سؤال لاهل الخبره

[ال معلى]

السلام عليكم ورحمه الله وبركاته

انا عندي استفسار طووويل والله يصبركم علي

الاهو انا من زمان ابي لي سلوقيين اثنين وجاء قبل رمضان بفتره

رحت للشرقيه والقى سلوقي على الطريق حول سعد مالكم بالطويله

قلت له اركب ماصدق خبر طمر وارجع للرياض وادق على خويي

راعي مقناص قلت تعال عندي سلوقي ابيك تشوفه وجاء وشافه

وقال باخذه اقنص به وارده عليك المهم دق علي قال السلوقي منتب

شايفه تبي موتري تبي اي شي اخذه انا طالبك في السلوقي قلت له فداك

المهم قال انا بعطيك جراوه ثلاثه بدالها

الحين ابي اعرف السلق لو اربيها بالرياض بالمزرعه الي في بيتنا هل بتتاقلمم

وهل هي تنبح مثل الجعاريه كثيرررررررررر والا لا

وش رايكم الحين وابي منكم المساعده

[حرف العين]

والله راي انه الله يصلحك ويهديك.

الذيخ اللي عينته دامه عارف الشغله ودامه ممتاز فمعناته انه لعرب وانه هله حاليا عايشين في حسره ينشدون عنه وموشرط انه السلق لو طلع

من مكانه معناته ماله صاحب ومعناته لك حق تبادل به او تبيعه او تملكه واتمنى تصلح غلطتك وتروح مكان مالقيته وتنشد عن هله.

[طلو]

اقول والله ان مشاكل السلق واجد لاكن مادام خاطرك بالذيخ او انك عطيته وتقول ما نيب راجع في عطيتي قل لخويك مانيب مسؤل اذا جاك احد


يطالب فيه ورح اسال لين تعرف اهله واطلبه منهم ان عطوك فبها ونعم وان رفضو اخبرهم عن محله واخبر صاحبك ان اهله يبونه وهو يصلح

معهم وفك نفسك من الاحراجات

[هاوي سلق]

اسمع كلام ونصيحة اخوانك ولاتتردد
وانا معهم في الشي هذا

[(القناص)]

فك عمرك ولا تدخل في مشاكل انت في غنا عنها

[ال معلى]

والله يالربع اني يوم لقيته ماهوب عشان كلامكم بس

اني لفيت مع ملف سعد ورحت الين قربت من سعد ورجعت

وانا اصلاا اعرف شمامره بسعد ونشدتهم قالو مانخبر احد

ضايع له سلوقي

وانا اعرف الاصول يا ذيابه ولو جاني راعيه وقال رجع لي

سلوققي عطيته والمشكله انه عليه وسم حرف انجليزي على رجله

وهذا الي مخليني اعرف راعيه لو جاني وانا دخلت ماخليت موقع سلق الا

مانشدت عنه وبالماريه فيه حرف انجلييزي برجله

والمشكله لاقيه في مقطعه حول الشبك واقف واخذته

[حرف العين]

بيض الله وجهك على التوضيح

وعملك عين الصواب واجديت بفعلك

[ال معلى]

حرف العين

تسلم على مرورك يالغالي

وشاكر لك

[طلو]

ونعم يالذيب بيض الله وجهك

[عقرب الواادي]

ال معلى كل عام وانت بخير انا مسروقه علي سلق قبل خمس شهور وهم من الكلاب الأصيله بس اخوي الأفضليه صورت السلوقي وعرضته لنا علا المنتدى يمكنه لي او واحدن اعرفه او اخواني من المنتدى يعرفونه بس لاهنت صوره وأعرضه لنا الله يبارك فيك والسلام ختام

[ال معلى]

عقرب الواادي

صبحت بالخير يالغلااا

انا قلت الكلب عليه وسم بحرف انجليزي

يعني لو عرفت الحرف راح اجيبه لك من عيوني

[طلو]

وانا اخوك الي يعرف الحرف او يجيب صوره او يوصفه لك عطه اياه وارتاح

[ال معلى]

طـــلـــو ياغلاهم

مايحتاج يالغالي والله لوديه له لو باخر الدنيا


ومشكور على تفاعلك

[طلو]

الله يسلمك هاذا العشم فيك والله

[هاوي سلق]

الحرف اللي عليه جي