صور السلق طراح

[هاوي سلق]

:) السلام عليكم
كل عام وانتم بخير :cool:
هذي صورة السلق اللى عندي زي ما وعدتكم
اتمنى ان يعجبكم :good:
الاسم : طراح
العمر: 8 شهور
الجنس: ذكر
اللون: ازرق

http://www.mekshat.com/pix/upload/images21/mk33811_aaaaaaaaaa.jpg
http://www.mekshat.com/pix/upload/images21/mk33811_bbbbb.jpg
http://www.mekshat.com/pix/upload/images21/mk33811_ssssssssssss.jpg

[عاشق السلقان]

السلام عليكم ورحمه الله وبركاته

مشالله عليه طيب اللة يطرح فيه البركه

[هاوي سلق]

تسلم الله يبارك فيك

[ال معلى]

الله يبارك لك فيها


وتاكل من صيدها

[بطـــــاش]

مشاء الله تبرك الله

[قناص_قطر]

الله يوفقك وتكل من صيده

[طلو]

ما شاء الله حلو لاكن هل عضام ايدينه كبار

[القـــناص]

ماشاء الله حلوو

مشكور الله يعطيك العافيه

[هاوي سلق]

اخوي طلو وش تقصد ان عظام ايدينه كبار
انا اشوفها عادية
زمشكور على ملاحظاتك اللى اتشرف فيها

[طلو]

يعني هل احد امهات السلوقي عريض لان بعض السلق الا صار جبر يركض بالوعر وشكل مواطيه ما هيب صغيره

[هاوي سلق]

طيب اخوي طلو هذا عيب في السلق وش قصدك يركض بالوعر

[رزاح]

السلام عليكم
نصيحتي لك اتعب على شي عدل كل السلقان تصيد لاكن صيد عن صيد يفرق والله لو تفكه على خزز الرمله تتذكر كلامي
وما ودي اذكر عذاريبه واعذرني هذا راى وفيه ناس اخبر مني

[طلو]

اقصد ان بعض السلق اذا جاء في منطقه حجريه ما يطرد يمكن ان ماطى رجله سخيف واي حجاره ممكن انها تحفيه او تكسره واغلب الكلاب الي مواطيها جلاله يعني كبار ما عليه من الحصى والشوك ما يضره واذا جا بالرمل بلش بعمره يصير ثقيل

[يتيم بلا زايد]

السلام هاوي السلق 00السلق طيب ولو ناقصنه شوي الطول بس000 بس ماتقدر تحكم عليه بعده صغير 0

[طلو]

يالربع ترانا نحكم من خلال الصور ولا احد يعلم الغيب لاكن ان السبق سهم خفي والله من سلوقي فرطنا فيه وهو طيب وحنا ماندري لاكن جرب

واتعب علشان اذا ما لحق تصرفه وتعوض الله في تعبك

[فتى الامارات]

مشاء الله عليه سلق طيب
يا هاوي السلق
الله يعطيك خيره و يكفيك شره

[راعي منوه]

ما شاء الله و الله يطعمك من صيده بس وش تأكله يا هاوي سلق ما امداه سمن

[ذيــب قــطــر]

الله يوفقك وتاكل من صيده

[@@ رحـــال @@]

اقول اتعب على شي يستاهل
وترك مهايط طلو عنك وبصراحه السلوقي مايسوى
ولونه لي حطيته عند الغنم

[هاوي سلق]

اخوي رحال ترى الكلام هذا مايقوله واحد عاقل
وترى السلوقي اللى اخبر منك وافضل اوصوفه بالزين
وانت تراك مالك في السلوقي
واخوي طلو الله يسلمك من الرجال اللي ينشد فيهم الظهر ولا يهنون الربع والكلام هذا كنه كلام على اهل الخيمة هذي فرجاء لاعاد تكررها وكانك شفت في السلوقي شي يعيبه قله وماعندي مانع خل الربع يشوفون دليلك
وانت المهايطي ماهو ابو نايف ولا اشقولكم يالرجاجيل

[@@ رحـــال @@]

انا اتحدى طلو بضبي وبرضهم ونا ضامن فوزي وراح اخذ الضبي وان فاز ياخذ كل سلقي الي عندي ون كان قد التحدي يوافق والميدان يحكم بالي له واخصص سلقته شعله الي ازعجنا فيها وذيخه غضب

[@@ رحـــال @@]

تراي اعرف سلقك زين ولاتفكر تجيب فرعون وهدبان لئنها مب لك او اي سلوقي من القصيم
عقبه نشوف من المهايطي وعلى فكره قيمت الضبي بيني وبينك بضبيك ابو قرن

[صقر آجا]

