرك وباقي كم حبه بعد ههههه

[حسنين123]

حسبي الله ونعم الوكيل

[أبو ذيب 77]

عطنا الرابط لو سمحت
كل شوي يفتح موضوع بهذا الخصوص من عضويات جديدة !!

[mohdabusaleh]

http://www.mekshat.com/vb/showthread.php?t=605823&page=2

هذا رابط الموضوع يوم انكم طلبتوه

ورست ب 200 ريال وشريتها أمس من محل البرية ب 95 ريال والمحل موجود والموضوع موجود

[web]

السلام عليكم

هد السرعه ياخوي

لكن شف لنكن مع الحق انت قلت مزايده انتم من يزايد احد الشباب الله يذكره بالخير عرض سلعه من فتره افتحو باب السلعه باغلى من قيمتها نزل قيمتها وقال انا يرضيني هالمبلغ الله يجزاه خير بس الناس يختلفون

واذا كان على دبه بريموس الي انت دخلت في مزايده عليها انا اشوف انها رخيصه وين بالسوق بنصف قيمتها سويديه اصليه !!! ترا السوق مليان صيني شكلك طاب بصيني تحسبها هي .

[mohdabusaleh]

لا مهب صيني ولا هندي ونعرف الفرق بينهم

اللي الله يربح الجميع بس لا احد يستغفل أحد ويجب على إدارة المنتدى أن توقف هذه المزايدات لأنها تؤثر في سمعة المنتدى

[مكشاتي2009]

السلام عليكم
اخوي الظاهر الي عنده البرية بريموس هندي
لاكن رابط الموضوع الرجال كاتب سويدي اصلي
بكذا تفرق كثير
اتمنى تتأكد من الدبه الي اشتريه هندي اوسويدي

[GM_400]

هل أنت متأكد انها سويديه اللي معروضه عند البريه

[GM_400]

http://www.mekshat.com/vb/showthread.php?t=415536

[خالد 33]

تاكد مثل ما قال اخونا مكشاتي ولا تطب الا متثبت ونخوك
بس حتى لو ظلمت الرجال فالموضوع هذا..الظاهره موجوده..
لكن تدري؟؟الملامة على المشتري فقط..دون الحلق اليدين

[m1m2m3m4m5m6]

والله شي عجيب ,, فرق بين ان يستغفلك شخص وبين ان تكون انت مغفل ,,
اذا زاودت على سلعه وانت لاتعرف سعرها الاصلي فأنت مغفل , ولا تنتظر من البائع ان يقول لك لا ياخي تراها ماتسوى لأنه مزاد واخر من يقف عليه المزاد فهي من نصيبه هذا العرف وهذا طبع الناس,,

لكن اذا قال لك انها اصليه وهي ليست كذلك فهذا هو الاستغفال,,

[m1m2m3m4m5m6]

والله وبالله وتالله اني رديت قبل ان اعرف من البائع ,, وبما اني عرفته الان فسأشهد له انه يبيع اقل من السعر المعروف لبضاعته وعندي الدليل لو اردتوه

[الحارثى محمد]

والله وبالله وتالله اني رديت قبل ان اعرف من البائع ,, وبما اني عرفته الان فسأشهد له انه يبيع اقل من السعر المعروف لبضاعته وعندي الدليل لو اردتوه

مافهمت من مداخلتك هذه شيئ
يرجى التوضيح

[mohdabusaleh]

والله شي عجيب ,, فرق بين ان يستغفلك شخص وبين ان تكون انت مغفل ,,
اذا زاودت على سلعه وانت لاتعرف سعرها الاصلي فأنت مغفل , ولا تنتظر من البائع ان يقول لك لا ياخي تراها ماتسوى لأنه مزاد واخر من يقف عليه المزاد فهي من نصيبه هذا العرف وهذا طبع الناس,,

لكن اذا قال لك انها اصليه وهي ليست كذلك فهذا هو الاستغفال,,


لا لا لا

يعني انت تعرف سعر كل سله في السوق؟؟؟؟؟؟

والا تدخل محل وتلقاها بسعر وتروح لثاني وتلقى نفس السلعه وبسعر ثاني وش بتقول وقتها..

