ما رأيك في السيارة المقلوبة

[قناص السلم]

بسم الله الرحمن الرحيم

السلام عليكم ورحمة الله وبركاته

لماذا الناس تبتعد عن السيارات المقلوبة على الرغم من رخص اسعارها

جيب ربع 96 تويوتا الموديل النظيف فوق 50 إذا كانت خالية من الصدوم والقلبات

لكن نفس الموديل حصلت سيارة مقلوبة لكن محركاتها شرط مكينة شاص كل شيء وسعرها 24 الف

ايهم تشتري ولماذا ؟ وهل سوف يجد مشاكل إذا اشتراها

يهمني رأيكم

[abo yusef]

ﻻن مقاسات السياره بتختلف بياثر عل عملية التوازن للسياره في السرعات العاليه وعند المنحنيات
لو فيه مساطر تصلح القلبات زي اللي برا يمكن اقلك انك بتستفيد

[رفيق المجره]

ممكن يكون الشاص منلاح أي فيه عوجه وهذا راح يخليك كل شهر أو شهرين تغير كفر عشان يمسح

[العطاوي a511]

بصراحه اقسم بالله اغلب السيارات اللي شريتها مصدومه ليش لانها انظف من غير المصدومه والسبب تصليحها بقطع جديده اما غير
المصدومه مكروفه وقطعها منتهيه وكلن على هواه يشتري

[راعي الرود]

تنسيم الابواب

الشاصي يمكن متضرر او فيه لوح

لكن اذا الموتر ذا جاز لك من ناحيتي لو انا بمكانك اخذته لأن الموتر قديم و سعره معقول لا تدور بدي بالمواتر القديمه شف محركات و عضلات و توكل على الله اهم شيء الشاصي سليم من التعديل عشان ما تعاني من مسحيه بالكفرات

[ابوراكان تبوك]

مو شرط يا اخوي تو برمضان بيع جيب ربع 94 مقلوب لكن مسمكر سمكره مجنونه نص الاشياء مغيره وممشاه 220 الف الشاص ما جاه شيء بطن السياره برشة الوكاله مافيه نقشه المهم الموتر صفى على راعيه بـ 46الف لكن جيب عليه الكلام وقفه وسكبة بودي كلالالالام ما كان ناقصه الا جلد بودي وركب راعيه عليه جلد بودي حقات فورد اصليات بنص قيمته جلد تويوتا
الجيب الربع سمكرته مفضوحه في رشات بدون معجون صاجه هذا اللي يمشي لكن نص السيارة معجون وهي سياره بر بكم مشوار يتكسر المعجون ويتشوه شكل السياره

انا معك ان 95 % من السيارات المسمكره تطيح بالحيل بالذات الجيوب لكن سمكره عن سمكره تفرق

لكن انت اللحين تقارن بين سيارتين ال 96 اذا بتستخدمه فتره وتبيع يمكن يطيح من سعره حتى ان بقى معك بتحس انك مشتري موديل 96 مزنوقه قيمته 18سنه مكدود
لكن الثاني ابو 24 الف قيمته لينه حتى لو بعته ماينقص عن سعره الاهم تحسب حساب العضلات والكفرات والمحركات حتى ماتحط فيه

[مآلقيت اسم]

يا تل قلبي تلاه

من تجربه
ابعد عن السيارات المقلوبه والمصدومه تعل القلب بمشاكلها


والله اني تعبت منها وخاصه اللي يبي يستخدم


كل يومين يطلع لك مشكله وخاصه بطن الموتر لنه اذا انقلب اكيد وينية البطن ماتنوزن ولو وزنتها فتره وترجع تتفكك