كيف اتعرف على جودة الفحم قبل ان أشتريه ..؟؟؟

[ثــــايـر]

السلام عليكم ورحمة الله وبركاته ..

اخواني الكشاته كيف اعرف جودة الفحم قبل ان أشتريه وهل يوجد هناك طريقه لفحص الفحم بدون ان اولعه ؟؟؟؟

ارجوااا لمن لديه خبره في هذه الاموران يساعدنااا ولا بيخل علينااااا ...

دمتم بكل ود ..

[عجاج]

وعليكم السلام ورحمة الله وبركاته اخوي ثاير وكل عام وانتم بخير

الحقيقة اثرت موضوع ممتاز لاني العام الماضي اشتريت 40 كيس فحم سمر منقى من سوق الحطب ببريدة

وشرط لي البائع انه مايطقطق ابد ولكن للاسف طلع نصف الاكياس تقريبا تقل العاب نارية اعدما الفرشات والثياب

اشكرك اخي ثاير وننتظر ردود أصحاب الخبرة

[ثــــايـر]

اخي عجاج وانت بخير وتقبل الله طاعتك ..

بصراحه انا عانيت من الفحم المغشوش كثير وسبب لي احراج ..لذلك اطلب من اصحاب الخبره ان يساعدونا في حل هذه المشكله ..

دمت بخير

[الوفي]

والله الغالب فيه يجي مخلوط فلذلك يصعب التفريق بينهم

[aziz2727]

كلام اخوي الوفي صحيح
بس اعتقد ان لثقل الكيس وخفه معيار وليس مسلم به لجودة الفحم .
سلمني على الفحم الي رماده ابيض مثل الثلج . بس وين تلقاه

[ابرق العزاف]

بالنسبه للفحم مايسلم من الخلط يخلطونه فحم اثل

وعشر وغيره لاكن خذا حطب وشب نارك واترك
عنك الغشاشين السودان اللى ماسكين سوق الفحم
كلهم غش في غش 0000 يشترطلك فحم قرض
ويفشلك اذا شبيته كانه طراطيع وانا لقيت كل بضاعه
يمسكها سوداني 99/ 100 غش في غش
غنم فحم بعارين 0000000

[نمر بن حثلين]

بالنسبه للفحم مايسلم من الخلط يخلطونه فحم اثل

وعشر وغيره لاكن خذا حطب وشب نارك واترك
عنك الغشاشين السودان اللى ماسكين سوق الفحم
كلهم غش في غش 0000 يشترطلك فحم قرض
ويفشلك اذا شبيته كانه طراطيع وانا لقيت كل بضاعه
يمسكها سوداني 99/ 100 غش في غش
غنم فحم بعارين 0000000

حتى الحطب ما سلم من الغش اخوي
وين تلقا الي يبيعك سمر صافي ؟
99% منهم يخلطون لك السمر مع السلم مع الطلح
لكنك حتى مع غش الحطب تسلم من الطقطقه

[الرهدن]

صدقت أخوي باسل 1

ولايهون القرطة البنقولي00
لكن00
لا نخصص الغش بجنس معين00والذي يساعده أو يتستر عليه مواطن للأسف والدليل خله يمسك وتشوف أول مايتبرء منه أبوالشباب الغشاش الكبير00
لكن مانقول إلا 00 سلط الله عليهم00وهوسحت في بطونهم وكل لحم نبت من سحت فالنار أولى به00
الأغلب يغش لأننا والله طيبين بل ساذجين أحيانآ00


.

[طحنون]

دورعلى الفحم الثقيل واللي مافيه
لمعه يعني بعض قطع الفحم تجي فيها لمعه في بعض اطرافها هاذا اتركه لاتتشتريه

[بواسامه]

الغش ماله جنسيه وانا اخوك ولا تعمم
ولكن اكبر غلط انك تاخذ كميه وانت ما تعرف خويك
خذ حاجتك ولا تثق بعد يمكن طعم لك
عموما
حسبنا الله ونعم الوكيل على الغشاشين
غالب ما نشتري ان طرطعان

[ثــــايـر]

لاهنتم جميعا ًعلى المشاركه والتفاعل ..

بالنسبه للاخ العزيز اللي ذكر الغش ..أخي الفاضل الغش ليس له جنسيه محدده ويرجع الى ذمت الشخص نفسه هذي من وجهة نظري ..ونحمدالله ان الدنيا بخير ..ولو خليت لخربت ..والله يبعد عنا الغش والغشاشين اللهم آآآآمين

دمت بكل ود ..