هل في هذه الحالة بتصير مغفل؟؟؟؟؟؟؟؟



عموماً لا ياخذ الموضوع أكثر من حجمه

ترا الموضوع 200 ريال

لكن الواحد يتوقع أن في المنتدى رجال تتعاون مع بعض .. ولكن الواقع يقول رجال تتعاون على بعض


الواحد بهذه الطريقة يفقد مصداقية أعضاء المنتدى وهذا اللي ما نبيه

حنا حنا نتبادل خبرات ونصايح وتجارب والبيع والشراء بالمعقول

[خالد 33]

والله وبالله وتالله اني رديت قبل ان اعرف من البائع ,, وبما اني عرفته الان فسأشهد له انه يبيع اقل من السعر المعروف لبضاعته وعندي الدليل لو اردتوه
اخي المدعي واحد وهو صاحب الموضوع

[m1m2m3m4m5m6]

كتبت وتراجعت وكلامي السابق يكفي ,,

[خالد 33]

وطبعا انت ملزم بالاعتذار للرجل عالعام ان ثبت استعجالك

[m1m2m3m4m5m6]

خالد انا شاهد مع البايع موب مع المدعي < محكمه

[خالد 33]

خالد انا شاهد مع البايع موب مع المدعي < محكمه
انا اخاطب صاحب الموضوع بطلب الاعتذار لصاحب الدبات:D

[أبو نادر.]

دبه سعرها يطق 200 ريال
ليه اذا خلص الغاز تعبي نفسها

عندي دبه اخذتها 60 ريال قبل 6 سنوات وشغاله زي اللوز

انتبهوا من المبالغه بالاسعار

[مفكّر]

صاحب السلعة إن وضع حد لسلعته وكان السعر مبالغ فيه فهذا نسميه استغفال
أما أن يضع البائع سلعة ويتم المزايدة عليها من أشخاص لايعرفون قيمتها فالملامة على المشتري.

وأما فيما يخص دبة بريموس السويدية فلا أعلم أحد يبيعها الآن من المحلات سوى البرية وليست متوفرة دائما وهذا ربما مايدفع البعض لشرائها ولو بسعر مرتفع .

[راعي الشنانة]

الله يكتب الي فيه خير للجميع

[الروقي؟]

كلام عين العقل والصواب يامفكر

[حسنين123]

ياجماعة الخير هدو شوي الغش والنصب في كل مكان وكل عقله براسه والله ليس لي علاقه باحد الطرفين بس الموظوع مايسوى ياحبيبي الاجانب لاعبين علينا لعب وماكلينا اكل ولا احد قد قال فيهم شي وش تدورون ورا هاالاجودي انا قد شريت منه سلعه وعارف انها غاليه بس مظطر لها واخذتها بكل قناعه رأيي الشخصي والمعذره ان كنت اسأت لاحد

[نفوذ الصمان]

سؤال الى من يهمه الامر
الى متى هؤلاء الاشخاص
المستاجرين من منتديات
اخرى قريبه معروفه
يعبثون بخيمة العدد
بين الحين والاخر
يتهمون فيها اعضاء خيمة العدد
بالنصب والاحتيال
بدون وجه حق
هدفهم تفكيك وتفرقه الاعضاء وقسمهم الى مجموعتيتن
بين مؤيد ومعارض
مجرد كلمات يكتبها ويذهب
وياتي بعد فتره ايضا يكتب ويذهب
وانتم لا تحركون ساكنا
هولاء الاشخاص المستاجرين
هم من سيهدم مكشات
يامشرفين ويا إداره اصحوا
الى متى هذا السكوت

[خالد 33]

اخوي نفوذ الصمان
ليتك تهدي شوي
والله اعلم الرجال عنده سوء فهم
البوادر انه ماخذ دبه هنديه والبايع هنا يبيع سويديه
انتظر الين تتضح الامور
والمفروض ان المدعى عليه يدخل و يضع النقاط على الحروف
لانه معروف بالوصف و الرابط اعلاه مهوب سر..
او يوضح المدعي هل الدبه الي لقاها سويديه ام هنديه

[عبدالرحمن305]

السلام عليكم

نعم اغلب الاحيان توجد عند محل البريه ٥ رطل سويديه
مخزنه بواقي الستوك والمخازن اعداد قليله جدا
ومصيرها الى الانتهاء
وللعلم منتجات بريموس السويديه
توجد باعداد قليله شارفت على الانتهاء
حتى محل الرخيص الموجود بالكويت
قفل المحل واتجه الى تجارة الادويه

[mohdabusaleh]

سؤال الى من يهمه الامر
الى متى هؤلاء الاشخاص
المستاجرين من منتديات
اخرى قريبه معروفه
يعبثون بخيمة العدد
بين الحين والاخر
يتهمون فيها اعضاء خيمة العدد
بالنصب والاحتيال
بدون وجه حق
هدفهم تفكيك وتفرقه الاعضاء وقسمهم الى مجموعتيتن
بين مؤيد ومعارض
مجرد كلمات يكتبها ويذهب
وياتي بعد فتره ايضا يكتب ويذهب
وانتم لا تحركون ساكنا
هولاء الاشخاص المستاجرين
هم من سيهدم مكشات
يامشرفين ويا إداره اصحوا
الى متى هذا السكوت


لا يا حبيب امك

لا مستأجرين ولا شي

سيهدم مكشات الأغبياء شرواك

[n9com]

