نرغب ان يستفيد الجميع كيف يتم تدريب الطير على الطراد

[حر الجير]

نرغب ان يستفيد الجميع كيف يتم تدريب الطير على الطراد وارجو ان يستفيد الجميع نرجوا اﻻجابه من صقارة مكشات الذين لهم خبره

[القصير111]

يالغالي أول شي الطيور فيها غريزة أنها تاخذ العلف من بعضها

لكن كيف يتم تدريب الطير عليها لتقوي هذه الغريزة

أولآ تجيب أي طير مثل الباشق أوحقبي أو بكة
وفي الغالب تبدأ بالطيور الصغيرة ثم تتدرج في اﻷكبر

تربط العلف في أرضية الطير اللي تبغى تعلم طيرك عليه وتفرع طيرك من قريب وتخليه يشوف العلف وينقز وتنسره عليه تنسير بسيط ثم تسحبه من تحته وتفكه وتخليه يلحقه وإذا لحقه تعشيه عليه حتى يشبع
وتكرر العملية حتى يتعود على ان العلف معلق في الطيور اللي قدامه

مع مراعاة وضع شطرطون على أرضية الطير اﻵخر عشان مايعور طيرك

أخوك أبونورا التميمي