باترول ربع موديل 1992

[الاهماس]

عندي باترول ربع موديل 1992 غيرت كلبليتر اصلي واسلاك بواجي اصليي وصفاية بنزين وابلتين وبوبينا اصلي وزبط ابدع مايكون ومثل ما انتوا عارفين الاجواء عندنا برد في الجنوب الان اثناء تشغيل السيارة في الصباح وقبل التشغيل ادوس على البنزين دعسة خفيفة من اجل ان يشبك تماتيك الكلبليتر للتحمية الاحظ انة مايشتغل الا بعدتعب ويطلع دخان اسود وبعدها يقطع الدخان ويزبط هذي المشكلة اللي لاحظتها وشكرا لكم

[أبو سندس]

دعستين الصبح وجرب مهوب دعسة
وحد

[الاهماس]

انت متاكد لان الحركة هذي مايصلحها الا الصباح

[SGL]

دعسة وحده كافيه هذا الي أعرفه جرب أدعس دعسة كاملة وبعدها سمي وشغل إذا مافي أمل تشتغل السخانة ممكن يكون عندك ليات الهوا متلخبطه أماكنها وثاني شي نفس السخانه لها سلك كهرب شيك عليه الكربريتر جديد المفروض تشتغل لو كان قديم كان نقول خربانه أو يحتاجلها وزن وشغله طويله عريضه وفي النهاية ماتشتغل ﻻكن جديد وماتشتغل:eek:

[salih100]

انا مره شريت كلبليتر جديد لجمس 350 امريكي وبعد التركيب يطلع دخان اسود يوم فكه لقى فيه من تصنيعه شي بلخبط مدري وشو يخلي البنزين يكب فيه بزياده

فانت شكله وهو واقف يعبي بنزيم شوي

[الاهماس]

جربت الطريقة بحيث اني ادعس دعسة كاملة وشغلت السيارة واشتغلت بصعوبة وطلع دخان اسود وشبك التماتيك الكلبليتر ورحت للصناعية وشيكت على الديلكو بواسطة جهاز الوزن لقاه موزون تمام ولاحظت اثناء التشغيل صوت فرقعة وقال المهندس هذة الجيوب النيسان مع البرد تتعب في تشغيلها في الصباح بالرغم اني مغير كل شي اصلي جديد ايش مشورتكم والمهندس لة خبرة طويلة في الجيوب وكان شغال في وكالة نيسان والورشة في صناعية ابها وقال لي شف الجيوب هذي اللي واقفة والزحمة كلها بسبب تشغيل الصباح واحنا نضطر الى ان نلغي السخان الكلبليتر مشورتكم يا النشاما

[sgl2002]

لاتتعب نفسك

هذا الباترول الكلبريتر مايداني البرد


بعطيك طريقة التشغيل


ادعس دعستين خفيفه وشغل

بيشتغل شوي ويفقع ويطفي

حط رجلك نص ع الدعسه وشغل واول مايشتغل فك رجلك وراح تشتغل السخانه ويضبط

[خبايا انسان]

دعستين ياطويل العمر ثم سم بالله وشغل وخلك مسايس الدعسه لين يحتمي،، واذا استصعب الامر عليك بالديلكو الالكتروني،، والله اعلم

[الاهماس]

بحثت عن المشكلة هذي واكتشفت طريقة تخلي الباترول يشتغل ويشبك التماتيك الكلبليتر وهي اثناء تشغيل السيارة لا تدوس على دعسة البانزين شغل واذا اشتغلت السيارة دوس على الدعسة وهو بيشبك التماتيك على طول انا جربتها وزبطت معي حبيت اعطيكم الطريقة

[الوليد11]

هذا سلمك الله صار بجيب عندنا تويوتا 2001 يطلع دخان ازرق وصار المشكله جلد بلوف غيرناهن وضبط الموتر

[بدوي جنوبي]

بحثت عن المشكلة هذي واكتشفت طريقة تخلي الباترول يشتغل ويشبك التماتيك الكلبليتر وهي اثناء تشغيل السيارة لا تدوس على دعسة البانزين شغل واذا اشتغلت السيارة دوس على الدعسة وهو بيشبك التماتيك على طول انا جربتها وزبطت معي حبيت اعطيكم الطريقة


انا اسوى مثلك :good:

الكربريتر خايس خاصة الباترول
بهذلنى في التشغيل