يشهد الله أني تعاملت مع الرجل
وكان في قمة الأخلاق ،، سمح بالبيع وسمح بالاسترجاع
والسلعه نادره ووجودها في محل واحد لايعني توفرها بكل مكان
واتمنى دائماً نقدم حسن النية على سوء الظن

[ابوفهد الشريف]

السلام عليكم
اخي الكريم صاحب الموضوع
تمنيت لو انك كتبت كل هذا الكلام في موضوعي
الموضوع مايستاهل انك تفتح ساحه للنقاش والتشهير وكاني سارق او محتال

ماراح اتكلم عن السلعه وجودتها وعن مدي ندرتها او غيره

عموما ولتكون بالصوره
انا واعوذ بالله من كلمه انا لم اقم باستغفال احد كما ذكرت
ولم اقم بغش احد لاسمح الله فمن غشنا فليس منا
كل ماهناك اني عرضت سلعه ولم احدها بسعر معين
وتركت باب السوم مفتوح للجميع
ومن المعلوم انه لن يقوم اي شخص عاقل بالسوم الا ولديه خبره بالسعر
ويكون عارف كم تسوا والمنتدي مفتوح حتا لمن لايعرف السعر بامكانه الدخول علي المواضيع المشابهه والاطلاع علي الاسعار

انا لم اجبر احدا علي الشراء ولم لم احدد السعر
المشتري هو من حدد السعر وانت واحد منهم
في حال انه ناسبني ببيع وان لم يناسبني ماراح ابيع

وانت لاتعلم انا بكم شاري وبكم ابيع فلاتتهم احد بالاستغفال الله يهديك

كون ان السلعه موجوده في محل معين وبسعر اقل
هذا لايعني اني غشاش او استغفالي مثل ماذكرت
بالعكس والله اني فرح انها متوفره وبسعر اقل لان انا وغيري راح نستفيد منه

انا ماني زعلان منك
لكن اسلوبك ماهو اسلوب مناسب للتفاهم هداك الله
مايصير ننعت بعضنا الاخر بالقاب جارحه ولاتليق

كتبت هالكلام ولا انتظر منك رد
والله يهديك

[ابوفهد الشريف]

وكرما وليس امرا
ياليت من لديه خبره باسعار الدبات
يفيدنا ولو بسعر تقريبي
كم السعر المناسب لدبه بريموس اصليه 5 رطل جديدة؟
وهل ان سعر 200 ريال للدبه يعتبر مبالغه ؟

[أبوحمد 505]

السلام عليكم ورحمة الله وبركاتة

أولاً الدبة معروضة للمزايدة وهذا حلال الرجال وهو حر يبيع بريال ولا بالف ريال إذا وجد الشراي

ثانياً الناس ظروفهم مختلفة وأماكنهم متباعدة يعني لو يجي واحد مكانة في أقصى الشمال ولا أقصى الجنوب وشراء الدبة ب٢٠٠ وتم شحنها لة فهو سعر مناسب جداً لة

واللي من الرياض أكيد ماهوب شاري من النت إلا بضاعة نادرة أكثر ما كثر الله محلات الرحلات

وأتمنى أغلاق الموضوع أخذ أكبر من حجمة

[الحارثى محمد]

الموضوع خاضع للمساومه
واللى يجهل سعر قطعه لايدخل ويساوم عليها

[أبو نادر.]

واحد يرفع والثاني يكبس

[m1m2m3m4m5m6]

يا ظالمين شاخوف السيفرت يبيعه ب450 ريال وهو يباع في الخارج ب700 ريال بدون رسوم الشحن للسعوديه يعني يوصلك ب900 !! وتقولون استغلال ,,
http://www.ebay.co.uk/itm/Brand-New-Box-Sievert-Craftmens-Set-3499-BNIB-/140987831669
شوفو كم سعر البيع وكم سعر الشحن الداخلي واضرب الجنيه الاسترليني في 6.5 وتعرف ان الرجل سعره مناسب جداً
ابو فهد طعني ولا تتعامل مع هالعالم اللي تفرح باستغلال الاجنبي وتتنكر لطيبة القريب ,,

[kshtat999]

ابي نفس الدبه ب 200 اذااحدعنده لايبخل

[التعـ King ـديل]

الاخ mohdabusaleh انت مطالب بالاعتذار من الاخ ابو فهد الشريف لسببين

الاول : ان ابو فهد قام بعرض السلعه ولم يضع سعر معين وانت قمت بالمزايده ولا تعرف قيمتها

الثاني : ان السلعه اغلا من مما ذكرت وانه عرض الاصليه واللتي اشتريها ربما ليست الاصليه وذلك لفارق السعر

لذلك قم بالاعتذار له فورا لما سببته من احراج وتجريح له بدون وجه حق

[m1m2m3m4m5m6]

