استفسار الله لايهينكم لهل الخبره

[هاوي الصييد]

السلام عليكم ورحمة الله وبركاته
اسعد الله صباحكم اذا صباح ومساكم اذا مسا
اخواني اعضاء منتديات مكشات حبيت استفسر منكم
لقل خبرتي ومعلوماتي البسيطه وماجيت وسألت هنا الا
اني داري اني بين ربع واخوان
انا رجال قنيتلي طير وكري وحش ولي اللحين اسبوعين
حاولت ادعي الطير كم مره ماجاني الا مرا وحده وبعده ماجا
واذا جيت ادعيه يناضر وبعدها يصديبدا يتلفت يمين ويسار والعلف بيدي

انا ماسالت الا بعد ماشاب راسي منه وابي احد يفيدني
وبيض الله وجيهكم علا كل حال
والسلام عليكم ورحمة الله وبركاته

[هيبه ملك a]

يفيدونك الاخوه الصقارين

[ابونص.]

اخوي لأجيت تدعية خله جوعان مره وراح يجي ويتعود

[mtnokh]

نفس كلام اخوي ابونص .. تسمع بالمثل اللي يقول "جوع كلبك يتبعك " اعزكم الله لكنها نفس الفكره جوعه يوم او يومين وخلك تطوعه ولا يطوعك انتبه .. يعني خله ع كيفك مو ع كيفه .. وادعه من قريب وبعدها بكم يوم ابعد واللي بعده ابعده وزي كذا الين مايعرفك مظبوط
تقبل مروري ..

[هاوي الصييد]

بيض الله وجيهكم علا كل حال
انا ابي شرح كامل اذا ماعليكم امر

[ابو امجد 11]

اقصر عليه بالعلف وعلى قولة الاخوان جوعه

[الله يجملنا]

الله الله جوعه

[هاوي الصييد]

بيض الله وجيهكم علا كل حال

[حرة البقوم]

لا تأكله يومين واليوم الثالث ادعيه

[القصير111]

أول شي وين موقعك
أنا عن نفسي لو انك قريب مني أبشر مستعد كل يوم ندعي سوا


ضروري يكون معك ناس تتعلم منهم وتشوف بعينك عشان تستفيد أكثر

[جموول]

هلابك اتوقع ان راعيه الاول يوم يدعيه بيسحب العلف منه غصب علشان كذا مايجيك من الخوف لاكن جوعه ويوم تدعيه امش له شوي شوي مع رفع الصوت بتسميته وخله يعلف وحاول انك دوم تنقله علي يدك لين يتعود عليك وان شأءالله بتجيب راسه انا خبرتي قليله لاكن كنت اصيد البكه وادهلها وجبت راسها علي قمري وعصافير والله يوفق الجميع

[صقار عفاس]

شنذره وجوعه ويجيك طرق

[خالد العطااوي]

هلابك اتوقع ان راعيه الاول يوم يدعيه بيسحب العلف منه غصب علشان كذا مايجيك من الخوف لاكن جوعه ويوم تدعيه امش له شوي شوي مع رفع الصوت بتسميته وخله يعلف وحاول انك دوم تنقله علي يدك لين يتعود عليك وان شأءالله بتجيب راسه انا خبرتي قليله لاكن كنت اصيد البكه وادهلها وجبت راسها علي قمري وعصافير والله يوفق الجميع
الرجال يقول وحش ماهو بيتي الله يطول لي عمرك ..

[خالد العطااوي]

الوحش طال عمرك جوعه
وبالصياااااح وقت الدعو علشان اذا صحت له بعدين
يعرف ان فيه علف .. وصيح له وهو يتعشى ولاتكثر له من العشا مثلا جوعه يوم
ودهله خله على يدك وخله دايم يسمع اصوات لو عند التلفزيون ..
وبعدها ادعه وعطه نص ثندوه وبعدها زي كذا لاتكثر له لين الطير يجيك من بعيد وفيه (سبب = الحبل)
وخله لين يتعود وتشوف الطير بس يبيك ويدور العلف معك كذا عاد فك له حمام منتوف
وشوي شوي لين تزين اموره
لكن اهم شيء الصبر الصبر
والله يوفقك وتاكل من صيده ان شاءالله ..

[أبو العنود1]

ساهره وخله دايم على كفك ولا تطعمه لين ينقز على الدس ودايم خل معك حق نسره نسرتين مو اكثر ونزله على المركابه وادعه مره ثانيه ونفس العمليه بعده كم مره رح تشوف من تناديه على الدس بدون تردد يجي عليك وان صار كذا ابعد المسافه شوي وكل ماهذا زد المسافه وبعدها زي ماقال اخوي خالد عطه حمامه طيرانه وسط يعني انتفه يالله اللي تطير وشوي وشوي عطه اقوى واقوى لين يطرح الحمامه السلم واهم شي لاتفك منه صيدته الا انك تنسره على دسك وتضب الحمامه تحتك لايشوفك وانت تاخذه انت لياوصلت للمرحله ارجع سو موضوع اهم شي الان لا تستعجل عليه خله لين يصير يوالف لك ويجيك ودايم امسح عليه بيدك وبالبرقه وعلى منقاره وان عضك او شي تحمله شوي وانتبه تضربه يخرب طبعه وماعاد يزين تصير به خرعه

[طير الشايب]

الوحش ماعليه خوف طوفه يوم يعني ( اليوم لاتعطيه شي ) وادعه بكره وبيجيك باذن الله

[صقار المملكة]

اكيد الطير صنيع مرة خفف عشاه كم ليلة ويجيك غصب عنه واذا مانفع شنذره