الصقر ولا العقاب

[Eisa_11]

سلام عليكم يا اخوان عندي استفسار لكن قبل
بعطيكم سالفة
معي حمام زاجل الاحمر وطبعاً معتني فيه من ناحية
الغذاء الحمام سريع جداً ويراوغ كثيرر وفيه ميزه بالحمام
وزنه اثقل من الحمام العادي
الحاصل ان الصقور لاجت تعجز تجيبه لانه يراوغ كثير ويرتفع في السماء
يوم من الايام طلعت ولقيت عقاب طارح اطيب حمامه فيهن شلون مدري

هاللحين ابي اعرف راي كل واحد فيكم ،....!؟

[AbuAdel_99]

اكيد العقاب مهوب سهل لا تستغرب

[جرناس الصحره]

احتمال اللي صاد الحمامه شاهينه والعقاب اخذهه

[طيار قطر]

العقاب يحوم فوق اعلا من الطيور الباقيه ويدوي من فوق للصيده وله ضربه وحده ياتخيب ياتصيب وحمامتك الله كتب انه تجي في كف العقاب

[الرجم النايف]

العقاب يحوم فوق اعلا من الطيور الباقيه ويدوي من فوق للصيده وله ضربه وحده ياتخيب ياتصيب وحمامتك الله كتب انه تجي في كف العقاب

عزالله اني قد شفته تماما مثل توصيفك ويحول من سماء والحمامه تنربش ولاتقدر تراوغ يعجبني هالطائر على ثقله وقلة مراوغته بس ذكي

[طيار قطر]

عزالله اني قد شفته تماما مثل توصيفك ويحول من سماء والحمامه تنربش ولاتقدر تراوغ يعجبني هالطائر على ثقله وقلة مراوغته بس ذكي

العقاب ملك السماء ياخوي وكل الطيور تهابه

[صقار الأسياح]

احتمال اللي صاد الحمامه شاهينه والعقاب اخذهه
هذا الكلام فيه شاهين حولك بالمنطقه

[خيال سهيل]

العقب تجي على الهدد ودايم تجينا عل هداد الطيور واكثر من مره تطرد الحمام صحيح مهي سريعه
بس فيها الصمله وتبطي تتلب ورى الحمامه لين تطيح عل وجهها وتاخذها
اما الزواجل فالموضوع غير انا اتوقع اما مثل ماتفضلو الاخوان محول من سما عليها او انه دخل العشه واخذها وطلع

[متولع بالقنص]

ارزاق وانا اخوك

سبحان رزاق الهوايش بجحورها

[طير الشايب]

1: يا ان العقاب مرتفع جداوحول عليها او 2: كانت الحمامه موقعه وخمها .. ( مستحيل العقاب يلحق له حمامه ويراوغ معها ) موفقين جميعا

[صقار عفاس]

١احتمال ماسكن الحمامه خيط ولا خيشه طالعن منها خيوط وهي تفلي وتحوس وكفخت وشافها وحول وقشها مهوب شرط تلقاالخيط لينه يقشها هو مسره والله اعلم

[سليمان99]

العقاب مستحيل يجيب الزاجل