[الفتى المجازف]

اقترح عليكم فحم يجي معلب في كرتون لايتعد الثلاثة كيلو تقريبا بعشرة ريالات
واسمه فحم المجمعة حقيقة جربته ووجدته ممتاز وتراي مجربه للشوي وللقصدير اسوي عليه الشاهي حقيقة فحم ممتاز وتحس انه سمر من ريحته ولو انه فحم.
ما يطقطق ومافيه طراطيع وعملي جدا ويبطي بعد.
يضاف عادة مع الفحم في الكرتون قفازات شفافة(دسوس) وكبريت وشعال الفحم حبتين.
قيمة الكرتون 10ريالات فقط زاد ريالين بعد زيادة الرواتب صار12ريال والبركات تتوالى.

تحياتي للجميع

[كحيلان 11]

يا الغالي انا اعرف الفحم الطيب فحم السمرر
اذا رمد يجي لون رماده ابيض من الثلج
هذا يكون الفحم الأصلي اللي
ما مثله

[إبن فيصل]

والله موضوع جيد وترى الفحم في معظم الاحوال يجي مخلوط والدليل على كذا تشوف أولاًَ أحجام قطعه مختلفة وألوانها مختلفة أيضاً الي تلمع والي مشهبه والي سوداء تقول مغسولة أو مرشوشة ببوية...المهم لا بد لك من الطرطعة الله يعينك لكن هناك طريقة يسويه الواحد عشان ما تجيه الطرطعة حقت الجمر وهي كالتالي:

شفت البرميل حق البويات خذلك واحد وأفتحه من الجانب الثاني وخله يجي مثل الاسطوانة مفتوح من الجانبين وأعمل لك فتحات على الجوانب صغير تسمح بمرور الهواء للنار....جمع الجمر وشبه ويكون بشكل دائري على شكل البرميل وغطه بالبرميل وبكذا بتضمن إنشاء الله عدة حاجات وهي ...سرعة إشتعال الفحم (نتيجة تسليط النار على الفحم بالكامل بوسط البرميل)...الطرطعة كلها بتكون في وسط البرميل محجوزة....إشتعال الفحم كاملاً بحيث يكون جاهز كله بدون وجود فحيمات لم تمسها النار والتي تعتبر سبب من أسباب الطرطعة حقت الفحم.

كما أن هناك شي مهم نسيت أقوله وهو أنه من المهم أن تنشر الفحم أو تضعه في مكان حار وجاف لتضمن خلوه من الرطوبة والماء التي تلعب دوراً أساسياً في الطرطعة حقت الفحم.
آسف على الاطلاله والسلام عليكم ورحمة الله وبركاته.
وتقبلوا تحياتي....إبن فيصل،،،،

[خالد777]

من الخطأ أننا نشري كميات كبيرة ونتوهق أنا حظي زين بالفحم ماعمري توهقت الحمد لله
فعلا الفحم الثقيل واللي حباته كبيره أهم مايميز الفحم الزين والله اعلم

[ثــــايـر]

شكر للجميع وملاحظات مهمه لاهنتوااا..

[هلا بريدة]

تبون الصراحة ........... عندي طريقة بس لاتعلمون أصحاب الفحم ..............ز
أجي لم راعي المحل وبعد السلام أقوله أبي فحم ؟؟؟؟؟ عادة يجيب اللي ماهو طيب أقوله بطرف عيني أو خشتي ( أميله ) إفتح الخيشة ؟ وإذا إفتحه قلتله : ياخوي شكلك ماعندك زين وأقفي ......ث
عادتأ يلحقني ويقول تبغى حق شيشة كبير وكويس ,,,ثم يودين لطرف محله خويشاة صغار وغاليات لكن نسلم من الغش وسلامتكم ......ز

[ثــــايـر]

هلا بريده ..طريقه فهلويه لكن ليست على كل حال تنجح ..

[الطعس الذهبي]

انا ممن يقول الغش ليس مسلط على حنسيه معينه عن غيره لاكن كلن وذمته

وانا متعذب مع الفحم المغشوش والطراطيع

[KoKaToo]

والله هذي مشكله كبيره نعاني منها بالكويت ايضا واحسن حل انك لاتشتري كميه كبيره من بائع واحد ، حاول انك تاخذ من كل محل كيس والله المستعان

[ثــــايـر]

صدقتواا فعلا ً لاحد يشتري كميه كبيره ويتوهق بالنهايه ..الاهم انك تأخد على قدك كل ما احتجت ..