الاخ mohdabusaleh انت مطالب بالاعتذار من الاخ ابو فهد الشريف لسببين

الاول : ان ابو فهد قام بعرض السلعه ولم يضع سعر معين وانت قمت بالمزايده ولا تعرف قيمتها

الثاني : ان السلعه اغلا من مما ذكرت وانه عرض الاصليه واللتي اشتريها ربما ليست الاصليه وذلك لفارق السعر

لذلك قم بالاعتذار له فورا لما سببته من احراج وتجريح له بدون وجه حق


أحسنت ,, لكن لاتتوقع انه يرد فتسجيله جديد في المنتدى وشكله متخفي للاسباب اللي ذكروا الشباب

[تالي الوادي]

واحد يرفع والثاني يكبس

أبو نادر .. قل خيرآ أو إصمت هداك الله !!

[web]

اخوي mohdabusaleh انت جاي مشحون من شريتها بالمبلغ الي ذكرته

اول شي الله يباركلك بما شريت ويكفيك شرها
ثاني شي انا وغيري نعرف انها مقطوعه من السوق حتى لو حصلتها بهالقيمه والله يجزاه خير صاحب المحل يبيع بهالقيمه ولو حطها ب٢٥٠ او اكثر صدقني بيشرونها
لو تلاحظ دلال العساف الكوريه تباع مستعمله دبل قيمتها جديده لانها مقطوعه لكن لو تفر وتتعب بالبحث رايح تلقاها جديده باقل من نصف قيمتها مستعمله الاصل انها مقطوعه وغير متوفره والكل يبغا يحصل عليها
اقولك مثال صار معي انا
الابريق الاخضر الكوري يباع باسعار عاليه لانه ستيل ومنقطع والله اني حصلته صدفه في محطه رايحه فيها ب٢٠ او ٢٥ ريال وشريته مالقيت غير حبه .

انت استعجلت بالموضوع الله يحفضك ولاتنسى ان موضوعه على السوم انتم من وضع المبلغ وانتم من حدد السعر
وجمعه مباركه على الجميع ان شاء الله

[hot_line]

الرجال عرض سلعته مزايده وليس سعر محدود منت مجبور ترفع وتشتري

[خليل909]

السلام عليكم ورحمة الله وبركاتة

أولاً الدبة معروضة للمزايدة وهذا حلال الرجال وهو حر يبيع بريال ولا بالف ريال إذا وجد الشراي

ثانياً الناس ظروفهم مختلفة وأماكنهم متباعدة يعني لو يجي واحد مكانة في أقصى الشمال ولا أقصى الجنوب وشراء الدبة ب200 وتم شحنها لة فهو سعر مناسب جداً لة

واللي من الرياض أكيد ماهوب شاري من النت إلا بضاعة نادرة أكثر ما كثر الله محلات الرحلات

وأتمنى أغلاق الموضوع أخذ أكبر من حجمة

الله يجزاك خير نعم الله علينا لاتعد ولاتحصى وكلمتك هذي الي تحتها خط الله العالم ماتجوز حسب كلام الفقهاء واهل العلم . حبيت انبهك اخي الكريم فقط
وبالنسبه للموضوع الاخوان كفو ووفو وبالنسبه لصاحب الموضوع السعر الي مايجوز لك تجنبه ولاتقربه ولاعضاء الي سامو الدبه هم ادرى بسعرها وصاحبها تركها علىالسوم ماحدها وكلن يبيع ويشري بالي يخارجه

[أبوحمد 505]

الله يجزاك خير نعم الله علينا لاتعد ولاتحصى وكلمتك هذي الي تحتها خط الله العالم ماتجوز حسب كلام الفقهاء واهل العلم . حبيت انبهك اخي الكريم فقط
وبالنسبه للموضوع الاخوان كفو ووفو وبالنسبه لصاحب الموضوع السعر الي مايجوز لك تجنبه ولاتقربه ولاعضاء الي سامو الدبه هم ادرى بسعرها وصاحبها تركها علىالسوم ماحدها وكلن يبيع ويشري بالي يخارجه


جزاك الله خير سأبحث عن الفتوى إن شاء الله

[أبوحمد 505]

الله يجزاك خير نعم الله علينا لاتعد ولاتحصى وكلمتك هذي الي تحتها خط الله العالم ماتجوز حسب كلام الفقهاء واهل العلم . حبيت انبهك اخي الكريم فقط
وبالنسبه للموضوع الاخوان كفو ووفو وبالنسبه لصاحب الموضوع السعر الي مايجوز لك تجنبه ولاتقربه ولاعضاء الي سامو الدبه هم ادرى بسعرها وصاحبها تركها علىالسوم ماحدها وكلن يبيع ويشري بالي يخارجه


ياليت جزاك الله خير تدلني على الفتوى في هذا الشأن رابط موقع ولا رقم فتوى والله ليس حباً في الجدال ولكن للفائدة