رساله لهيئة الطيف الترددي بالسعودية ....

[كايدهم11]

السلام عليكم ورحمة الله وبركاته ...


حبيت اطرح هذا الموضوع واشوف رايكم وردودكم عليه ....


انا ودي احصل على رخصة لجهاز لاسلكي ولما فكرت اتقدم للرخصة قالوا لازم تعمل اختبار وتدفع كذا وكذا .... مو مشكله الفلوس لان الي يبي شي يدفع مو اشكال ...

الكلام على الاختبار ... حبيت اذاكر له .... انفك مخي :eek: مافهمت اي شي ليه ما ادري :confused: ... لما راجعت الاختبارات اللي قبل لقيت اسئله لها العجب مو بس صعبه اقدر اقول تعجيزية .... :confused:

طيب انا ابي جهاز لما اطلع رحله مع شباب في مكان مافيه ارسال للجوال اقدر القى وسيله اتصال بالمجموعه الي معاي او اذا رحت رحله بحرية اقدر اتصل باي احد يساعدني لو كان عندي مشكله .... السؤال هنا انا وشدخلني في الفئة ( محترفين أ ) او الفئة ( هواه ب ) انا لاني مع أ ولا مع ب :(

........... من هنا يبداء الكلام للهيئة ....... ومن هنا ابي التصويت منكم ...............


ليه ما يكون فيه فئه اسمها ( متنقل ج ) وشروطها كلآتي :

1 - دوره تدريبية لمدة ثلاث ايام يتلقى فيها المستفيد اساسيات وانظمة استخدام الجهاز وفنياته وصيانته الخ ... :rolleyes:
2 - اختبار على مستوى اسخدام هذه الفئة واحتياجاتهم في حدود الاحتياج آنف الذكر . :)
3 - رسوم للدوره ( معقوله ) ورخصة خاصة بهم . :cool:


هذا مجرد اقتراح وياليت يوصل لاي مسؤل لديه القرار يدرس الفكره وان كانت تخدم الناس وش المانع انا نطبقها عشان نقدر نخدم مجموعه اكبر من مستخدمين هذا الجهاز حيث انه ومن واقع تجربه هذا الجهاز مهم للاشخاص كثيري الرحلات البرية او البحرية على حد سواء وبامكانه بعد ارادة الله انقاذ حياة شخص لديه مشكله اما في البحر او البر ونحن في بلد ذو مساحة جغرافية كبيره وسواحل بحرية ممتده ... ومن المعروف عن الشباب بالسعودية حب الرحلات والاستمتاع بها . وبما ان الله انعم علينا بهذه التقنية لماذا لا ننتفع بها بشكل رسمي بدل من طريقة السرقه الي ماشين عليها ولما نشوف دورية نحتار وين نودي الجهاز ونتوهق به ... :( :j

[هاوي سلق]

انا معك في هذا الاقتراح واتمنى من اي مسؤول انه يدرس الاقتراح هذا

[هبوب]

يارجل بلا تصريح بلا استغلال خذ جهاز وراسل ماعليك معنا اجهزة من سنين ولاتصريح ولا استغلال هههههههههههه

[سلكي نت]

اقتبس من رد الاخ هاوي سلق

انا معك في هذا الاقتراح واتمنى من اي مسؤول انه يدرس الاقتراح هذا

للان الهيئة ما تكونت الا لتنظيم الخدمة وخدمة الموطنين

[afb]

هلا ياكايدهم 11 تسلم علي الموضوع بالنسبه لي انا قدمت الاختبار والحمد لله نجحت وخذيت الرخصه فئه 2 والفال لك وحق ربعك

[aziz2727]

والله انا معك
المفروض ان يكون هناك اولا" مكاتب خارجية او فرعيه بعيد ان مجمع الملك عبدالعزيز الي في الاتصالات
ثانيا" يكون هناك متطلبات سهله وسريعه للحصول على الرخصه مهوب تعقيد وكلام فاضي .
ثالثا" دامني دافع دافع فلوس لهم المفروض انهم يخدموني مهوب يكرهوني ويخلون الواحد يسلك الطرق الملتويه ويستخدم الجهاز بدون تصريح
حقيقة يحتاج الموضع اعادة نظر من قبل الهيئة .
وان شاء الله يكون فيه احد من قبل الاعضاء يوصل الملاحظات للمسئولين عندهم .

[راعي الهـــدد]

هلا ياكايدهم 11 تسلم علي الموضوع بالنسبه لي انا قدمت الاختبار والحمد لله نجحت وخذيت الرخصه فئه 2 والفال لك وحق ربعك




أخوي الغالي afb اقول على البركه الرخصه

والله يعينك على الرسوم حقت الكلام الي تطلعه من ثمك ههههههههه

عجيب حتى الكلام الذي يصل عبر الهواء تحتاج الى دفع مبلغ مالي مقابل له

ما اقول الا حسبي الله ونعم الوكيل

ياهيئة الأتصالات اتقوا الله في اهل القنص والكشتات

حقيقةً ستسألون امام الله تعالى عن هذا المال الذي اخذ بغير حق وبلا وجهة شرعيه

قال صلى الله عليه وسلم (( لايحل مال امرء مسلم الا بطيبة نفس منه ))
الحديث مخرج في الصحيح

ونحن نعلم تمام العلم ان الجميع يعطيكم المال وليس راضي (( مكره اخاك لابطل ))

