من يعرف لكبدة الحاشي يدخل هنا وله جزيل الشكر

[جابر مغيزل]

السلام عليكم ورحمة الله وبركاته ..

أحبابي وأصدقائي أعضاء منتدى مكشات لاعدمناكم ابي منكم المساعدة

للمرة الرابعة أحاول أن أسوي كبدة حاشي ولم استطع .. تجي قوية كنها لستك .


المساعدة يالربع

[ماجد الحايلي]

وعليكم السلام ورحمة الله وبركاته
اخوي جرب هالطريقة وبأذن الله تنجح معك .
بشرط تكون كبدة طازجه ولحاشي صغير ...
ــــــــــــــــــــــــــــــــــــــــــــــــ
بصلتين مفرومه فرم ناعم
فص ثوم
ربع ملعقة صغيرة فلفل أحمر مطحون او فلفل مقطع
ملعقة صغيرة بهارات طعام مشكلة
نصف ملعقة صغيرة ملح
4ملاعق كبيرة زيت
طبعا تضيف المقادير كلها في القلايه وتحركها فترة كافية
وبعدها تضيف الكبدة وتقلبها لفترة دقيقه وحده بس يعني 60 ثانية لاتتعدها
وهنا السر حد اقصى دقيقه
وعليك بالعافية

[Salam1234]

طبيعي ياأخي الكريم انها تكون لستك لأنك تتركها على النار وتقلبها فترة طويلة وكبدة الحاشي عدوها النار بعكس الغنم فالطريقة قلب البصل حتى يتحمل ثم ضع الفلفل وقلب قليلا ثم ضع الكبده وقلبها نصف دقيقة على نار عالية وضع الطماطم بعدها مباشرة أن كنت تفضله ولا تنسى النار اول ماتضع الكبدة ضعها عالية وبالغناء والعافية

[جابر مغيزل]

ماجد الحايلي

تسلم يابعد حيي وكل الشكر ،، طيب معقولة يعني دقيقة بتستوي؟

يعني ماراح تطلع نية؟!!!

[جابر مغيزل]

سلام

لك كل الشكر ويعطيك العافية يالغالي

[ماجد الحايلي]

ماجد الحايلي

تسلم يابعد حيي وكل الشكر ،، طيب معقولة يعني دقيقة بتستوي؟

يعني ماراح تطلع نية؟!!!
لا ابدن ماتطلع لا نية ولا شي انت جرب
على كمية قليلة وشف الفرق حتى للهرفي او التيوس
نفس الفكرة وانت لو تروح لمطعم كبده تسمع الناس يقولون
كبده نص مستويه او ربع مستوية او اكثر او اقل
وانا عند كلامي دقيقه وحد بس واعتبرها بعد كثير
ومثل ماقلت لك جرب بكمية قليله

[الكاميكاز]

جرب وبتدعيلي حط نقطة زيت يعني ملعقتين صغار اللي يخليه لصتك على قولتك كثرت الزيت وبنزل موضوع انشاء الله قريب بعطيك الوصفه عملي بإذن الله

[bmw_m6]

السلام عليكم
حمسة الكبدة
في الاول تقطع الكبدة حسب الرغبة شرايح او مكعبات حسب المشتهات ويقلب على نار في المقلات وبعدها يضاف بصل مفروم الي ان يتغير لونه وبعدهه يقطع الفلفل الحار حسب الرغبة بالنسبة للكمية وبعدها يملح حسب الرغبة و بالعافية ان شاء الله

[لورن]

اخوي اذا ماكنت واهم انت تغسل الكبده بالماء وهذا السبب الرئيسي لكونه تصير قاسيه هذا اولا
ثانيا ان كنت غير ذالك جرب الصاج ومثل ما تفضلو الاخوان بعديد من الطرق

[ع العمرو]

السر في عمل الكبدة المدة القصيرة على النار والله الله بالنار المشعومة شعم لاحطيت الكبدة على النار ومن عندي لك الى خمس دقايق اذا كانت كبدة حاشي. وبالصحة والعافية.

[تشاكم]

كلام الاخوان صحيح كبدة الحاشي ماتحتاج نار زيادة تحتاج تشويح بسيط


اهم شئ اهم شئ تكون كبدة حاشي مو فاطر

[هاوي الكشاته]

اخوي خذ الطريقة هذي قطع بصل تقطيع عاد ثم حط الصاجة على الجمر او على القز ثم احمس البصل مع بهارات وشوي زيت علشان ماتنشب بالصاحة وقلبة حتى يحمر ثم حط الفلفل مقطع تقطيع صغار وقلبه شوي وحط الكبدة لمدة دقيقة ونصف إلى دقيقتين وبهرها شوي وبالهنا وبالعافية
الطماط ترا يحمض بالكبدة اذا رغبت حط شوي مع البصل فالبداية

[جابر مغيزل]

الله يسعدكم يارب ويجزاكم خير

[الوافي.]

المهم تصير كبدة حاشي وليست فاطر