:D هههههههههههههههه :D سلامات يالحبيب ترى كل الموضوع انا طلوو حب يعلم خوينا بس وانت جيت كلك هذي وحده الشي الثاني مهايطي مش مهايطي هذا مايخصك خلك بنفسك وبس الشي الثالث انا اول واحد واقف مع طلووو وليكون انك تتوقع ان مافيه الا هدبان وفرعون بس انا من عندي لخوي طلووو اذا جاء وقت المهد جبت سلقان لحد المهد ودخلت بسم طلووو وصدقني طلووو مهو محتاج سلقان مني والا من القصيم لنا هههههههههه شعله تبي تقوم بالواجب واكثر :p وترك عنك المهايطه واعذرنا على القصور هههههههههههههههههههه :cool:

[صقر آجا]

السلام عليكم ورحمة الله وبركاته اخوي طلوو تحتاج اي شي ترى حنا بالخدمه بس عط سميك خبر وابشر شف انا اغليتك من غلات خويي لك وانت عارفه ومدام عزيز على خويي ترى عزيز علي وابشر بعزك لوتبي نطلع القمر قدام لعنبو وراء وانا اول شخص يدعمك لايردك الا لسانك


مع تحياتي :p

[صقر آجا]

:good: مايهزك ريح :good:

[@@ رحـــال @@]

طيب اللحين ورى مايرد هو يفزعت طلو
وبعدين وش السلق الي تتجيبه ما خبرت عندكم شي زين نص سلقانكم حنا جادعينها عليكم
وشف سلقنا بالرياض تسوى سلقانكم كله وانا متئكد انها معروفه ولا يحتاج اذكرها
واتحدى طلو ينكر

[@@ رحـــال @@]

وبعدين مخبرت عند حايل سلق كلهن جعر

[سبسي]

اخوي رحال انت حاقد على طلوو ليه
ماكل حلالك هو خل الرجال في حاله هو لو بغى رد
عليك وخلاك تسكت بس على ماقال المثل:
مايضر الذيب طقاع النعجه

[مطيري نجد]

يالربع قناص الرملة اذانا بالاسامي الي يدخل بها وحاقد على طلو
الله يهديك ويصلحك
ما عليك يا طلو من ورعان الحواري
علي الطلاق انك لو تبينا ناصلهم ناصلهم ونسحبهم من بيوتهم
واحتزم بحمران النواظر (مطير)

[طلو]

اخو ي الرحال انت احداخواني بهاذ المنتدى رايك اعتز به انا مستعد اتحداك بس الشروط لي لانك انت الي متحديني

[طلو]

شروطي
1الهدد من3ك الى 4ك
تدفع 5000 خمس الاف اذا فزت عليك اخذها وامشي اذا فزت انت ارجع لك الخمسه الاف
3 لك تجيب سلوقيين
4 عشاك او غداك عندنا
5 ما راح اجيب الا شعله وغضب
وبعدين نزل رقمك علا شان ما تخليها علا الوجه وتصير مهايطي
اكيد انك تعرفني او الي مرسلك ومعبي راسك يعرفني
لعلمك عندي سلق مغنيني عن هدبان وفرعون
انكان احد كاذب عليك وقايل سلقي اي كلام يبغى يورطك
الي قالك اني مهايطي ماقلك اني قد المهايطه لا هايطت اسويها مهوب كلام وانسحب

[راعي منوه]

يا رحال ترى المنتدى ما حطوه الا للاجتماع والمعرفه الطيبه
اما الكلام اللي ما له سنع مايرضي احد
وان كان انك مستغني عنا ريحنا من المشاكل
وبعدين طلو ما اخطى على احد

[صقر آجا]

كفو ياشنب اي كذا الكلام ياطلوو بعدين يالرحال مدري الرحول ههههههههههههه انا بعد طلووو وبسلوقين علشان اعلمك الجعر وش تسوي بعدين ماخبرت انا الي يتكلم ويفعل يصير مهايطي اقول والله انك ماتدري هي بك ولا بالعمامه الي براسك تراك جاي الهياط من قفى هههههههههههههه

[قناص الرمله]

وهذي وحده جديده منك يا مطيري نجد تتهمني على ويش يا كذوب


الله يجعلها في ذمتك الى يوم الدين يا بياع الكلاب .

بعدين منت كفوا في الكلام اللي تقوله.

اخوي طلو الله يوفقك وابشرا با السند .

الاخ رحال الرجاء ان تهدي الوضع ويكون هناك احترام متبادل بارك الله فيك.

[هاوي سلق]

اقول خلوه عنكم ماحد مهايطي الا هو ولو فيه خير كان صار قد التحدي ورد