ومع ذلك لاينجح ويعيد الأختبار مرات وكرات

ولايأخذ الرخصه الا بعد مص دمه وجعله بخزانة الأنسانية والعدل

ولو تفكرنا في حقيقة الأمر لوجدنا انكم تأخذون المال على رخصة الهاوي وبلا مقابل او اي شي تبذلونه

فالمعروف من أزمان وقروناً متتاليه أن الأخذ للمال يأخذه انما على سبيل مقابل وعوض

ولا اعلم ماذا فعلتم للهاوي

لعلي جاهل او سفيه او لااعلم شيء يدور بالفلك ويصير ان كلامي غلط وانكم انتم من قام بنقل الذبذبات

عجب لاينتهي وآهات مقهور

فالجهاز الهاوي هو الذي اشتراه

والمتكلم بالجهاز ليس انتم بل الهاوي هو من سيتكلم

وتوصيل الكلام ليس له دخل بالأتصالات عموماً بل ذبذبات تعتبر بالتصنيف كمثل الراديو تنتقل عبر الهواء

ولكن هذه نستطيع ان نسجلها في التاريخ

أنه مر زمن على الناس يتكلمون بأفواههم مقابل مال يسدد جزاء هذا الكلام

اريد تعليل ياهيئة الإتصالات بارك الله فيكم وهداكم ....

اريد جواب لأسئلة الكثير من الشباب الهواة ....

اريد تبرير لما تأخذونه ....

اريد رسم آلية صحيحه تجيز عملكم هذا الغير جائز حتى عند من مضى من القرون الغابره ....((بدون ذكرتسميات خشيت التعدي))

ارييييييييييييد .... وارييييد ... واريد ....

آلاف التسآئلات

والله تختلج بنفسي آهات وحسرات يوم أن اوقف ويأخذ مني الجهاز وانا يعلم الله استخدمه بشكل مشروع وادفع عن نفسي الهلاك بالبريه

ومن المفارقات والعجائب والوقائع والمدلهمات

أن يباع ماهو محرم وممنوع امام بوابة من وقع قرار التحريم والمنع
وبمرئا ومسمع منه


محبكم

راعي الـــهـــــدد

[راعي الهـــدد]

اتق دعوة المظلوم فأنه ليس بينها وبين الله حجاب

















تنبيه مهم


شركة الأتصالات وهيئة الأتصالات ليست جهة حكوميه

وإنما شركة تصنف تبع منظومة الشركات التجاريه





فياليت خصمنا جهة حكوميه لكان قد أتانا حقنا من زمن

[نمر بن حثلين]

اعتقد اخوي رسالتك بتضيع في الطريق

صدقني الهيئه تعرف اهمية الاجهزه للقناصه ولاصحاب الرحلات
ولكن هي قدام مشكله
وهي وجود اجهزه حكوميه تستخدم نفس الترددات مثل الدفاع المدني والبلديات ومصلحة المياه

لذلك اعتقد انهم يتعمدون ان يكون الاختبار صعب عشان ما ينجح فيه عدد كبير وباعتقادهم ان هذا الشي بيقلل عدد المستخدمين

وبالتالي الناس تتوجه لاجهزة الـ cb الي سمحت فيها الهيئة بدون تصاريح
ولكن مشكله هذي الاجهزه انها ضعيفه المدى وتردداتها قليله جدا

[afb]

الله يجزاك خير يا راعي الهدد بس ترى الرخصه ما جت بالساهل بعد اختبارين كل واحد اصعب من الثاني ولا تنسى بعد المشاوير يعني شوف

كم المسافه الي نقطعها لتقديم الاختبار من الجبيل الى الرياض الله يكون بعون الي يبي يكون جهازه نظامي

[كايدهم11]

اشكر الجميع على المرور والمشاركة

بس اخوي نمر بن حثلين انا ذكرت انه تكون فيه دوره قبل الحصول على الرخصة من خلالها يبلغ الطالب للرخصة عن الامور هذي

اما بالنسبة لرد الاخ راعي الهدد .... شكلك بتوهقنا وبننحرم الرخصة .... لكن احنا نقول ان الشخص صاحب القرار في هذا الموضوع ممكن يكون اجتهد واصاب ولكن مازال يحتاج تعديل يعني توسعة الفئآت شوي واعادة النظر في الاختبار وافتكر انه مو شرط يكون المسؤل كشات او راعي رحلات عشان او غيره عشان اجزم انه يقدر مدى حاجتي للجهاز او انه ما يقدر ... احنا من خلال هذا الموقع ممكن نوصل له اللي نبي . وانا والله متفائل واتوقع انه بيغير او بيوافقنا ..

[راعي الهـــدد]

ماقلته بعاليه اعتبره كلام واقعي وصحيح

واظن والله العالم انا نبطي نآخذ رخصه

وبنعقلها ونتوكل على الله

نحن بذلنا الأسباب بمطالبتهم بالرخصه ولكن لم تتيسر فعندها نتوكل على الله

دمتم بخيرات

[abalawi]

اخوي راعي الهدد هيئة الاتصالات وتقنية المعلومات هي هيئة حكومية 100% وهي كانت بمسمى وزارة البرق والبريد والهاتف
وهي المسئولة عن الرخصة وتحصيل الرسوك السنويه
أما شركة الاتصالات فليس لها علاقة بموضوع الطيف الترددي أو الرسوم
للعلم والاحاطة