[فل اوبشن]

اهم شي انت ليه شاري الفحم ..ااذا الشوي بينفع معه الانواع الاقل جوده ..
على العموم شل كسرة الفحم اذا حسين انها ثقيله يكون غالبا من الانواع الجيده وبرضو لايكون لماع لانه سيء
ماينفع .. وترا الفحم مهوب من شجرة وحده اعلمكم سر شفتو شجر الشوارع حق الزينه ااذا قطعوه من عند بيوت هالعالم
يجون ناس ويشيلونه ويفحمونه بالمصانع فيه كم حوش خابرهم هالبنقله نصابين والكراتين جاهزه يكيس الفحم ويحطه بالكرتون
ومكتوب على الكرتون قرض المدينه وهو فركس وما ادراك مالفركس ..
انا اسوي فحم من عندي بطريقه سهله انا من دخل رمضان وانا اشب ضويه نستمتع بهالسميرات ولو ان الجو توه لكن وش نسوي
المهم اذا خلصت من الجلسه عند الضويه جبت قدر وغطيت المجمار وبكذا يصير فحم سمر ولا احسن منه .... الللي يبي كميات الشكوى لله ماله الا السوق ...

[عجاج]

المشكلة ياجماعة ان طلعاتنا مانشب الافحم

بصراحة كنا نشب حطب ثم يقوم الواحد وراسه صاكه وعيونه تدمع من الدخان

وجربنا الفحم في رحلاتنا من اروع مايكون الجلسة تكون دائرية ولا دخان ولهبته تمام

قبل العام العام اشترينا 20 كيس فحم سمر الصحيح انه نادر

ويو م قرب الشتاء العام ذهبت لنفس الي اشترينا منه الفحم قبل العام باكستاني اسمه عبدالكريم

قلنا له نبي فحم 40 كيس مثل الي اخذنا منك قبل ونبيه على الشرط قال (مافي مشكل كله ان شاء الله تمام)

بصراحة علشان مانظلمه طلع تقريبا النصف تمام والباقي تقل العاب نارية

كل ماشبينا كيس قلنا يمكن بس هالكيس الين خلص

وياليت الي يعرف احد ثقة بالفحم بالقصيم يدلنا عليه وجزاه الله خير

[ثــــايـر]

فل ابشن ..بصراحه هالبنغله مشكله الله يفكنا منهم ..وطريقتك عجيبه في تصنيع الفحم ..

[gf002]

السلام عليكم :
ياخوان عليكم بالفحم من انتاج الصومال او باكستان اجود انواع الفحم بصراحة ..
انا مجربة ...
مواصفات الفحم الجيد
1- اسود كامل غير مخلوط بانواع من الخشب الغير محروق تماما.( بعضه يبين لون الخشب فيه )
2- حباته كبار (حجم كف اليد تقريبا).
3- حجم الكيس الواحد كبير زي حجم كيس الرز .
4- لاتوجد به رائحة غريبه مثل راحة خشب النارجيل الهندي اذا حرقته .
ويوجد بمحلات السوبر ماركت انواع كثيره واجودهم ابوكيس نايلون اسود
ومكتوب علية باللون الابيض ( مايذكرني اسمه في الوقت الحالي ) هو افضلهم

[ابومرتاح]

السلام عليكم :
ياخوان عليكم بالفحم من انتاج الصومال او باكستان اجود انواع الفحم بصراحة ..
انا مجربة ...
مواصفات الفحم الجيد
1- اسود كامل غير مخلوط بانواع من الخشب الغير محروق تماما.( بعضه يبين لون الخشب فيه )
2- حباته كبار (حجم كف اليد تقريبا).
3- حجم الكيس الواحد كبير زي حجم كيس الرز .
4- لاتوجد به رائحة غريبه مثل راحة خشب النارجيل الهندي اذا حرقته .
ويوجد بمحلات السوبر ماركت انواع كثيره واجودهم ابوكيس نايلون اسود
ومكتوب علية باللون الابيض ( مايذكرني اسمه في الوقت الحالي ) هو افضلهم





شكلك من هل قطر.............لا ن الفحم هذا مو موجود الا هناك .............بس عز الله انه فحم واني ما شفت مثله لين اليوم ...........

[عجاج]

السلام عليكم :
ياخوان عليكم بالفحم من انتاج الصومال او باكستان اجود انواع الفحم بصراحة ..
انا مجربة ...
مواصفات الفحم الجيد
1- اسود كامل غير مخلوط بانواع من الخشب الغير محروق تماما.( بعضه يبين لون الخشب فيه )
2- حباته كبار (حجم كف اليد تقريبا).
3- حجم الكيس الواحد كبير زي حجم كيس الرز .
4- لاتوجد به رائحة غريبه مثل راحة خشب النارجيل الهندي اذا حرقته .
ويوجد بمحلات السوبر ماركت انواع كثيره واجودهم ابوكيس نايلون اسود
ومكتوب علية باللون الابيض ( مايذكرني اسمه في الوقت الحالي ) هو افضلهم

ماقصرت اخوي لازم نجربه بس وين نلقاه بالقصيم

الي يعرف وين ينباع بالقصيم جزاه الله خير يدلنا عليه

[المموه]

اذا عرفت اللي يبيعه افضل من انك تعرف الفحم . لأنه من الحاجات التي يتمتع بأئعوها بالغش مثل الحطب والعود والعسل . فأعرف اللي يبيعه او خذ له توصيه من احد افضل لك لأنك لو صرت ذيب فهم سعالوه .

