لغز التحدي........................الحل:الأعورالدجال... ..حله:سايح قصيمي

[نحيحيل الوادي]

السلام عليكم ورحمه وبركاته
طبعا هذا اسم اللغز وللدعايه فقط ولا تحدي ماهنا تحدي ماشاء الله في حضور المحترفين
بسألك عن رجل منطوقه كذب
البشر اعداه غير اللي يبيه
سيرته فالناس من اول عجب
والعجايب كلها تسهل عليه
الغدي روسي ويفطر بالعرب
والعشي صيني ويمرح فالمويه
يلعب بعقل الذكي واهل الرتب
والمشايخ والصغار اللي تجيه
ما يرده سيف او اطلق شنب
ولو تشوفه ما يساوي له جنيه
هو عزب ثم يدفنه واحد عزب
من يجيب اسمه نقول انه نبيه
موفقين للخير

[ذيب الفقارة]

وعليكم السلام ورحمة الله وبركاته

صباح الخير أخي الغالي

نحيحيل الوادي

صباحك عسل

ماشاء الله تبارك الله

يحق لك التحدي ما دام معك ها اللغز

مرور للسلام والرمعة يجيبها الله

تحياتي وتقديري

[نحيحيل الوادي]

صباح النور والسرور
وصباحك عسل وقشطه بلدي
والله ماهو تحدي لاكن الدعايه خلت LG مثل SONY

[ذيب الفقارة]

صباح الخير

مايصير

السراب

تحياتي

[نحيحيل الوادي]

صباح الورد
مالك لوا يا ابو عدنان

[سايح قصيمي]

وعليكم السلام ورحمة الله وبركاته

المسيح الدجال

[ذيب الفقارة]

أكيد أكلة

لكن ما أعرفها

تحياتي

[ذيب الفقارة]

صباح الخير أخي الغالي

عطري

يالله عندك فاللي ما يفطر ألا في .....

صباح الخير

أبو فيصل

تحياتي

[صقر السديرات]

كايف سبك وحبك
الله يزيدك
نقول البث من الاقمار الصناعية
او
الساحر
دمت بخير

[عطري]

و عليكم السلام و رحمة الله و بركاته
صح لسانك نحيحيل الوادي

ألغازك زينة و أبياتك طرب
و منشودك شارد حنجهز عليه

جاري التفكير،،،

[عطري]

صباح الخير أخي الغالي


عطري


يالله عندك فاللي ما يفطر ألا في .....


صباح الخير


أبو فيصل



تحياتي


صباح النور و السرور مشرفنا الغالي أبا عدنان
نسيت الجهاز شغال من يوم الخميس على صفحة الألغاز
و اليوم فتحت بعض الألغاز و انشغلت ، توني انتبه لهذا اللغز.
المحاولات جارية ، الله يسهل.

[ذيب الفقارة]

ماعمرها صارت :

غدي

و

عشي

[ناصر العلي]

وعليكم السلام ورحمة الله وبركاته
سلمت أخي نحيحيل الوادي
وصح لسانك
ولله درك على هالحبكة ياأبو؟؟؟؟؟
محاولة أولى
الوسواس

[عطري]

هذا يذكرنا
بالمسيح الدجال، أعاذنا الله من فتنته.
و يقتله عيسى عليه السلام.

[ذيب الفقارة]

ماعليش أخوي نحيحيل الوادي

كنا حاسدينك على الإجازة

واليوم على هذا اللغز المزيون

تحياتي

[نحيحيل الوادي]

بارك الله فيكم اجمعين شوف يا ابو عدنان الدعايه جابت زباين جدد
الاخ قصيمي رحال من الافضل تحط رحالك عندنا
الرمعه صحيحه والعافيه عليك
نعم الاعور الدجال وهو عزب ويقتله نبي الله عيسى عليه السلام وهو عزب
وباقي الاوصاف واضحه
كفوووووووووووووو كفوووووووووووووو كفوووووووووووووو
وبيض الله وجهك

[نحيحيل الوادي]

الاخ ابو عدنان كفى الله المؤمنين القتال
وقتل لكم بيد غيركم
دمت سالما

[نحيحيل الوادي]

حبيبنا الغالي عطري
صح بدنك وغاليك
ووجودكم ازين

[ذيب الفقارة]

هلا أخوي

الحل عند أخوي ((( سايح قصيمي )))

تحياتي

[نحيحيل الوادي]

حيا الله دكتورنا
سلم غاليك وجعل الشر مايجيك انت ولا من تحب
اخوك ابو عزام
والحل عند قصيمي رحال
وحضك في القادم
دمت معافا

[نحيحيل الوادي]

والله اني خابر يا اخونا عطري لو تأخر شوي
كان نتفتوه

حضك فالقادم
دمت بود

[ناصر العلي]

حيا الله دكتورنا


سلم غاليك وجعل الشر مايجيك انت ولا من تحب
اخوك ابو عزام
والحل عند قصيمي رحال
وحضك في القادم

دمت معافا


سلمت أخي أبوعزام
وصح لسانك
وحياك ربي بين ربعك و أخوانك
وكفو أخي سايح قصيمي
ولله درك
دمتم بخير

[عطري]

صح لسانك وبدنك أخوي نحيحيل
و العذر منك و من أخينا سايح قصيمي و هو كفوووووو
ما انتبهت لرمعته إلا الحين.

[ابوماريا]

سلمت يانحيحيل الوادي
وصح السانك مليووووون يالغالي

وكفوووووكفوووووكفوووووو

ياسايح قصيمي

[ذيب الفقارة]

كفووووووووووووو كفوووووووووووووووو كفوووووووووووووووووو

أخي الغالي

سايح قصيمي

الحل هو :

الأعور الدجال
وبيض الله

وجهك ملايين أخي الغالي

نحيحيل الوادي

تحياتي وتقديري