يأهل الباترول&&&&&&الفتك&&&&&&فيه صوت ونه

[شحرور الدهنا]

السلام عليكم ورحمة الله وبركاته
عندي فتك 2005سوبر
طبعا تماتيك
فيه صوت ونه او حنه
وش وش وش وش وش وش وش
الى سرعه تقريبا 90 تختفي
قالو صالبان قالو القير قالو رمان
ومستحيل انها كارونه لان الكارونه تزود مع السرعه افيدوني وش رايكم



ثانيا عندي السلف بعض المرات يدق ويفصل يعني يطلعله صوت كنه دنمو واذا رجعت ادق ثاني مره يدق تمام افيدوني



ولكم جزيل الشجر

[ريثان القصيم]

السلام عليكم ورحمة الله وبركاته
عندي فتك 2005سوبر
طبعا تماتيك
فيه صوت ونه او حنه
وش وش وش وش وش وش وش
الى سرعه تقريبا 90 تختفي
قالو صالبان قالو القير قالو رمان
ومستحيل انها كارونه لان الكارونه تزود مع السرعه افيدوني وش رايكم
دام ما فيه رجه الحمدلله
افحص السير الخارجي وبكراته
السير الداخلي التيمن وشداداته
عكوس الدفرنسات ورماناته
احيان الفحمات
احيان الـABS
وانتبه من مروحة المكينه اذا تحك بشي
ثانيا عندي السلف بعض المرات يدق ويفصل يعني يطلعله صوت كنه دنمو واذا رجعت ادق ثاني مره يدق تمام افيدوني
افحص اصابع البطاريه ثم
افحص الدينمو
فلتر البنزين
استعمل بنزين 95
والله احكم واعلم
ولكم جزيل الشكر
اخوك
ريثان القصيم

[فتك08]

حصل لي نفس ماحصل لك قبل فترة و ماقدرت احدد مصدر الصوت

لدرجة قلت كارونة و استبعدت و شكيت بالعمود و الصلبان و شحمت و لافاد

اخيرا و بصعوبة كاني حددت جهة مصدر الصوت...و طلع رمان احد الكفرات

الامامية و هو الرمان الصغير و تم تغييره مع الكبير و الصوفة...

طبعا الصوت و انت مهدي يجي ببطئ و مع زيادة السرعة تزيد سرعة الصوت

و تختفي معي على 90 و تطلع مرة ثانية على110 او120 و تختفي مع السرعات

الاعلى...طبعا تقدر تختبر الرمان بنفسك..ارفع الموتر من الامام و دور كل كفر لوحده

و باقوى ماعندك و جرب مع الخلفيات و بتقدر تحدد مصدر الصوت..انا رفعت الموتر

من الامام و طلع واحد فيه خشونة و صوته واضح و مسموع...

[شحرور الدهنا]

الاخ ريثان القصيم اشكرك يالغالي باللصوت مستحيل انه يكون سيور او مروه لان الصوت مع المشي واضطريت اني افضي الموتر واطفيه وانا امشي ونفس الصوت مازال ممكن يكون فحمات او رمان مثل ماقال اوخوي فتك80واشكره ماقصر وجاري الفحص وبحاول اكاشفه بنفسي لان ذي هوايه عندي
بالنسبه يا اخ ريثان للسلق كلامك صحيح لاكن السلف يفلت يعني يدور لحاله بدون مايدور المكينه هل المشكله من السلف او الحذاف او الدقمه وننتظر تجارب اخواننا لايحرحونها منها لاني راح تختصر الطريق علي وشاكر للجميع

[شحرور الدهنا]

معليش يالربع الاملا بالكتابه رياح وطي لاني اكتب من الجوال واسوق هههههه

[منصورالشمري]

غير زيت الدفرنسات مع وضع معالج الاحتكاك من الوكاله افضل

[شحرور الدهنا]

دفرنساتي سليمه يابن شمر. ومرورك شرفني الله يوفقك




نريد مزيد من التجارب الله يوفق الجميع

[شاق النفد]

وا ازود ع الشباب شي
ونفس مشكلتك صارت معي في الشاص صوت وش وش وش مع احتكاك
طلع من رمان العكس الخارجي للكفر الامامي الايمن اللي هو الصغير
وغيرت معه الصوفه لانها ما تطلع وتركب الا بدق
وتقدر تعرف ان كانه من الرمان ولا لا
ترفع الموتر من قدام وتمشي كل كفر بقوى ما عندك وبيطلعلك الصوت من احداها

[salih100]

الصوت رمانات ما فيها كلام

ومشكله السلف هذا يفلت من الحذاف واكيد بعد فتره ما يصير يمسك معك خير شر وبتسمع صوته الي تقول مثل الدينمو كثير ,,,,,,,, شف السلف يمكن مساميره تهملت وارتخاء وتغيرت وزنيته واذا كانت وزنيته كويسه ومضبوط فبسيط فكه وغير الترس الي يمسك في الحذاف رخيص مره

اتكلم من واقع تجربه في ددسن نفس الكلام صار معي

[شحرور الدهنا]

بيض الله وجيهكم

[شحرور الدهنا]

سنوافيكم بعد الفحصران شالله

[شحرور الدهنا]

السلام عليكم اشكر كل من شارك
تم الفحص على الموتر وطلع معي رمان خلفي يسار هو سبب الونه
والسلف مالقيت احد يعطيني خبر اكيد
وجاري الفحص





يالربع وش علم القزوز تتلحم ولا لا

[ابوسند9]

وعليكم السلام
السلف فيه احتمالين
ممكن يحتاج فك وتفليش وتنظفه ببنزين وبعد تشحمه
او ان المشكله من الدقمه
واذا كنت راعي تطعيس المفترض تنظفه كل سنتين افضل و ب 80 ريال
اما القزوز تتلحم لاكن كم شهر وترجع , او انك تركب راس هيدرز ارخص وبرضو شيك لايكون التنسيم من الوجه او الوجه الفاصل بين القزوز والدبه

[شحرور الدهنا]

ابو سند بيض الله وجهك على التوجيهات

القزوز مشعور شعر واضح

جعل والديك بالجنه الظاهر اني ابدور قزوز بالتشليح والهدرز اخر حل