[راعي الهـــدد]

قيمة الكرتون 10ريالات فقط زاد ريالين بعد زيادة الرواتب صار12ريال والبركات تتوالى.

تحياتي للجميع


هههههههههه


هههههههههههههههههههه


ههههههههه

ذكرت حقيقه يجب ان نعترف بها جميعا وهي مصيبه

بــ 10 ريال وصار 12 ريال بعد زيادة الرواتب

ههههه

عذراً اخي صاحب الموظوع بس ماتمالكت نفسي وكتبت مارأيت لأني متوجع من اللعب الي يصير فينا

[makadius]

اهم شى لاتحركون الفحم بعد متشبونه وانشالله مايطقطق ولا شى ويقولون تبون تعرفون الملقوف جلسوه جنب النار
ولا لا

[ثــــايـر]

قال من اطيب اعيااالك قال من شب نارك ..:good2:

قال وش القف اعياااالك قال من لعب في نارك ...

قال وش ارداااا اعيااااالك قال من طفى نارك ..

[االدرع]

السلام عليكم ورحمة الله وبركاته

موضوع اكثر من رائع وجا في وقته

انصحك ونا خوك بالفحم اللي كن عليه غباااار وخاصه السمر والقرض ومعتدل الوزن ولا فيه لمعه
( هج عن ابو لمعه واتركه ) عند راعيه

أنا أذكر قبل اربع سنوات كنا في صحراء الربع الغالي وكان معنا حوالي 10 أو اكثر من اكياس الفحم وكلها مخلوطه شراها واحد من أهل الجنوب الله يوفقه ويسدد خطاه
من يوم تبدا تولع وهي تتطرطع لين تجمر

قام واحد من اهل الخبره في البر وقال نبي نجرب طريقه لعل وعسى تنفع
تدرون وش سوى .....؟.....

جاب برميل وصب فيه ماء وحط الكيس فيه تقريبا من الساعه 10 الصباح لين غابت الشمس وبعدها طلعنا الكيس من البرميل وخلينا الماء ينزل منه تقريبا نص ساعه وقمنا وجدعناه فوق الوايت وشقينا الكيس
وبعد اربع ايام او خمسه شبينا منه وسوينا عليه خبزنا

ولاكن ما زال يطرطع هههههه بس اشوى بكثيييير من قبل

والله طلع اشوى جربو يمكن على شان فيه ريحة رطوبه او ندا

[ثــــايـر]

مشكور اخوي الدرع على النصيحه ..بس اعتقد الفحم اذا جاه ماي يخرب ..

[ثــــايـر]

بمناسبة قرب ظهور نجم سهيل أنشاء الله وهبوب البراد وشبة النار :) نجدد طرح الموضوع للفائده ..

هب البراد وهيض القلب عصفور ** وشتقت لبروق الشمال ورفيفه

اشهد اني اشتقت لشتا شوق ام الوليد لولدهااااااااااااااا :)

[راعي الروضة]

والله ماك الا تطق مشوار وتاخذ لك بنقالي من الشلال في الرياض مخرج 8 ويعلمك 000 امزح معك ما ادري مثلك

[ثــــايـر]

تمووووووووووون يارجل ياطيب :)

باين عليك ماقريت ولا مشاركه :)

[الداعم]

أفضل طريقه لمعرفة الفحم الجيد هي : يولعلك من الفحم اللي تبغي تشتريه :rolleyes: ميطول عليك دقيقه واحدة ويولع :no: بعض المحلات يتبع هذه الطريقه طبعاٍ اللي واثق من :j جوده الفحم

[ثــــايـر]

أخي الحبيب الداعم ..لنكن واقعيين شوي كيف اقول اراعي الفحم شب لي منه ..ومستحيل انك اتولعهااا بدقيقه على قولتك طال عمرك ..هذا فحم ماهو بطيخ اجربهااا على لسكين ..تشرفت بمرورك والمشاركه ..

[المستريح1]

شكله مافي حل ....... الله يعز الغضى والارطى

[ثــــايـر]

المستريح مرحبابك الغضى والارطى ماعليه كلااااااااام :) ..

[abdullah9]

مالك الا انك تسوي الجمر بنفسك
او الحل الاكيد
انك لما تشتري فحم وطلع كويس ارجع وخذ لك عشرين كيس وخزنهم