التمسساح
21/11/2013, 06:04 PM
السلام عليكم
بما ان السوالف في الخيمه عن الجن حبيت اذكر سالفه صارت لي قبل مده طويله..
السالفه والله الذي لا اله الا هو انها زي ماراح اذكرها لكم ومافيها زياده ابد يعني راح اذكرها بالتفاصيل ..
من مده ليست بالقريبه كان لنا جار من الاردن الله يذكره بالخير والرجال شرواكم طيب وكريم ومايجيك منه الا كل خير..
جارنا هذا قال للوالد انا رايح عمان عندي شغله بخلصها وارد للسعوديه وماراح اجلس اكثر من يومين او ثلاثه ايش رايك تخاويني منها تغير جو قال الوالد الله يحفضه ويطول بعمره تم ..
مشينا انا والوالد وجارنا و صلنا لبيتهم تقريبا اخر العصريه قبل المغرب بشوي طبعا ديرتنا قريبه من الاردن الي هي تبوك حوالي 400 كيلوا من تبوك الى عمان ..
الرجال الله يبيض وجهه و وجيهكم ماقصر ذبح لنا ذبيحه وتعشينا وبعد السوالف والجلسه الطيبه جاء وقت النوم،، بيتهم كان بيت شعبي الحوش مكشوف وانت في الحوش تشوف أبواب الغرف والمطبخ ودورة المياه ((اعزكم الله)) وكان الجو ماهو بارد بالحيل يعني جو معتدل ويميل شوي للبرودة،، قال الوالد :
انا بنام بالحوش وقلت :
وانا بنام عندك بين فراشي وفراش الوالد حوالي متر او اكثر شوي طبعا الكلام هذا وانا عمري حوالي عشر سنوات او اكثر..
شوي حطينا روسنا هههههه المهم جتني صحوه اخر الليل وانا اشوف أنوار المطبخ والعه طبعا الباب تشوفه وانت في الحوش ،،واسمع صوت جاي من المطبخ كان احد جالس يرتب او يغسل مواعين قلت:
يمكن احد من اهل الرجال في المطبخ والله وانا اسمع صوت احد يمشي قريب مني ولا والله الذي لا اله الا هو حذياني ((الله يكرمكم)) يمشن في الحوش كان احد لابسهم برجوله ولا في أحد لابسهم يعني جالسات يتمشن في الحوش لحالهن ..
انا بس شفت المنظر عقلي طااار قلت بروح للمطبخ واطلب الفزعه هههه ومن الخوف وانا اروح واتغطى مع الوالد في فراشه وهذا اخر ماتذكره شكلي انصرعت هههه ومادريت غير والنهار طالع ،،ولا هذا معزبنا جايب الفطور وجلس يفطر معانا ولا هو يقول للوالد:
ماحسيت شي في الليل؟؟ قال الوالد:
لا والله خير ايش فيه؟؟
قلت انا شفت كذا وكذا ،،وكان في احد في المطبخ وكنت بروح له قال الحمدلله انك ماروحت لو روحت ماتحصل احد !! ولا هو يقول للوالد:
ترا البيت مسكون وخفت اقول وتفكر اني مابغاكم تناموا عندنا واهل البيت متعودين عليهم والبيت مبني فوق مقبره قديمه وقت الحفر حصلوا عضام أموات بس ماحد تأذى من شي ولهم سنين هم في حالهم وحنا في حالنا ..
ادري اني طولت بس والله ان هذي السالفه زي ماصارت لي بدون زياده ولا نقصان ..
تحياتي
بما ان السوالف في الخيمه عن الجن حبيت اذكر سالفه صارت لي قبل مده طويله..
السالفه والله الذي لا اله الا هو انها زي ماراح اذكرها لكم ومافيها زياده ابد يعني راح اذكرها بالتفاصيل ..
من مده ليست بالقريبه كان لنا جار من الاردن الله يذكره بالخير والرجال شرواكم طيب وكريم ومايجيك منه الا كل خير..
جارنا هذا قال للوالد انا رايح عمان عندي شغله بخلصها وارد للسعوديه وماراح اجلس اكثر من يومين او ثلاثه ايش رايك تخاويني منها تغير جو قال الوالد الله يحفضه ويطول بعمره تم ..
مشينا انا والوالد وجارنا و صلنا لبيتهم تقريبا اخر العصريه قبل المغرب بشوي طبعا ديرتنا قريبه من الاردن الي هي تبوك حوالي 400 كيلوا من تبوك الى عمان ..
الرجال الله يبيض وجهه و وجيهكم ماقصر ذبح لنا ذبيحه وتعشينا وبعد السوالف والجلسه الطيبه جاء وقت النوم،، بيتهم كان بيت شعبي الحوش مكشوف وانت في الحوش تشوف أبواب الغرف والمطبخ ودورة المياه ((اعزكم الله)) وكان الجو ماهو بارد بالحيل يعني جو معتدل ويميل شوي للبرودة،، قال الوالد :
انا بنام بالحوش وقلت :
وانا بنام عندك بين فراشي وفراش الوالد حوالي متر او اكثر شوي طبعا الكلام هذا وانا عمري حوالي عشر سنوات او اكثر..
شوي حطينا روسنا هههههه المهم جتني صحوه اخر الليل وانا اشوف أنوار المطبخ والعه طبعا الباب تشوفه وانت في الحوش ،،واسمع صوت جاي من المطبخ كان احد جالس يرتب او يغسل مواعين قلت:
يمكن احد من اهل الرجال في المطبخ والله وانا اسمع صوت احد يمشي قريب مني ولا والله الذي لا اله الا هو حذياني ((الله يكرمكم)) يمشن في الحوش كان احد لابسهم برجوله ولا في أحد لابسهم يعني جالسات يتمشن في الحوش لحالهن ..
انا بس شفت المنظر عقلي طااار قلت بروح للمطبخ واطلب الفزعه هههه ومن الخوف وانا اروح واتغطى مع الوالد في فراشه وهذا اخر ماتذكره شكلي انصرعت هههه ومادريت غير والنهار طالع ،،ولا هذا معزبنا جايب الفطور وجلس يفطر معانا ولا هو يقول للوالد:
ماحسيت شي في الليل؟؟ قال الوالد:
لا والله خير ايش فيه؟؟
قلت انا شفت كذا وكذا ،،وكان في احد في المطبخ وكنت بروح له قال الحمدلله انك ماروحت لو روحت ماتحصل احد !! ولا هو يقول للوالد:
ترا البيت مسكون وخفت اقول وتفكر اني مابغاكم تناموا عندنا واهل البيت متعودين عليهم والبيت مبني فوق مقبره قديمه وقت الحفر حصلوا عضام أموات بس ماحد تأذى من شي ولهم سنين هم في حالهم وحنا في حالنا ..
ادري اني طولت بس والله ان هذي السالفه زي ماصارت لي بدون زياده ولا نقصان ..
تحياتي