خباش الخلفه

[هدرام]

:عندي خلفة لها شهرين ونص من يوم نتجت وحالتها سليمه لاحظت عليها الايام هذي
خباش ديدها وحالها ينقص واكلها خف
مريت دكتور بيطري قال هذا هيام أخذ لها أبرة هيام . وش الحل ياهل الحلال اعطيهاألابره أو انتظر عليها.

[الفقيس]

فيه ابر عند البيطري للوريم ابرتين ويعطيك مرهم دقها ثﻻث مرات يوميا ورشها بماء باردفي الصبح والمغرب وحلبهاا
وﻻتشرب حليبها لمده اسبوع وخفف الضرمه عليها وغيرمكان الشبك فكهاتسير

[تميمي بريدة]

الخلفة عن تجربه احلبها الصباح والمساء وادهن الديس بزيت زيتون
وخلها تمشي اقل شي خمسه كيلو يومي
وعطها شعير بسيط كيلوين مع البرسيم وان شاء الله ماتشوف شر

[بازار شريف]

ماعندها الا العافيه عطها ابرة الهيام ابو جمل الهنديه اسمها تراكوين 205
واحلبها الصباح والمساء واكيد انك فاك حوارها معها وهذا اللي يسبب الوريم لانها تعطف ولا ينظف ديدها

[حسنين123]

خل عنك الادويه واغسل الديد بمويه بارده الصبح بدري والمساء وخلها تمشي لا تحجرها بشبك النهار كله ونظف الديد زين بعد مايرظع الحوار واعزمني على الحليب وماتشوف شر بتدعيلي

[راعي سهوه]

اذا ماتسرح طبيعي يخبش ديسها خلها تسرح واغسل ديسها بالماء الباارد وان مافاد عطها الابره

[ابوالفهد]

سرحها وشف العافيه ان شاء الله

[كايد]

اذا الناقة تسرح فلازم تعين لها طب .
واذا محكورة في شبك ...عادي

[متابع سحاب14]

ايذا كنت ماتطلعها فـ اكيد راح يكون مخبش الديد يالغالي خلها تمشي واجد كم يوم ونظف ديدها وباذن الله ماتشوف فيها الا العافية ادع لنا بس:good2::D

[صقار الهواشم]

[QUOTE=حسنين123;9782515]خل عنك الادويه واغسل الديد بمويه بارده الصبح بدري والمساء وخلها تمشي لا تحجرها بشبك النهار كله ونظف الديد زين بعد مايرظع الحوار واعزمني على الحليب وماتشوف شر بتدعيلي[/QUOTE

مع حسنين

[هدرام]

الله يعطيكم العافية على ردودكم
أعطيتها ابره هيام أردنية حسب كلام البيطري وتحسنت حالتها خفيف