مكينة فورد ايدج

[قرقاص مع شاهي]

مسيكم بالخير. ..
عندي السيارة ارتفعت الحرارة ووديتها وصار الموية داخله على الزين وقالوا لازم فك مكينه
وبياخذ وقت وفلوس
وش تنصحوني اسوي
اطلب مكينه من امريكا اضمن وارخص من خلال النت ولا اشتري من الصناعية مكينة يجيبونها من امريكا وضمانها شهر بالكثير. ????
محتار والله وشايل هم ياليت تفيدوني يا اصحاب الخبره ولكم الشكر

[ريثان القصيم]

مسيكم بالخير. ..
عندي السيارة ارتفعت الحرارة ووديتها وصار الموية داخله على الزين وقالوا لازم فك مكينه
وبياخذ وقت وفلوس
وش تنصحوني اسوي
1-الله يعينك تلقى نصوح
2-لا تشخص المشكله الا من 3 الي 5 ورش متخصصه امريكي وفورد بالذات
3- وانحش قد ما تقدر عن تشخيص بعض الجنسيات العربيه واحرص على الفلبيني وان لقيت تايلندي افضل
وجرب الرابط

http://www.mekshat.com/vb/forumdisplay.php?f=158

اطلب مكينه من امريكا اضمن وارخص من خلال النت او اشتري من الصناعية مكينة يجيبونها من امريكا وضمانها شهر بالكثير. ؟؟؟؟
اشتر من التشاليح وتكون المكينه شروط اساسيه جدا
-راكبه على سياره مثلها
-والسياره ما تكون متقلبه
- واذا لقيت جب ميكانيكي فاهم بالفورد يفحص المكينه
محتار والله وشايل هم
لا تشيل هم دامك تصلي لله سبحانه الاستخاره
ياليت تفيدوني
الفائد الكبرى بمشاركتي لاتستعجل
ولكم الشكر
اخوك
ريثان القصيم

[abo yusef]

اولا الله يعينك ياخوي بس ودي تفحص مكان الخلط من وين لان امره بسيط اذا ماتضرر الراس للماكينه بالنسبه لمقاس الماكينه 3.5
ودي تفحص الطبه الاماميه
http://www.mekshat.com/pix/upload05/images253/mk292860_n0118539_250.jpg
الطبه اللي تحت بكرات الكام لماكينة سيارتك اذا كانت نووع 3.5
الطبات اللي في الراس
صمام التنظيف اوتنسيم المويه
http://www.mekshat.com/pix/upload05/images253/mk292860_tamsim.jpg
من جنب الماكينه لتنسيم المويه اللي داخل الماكينه
بالنسبه للشراء من برى راح يكلفك اكثر مم تتوقع
لكن افحص الراس اول شي وشوف التهريب بالنسبه لمسح الراس انصحك اذا بتستعمل غير جديد لا تمسح الراس
لانه بيتعبك الشركه تنصح دائما في التركيب باخذ الحذر لانه مصنوع من المنيوم خفيف جدا واي شي قد يعرضه
للكسر فما ادري عن وضع العطل من قبل
http://www.fordparts.com/Commerce/CatalogResults.aspx?y=2011&m=Ford&mo=Edge#Search
سعر الماكينه كامله اصليه من موقع فورد
السعر للماكينه مو موضح الا بالاتصال ااو مراسلتهم واحسب قيمة الشحن
بالنسبه لموقع اي باي فاسعارهم جدا حلوه بس مادري عن الضمان والشحن الدولي راح تشحنها عن طريق البحر انا تصفحت موقعهم والشحن الداخلي 190 دولار وقيمة الماكينه كامله بحدود 1000 دولار عاد احسب الشحن والزمن اللي يلزمك عشان توصلك
التشليح وقارن بين الاسعار كلها
مر الوكاله وشوف والله يدلك

[مآلقيت اسم]

اول شي انت ماقلت هل المكينه تضررت اذا ماتضررت ولافيها اصوات تغير طبه وابو يوسف كفى ووفى

اذا تضررت اشتر غيرها افضل لا توضبها فهي ليست خامه لتجديد بيطلع لك مشاكل

خذ من التشليح او سوي طلبيه. وربي يعوضك

[قرقاص مع شاهي]

شكرا اخوي ابويوسف وبيض الله وجهك وايضا اخوي بدون اسم لاهنت والله

[قرقاص مع شاهي]

اشكرك اخوي ريثان بيض الله وجهك

[فارس شمال]

يالذيب تراي لقيت مكينه الادج مع القير كامله بالشارقه ب5500 ريال بس ويمديك تكاسره بعد

Sent from my SM-N9005 using Tapatalk

[bo naser]

تبديل قازقيت الراس والترموستات وطرمبة الماي

[بدوي جنوبي]

المحرك يشتغل او جيّم (صلّب)

لان اذا ما جيم ،، تحتاج فقط تغيير طقم وجيه للروس والثلاجه والصدر
وفحص الرووس بالمخرطه