الفزعة يا أخوان

[راع العوجاء.]

السﻻم عليكم و رحمة الله و بركاته

يا أخوان عندي بالبيت حوش تراب كبير شوي و به بس قديم مره يبدو لي انه انثى
وكم مره يلاحق عيال المشكله ان حجمه يهول مب زي اي قط
هل من طريقة لابغاده من دون قتل
علما ان الحوش فيه ارانب ملطوقات

[صياد الخبر]

السلام عليكم


جب لك شبكة حقة اهل الحمام ام عصا


واطبقة بزاوية وحطة بخيشة او كرتون


واطلع الى اقرب مسلخ او محلات اللحوم


ونزله حولهم يرعا وريح عمرك


دامها انثى ... تأكد ماعندها جراوه تعلفهم او ترضعهم


بالتوفيق

[راع العوجاء.]

اامشكلة انها مولدة عندي بالحوش]

[محمد ابن عيد]

-

ي الغالي فيه شبك يبيعونه ف سوق الحمام
شبك لادخلت يسكر من نفسه كان عند خالي مافيه اطيب منه

[أبو الوليد 14]

اول شي
حط عيالها بكرتون وطلعهم في مكان بعيد شوي عن البيت وحاول انك نخليها تشوفك عشان تاخذهم وتوديهم مكان ثاني
وإذا شفتها توطوط عندك بالبيت جب لي الماء ورشها ....البس ما يداني الماء وخاصة حقت الشوارع

وخبرنا وش يصير معك
بالتوفيق

[النمر]

طريقة الماء لا تنفع و انا مجربها


و افضل شي ان تاخذ الام و تحطيها في ابعد حارة عندكم ولو هي معاها كيتن

[حسـام]

لعل لي نظره ثانية يمكن ماتعحب البعض:D
وقد يعتبرها البعض عنصريه واو ...
ولاكن كل واحد يقول مالديه من أفكار فقد اكون بحاجه لتصحيح
أولا..
القط من الطوافين علينا .. أي حولنا وليس معنا (أتركه يطوف)
-الأرنب أيش جابه في حوش البيت!!
لا زم يحدث تصادم بينهم ولا قفل على الارنب ولا طلعها
يالربع عندنا كلبين حراسه عند الابل ودائم يتشاجرون :mad: ويتعاركون
ولازم نربط كل واحد في مكان ولا يتعاركون
ايش السبب !!!.
كلاهما ذكور يعني هناك خطاء فطري فلم يتئقلمان لذلك يتعاركون

الا اذا القط اللي عندك مره مره مؤذي شف له حل

[ابورايف]

أتفق مع الأخوان بأبعادهم
خارج البيت وبعيدا عنه
وتعوذ منها
أتمنى أني قدمت مايفيدك
تقبل مروري وؤدي

[بوابراهيم ع]

البسه دايماً تكون عدوانيه لما يكون عندها عيال
أصبر عليها شوي لما تشتد عيالها وتفتح عيونهم إذا كانوا صغار
وبعدين تقدر تصيدهم بمصيده أو قفص مثل (القرقور)حق السمك تبعدهم عن الحوش ولابد إنك تبعدهم مسافه كافيه لأن القطاوه يرجعون مره ثانيه إذا ما كانت المسافه بعيده

[راع العوجاء.]

المشكلة مالقيت حباله الي يعرف وين تباع بالبدايع او الرس او عنيزه يخبرنا