خمسين ألف ريال (( مكافئة )) للي يعرف شي عن طيوري

[عبدالله العمير]

السلام عليكم

احد الاخوان الاعزاء فقد طيوره بالامس وهي غالية عليه

واردت مشاركتكم بالبحث لعل الله يعقلهن له

وهذا نص رسالته


السلام عليكم ورحمة الله وبركاته

في يوم العيد 22/10/2006

قدر الله وفقدت في محافظة الرس طيور بالمواصفات التالية: http://www.alrassxp.com/forum/images/smilies/sm1/u122.gif http://www.alrassxp.com/forum/images/smilies/sm1/u122.gif
شيهانة فارسية
فرخة
العلاف مقطوع من كفه الأيمن
العمودية مكسورة
مقاسه 14.5 في 14
عليه صفرة مارشال

يوجد بها شريحة مستشفى داخلية تحمل اسم ورقم صاحبها ومعلوماته؟






وفقت طير احمرصافي فرخ 16.5 في 16.5 راسه كاشف تركماني. عليه صفره مكتوب

عليها qatar 5545658 .
وفقت طير احمر شقران (طلع) قرناس رابع راسه ابيض 17 \17 فيه صفره عليها رقم قطري. الطيرين كلهم مسجلين ولهم جوازات سفر.
مكان الفقدان: الرس
الي بيبشرني / : له مكافئه 000 50 ألف ريال
تكفوووووووووون يالربع الفزعة؟؟
والله يجزاكم خيررررررررررررر وعيد سعيد


الكاتب :مملكة المحترمين منتديات الرس اكس بي

[المري]

عسى الله يعقلها على راعيها ..

وسرقة الطيور منتشره هالايام ماادري وش العلم.؟؟!!

العام في سباق الطيور في النعيرية كان طيري مركوز وراي وكنت معطي الطير اظهري وكنت ادربل على الطيور اللي يهدونها في السباق.

ويوم التفت على الطير فأذا محله خاااااااااالي !!!!!!!!!!! والمشكله كان رقمه في السباق يوم ثاني . بس اللي مايقسم عسر

دورت له حوالي شهر المهم الله اعقله... بس كان في احد الدول المجاوره حاولت ان ادخله السعوديه ولكن لم أستطع..

وسلامتكم..

اخوكم / المري

[عبدالله العمير]

هلا وغلا باخوي المري

والله يبعد الشر عن وعنك وعن الجميع

خوينا هذا يقول انه بصبح العيد والكل داخل وطالع والبزارين مالهم حاجه الا التعبث

والظاهر ان البزارين هم الي فاتحين الباب وكفخت الطيور

[(( الذيب))]

بأذن الله غير تتوفق وتلاقيهن عاجل غير آجل

[المشراق]

الله يردها لك اخوي عاجلاً والحلال مايضيع بإذن الله ولودرينا عنها مكافأتنا فرحتك يالغالي

[المري]

مااتوقع ان البزارين افتحت الباب واكفخت الطيور لان الطيور مربطه في اوكورها ومبرقعة..

[جرناس دبي]

مبروك عليكم العيد.وكل عام وأنتو بخير.
إذا كان لك نصيب فيهن بيرجعن.والله يعينك على حرقة الفقدان.
أنا فاقد طير من ثنعشريوم ولين الحين أترايا عسى أسمع عنه خبر.

[نقا خريم]

خذوا هالرابط اليوم واحد بالكويت لقا له شيهانه
http://www.mekshat.com/vb/showthread.php?t=60734

[سلكي نت]

الله يصبرك

[عبدالله العمير]

الله يسلمكم جميعا على التفاعل

ومن ناحية رابط الطير بالكويت ماضن انه وصل هناك لانه ضايع نهار العيد

[سلطان القلوب]

الله يعقلهم عليه

[أبو فيصل]

الله يعقلها عليكم

ليش ما توصل الكويت وهالأيام الهوى جنوبي يمكن في حومه وحده توصل هناك

[ظبياني920]

شوف يمكن هي وهي وين ضاعت ؟؟؟؟

[الروقي نت]

الله يعقلها وترجع لراعيها

[المري]

يالربع الطيور مسروووقه ولا غاديه على هدد !!!!!!!!!!!!!! ياليت يوضح صاحب الاعلان..

وسلامتكم..

اخوكم / المري

[عبدالله العمير]

الله يسلمكم جميعا

الطير على قول راعية اليوم ان الاطفال متعبثين وفاتحين الباب والطيور كفخن

ماكان عليهن لا برقع ولا مسابيق

[الأُستاذ]

الله يخلف عليه
واسمح لي اقول ان هذا الاهمال وما يسوي
ولا المفروض عشة طيور لها مفتاح خاص ويكون مع راعي الطيور مو كل بزر وملقوف يدخل عشة الطيور لا والمشكلة لا مسابيق ولا براقع !!
الله يعقلهن ان شاء الله واسمح لي على هالعتب الاخوي

[المري]

لا براقع ولا مسابيق !!!!!!!!!!!

السالفة فيها غلط ياأخوان ... ماأتوقع اطيور فيها حجول بأرقام ولا يوجد في مسابيق ولا براقع..

[راعي مسكت]

لا براقع ولا مسابيق !!!!!!!!!!!

السالفة فيها غلط ياأخوان ... ماأتوقع اطيور فيها حجول بأرقام ولا يوجد في مسابيق ولا براقع..
يمكن قصده الطيور في حجره مقيض مهدوده هدد .
والله اعلم .:confused:

[المري]

اولا: مرحبا اخوي راعي مسكت والحمد لله على السلامة.. ومن طول الغيبات جاب الغنايم..

ثانيا: اذا هي في مربط اقول صحيح بس المشكلة فرخ شاهين فارسية وفرخ حر !!!!! يعنى فروخ السنه مايحتاج يربطها..

[كحيلان 11]

الله يعقلهن عليه انشاء الله

[عبدالله العمير]

تسلمون ياخوان على التحري والمشاركة

وتراي ياخوان اجهل بعلوم الطيور ولكن هذا ماقال راعي الطير وهو ماهب راعي نت على طوووول

ونبي الاجر من الله مانبي ريال منه

وهذا سردة الي قال فيه شكواة والعلم عند الله

وعندي استفسار اذا كانت الطيور بوسط الشبك ماتكون مفكوكة ؟

[راعي مسكت]

[quote=المري]اولا: مرحبا اخوي راعي مسكت والحمد لله على السلامة.. ومن طول الغيبات جاب الغنايم..

ثانيا: اذا هي في مربط اقول صحيح بس المشكلة فرخ شاهين فارسية وفرخ حر !!!!! يعنى فروخ السنه مايحتاج يربطها.
ماركزت مضبوط ويقول انه غشيم في الطيور .
على العموم الله يعقلها انكانها ضايعه او مسروقه .
ويهاديه ان كانه يبي يسولف (وترى من تفاول على روحه ...............)
وسلامتك

[سطح القمر]

الله يعقلها ان شاء الله