رينو ديزل قطعت ديزل وعيت تشتغل بعدها !!!

[3bdulmalik]

السلام عليكم ورحمة الله وبركاته


كيفكم ان شاء الله بخير ..

ياشباب عمدي سيارة رينو ديزل قطعت ديزل وعبيتها ديزل وعجزت اقدر اشغلها و ماحد عرف لها السيارة تدق بس ما تشتغل ..

ياليت الي يعرف بالديزل يقول لنا وش الحل ؟؟!!

تحياتي للجميع

[زمان وطاف]

وعليكم السلام ورحمة الله وبركاته

والله ياخوي كان عندي ايسوزو 2003 قطعت ديزل ونفس حكايتك عيت تشتغل
كلمت لي راعي ورشة قالي بوة بالمكينة زي الشفاط او دقمة او شي زي كذا تظغط علي كم مرة علشان يدف الديزل
للمكينة..
يمكن سيارتك نفس الحكاية
واهل الخبرة يفيدونك ان شاء الله

[3bdulmalik]

سويتها اكثر من مره بس عيت تشتغل

ابصور المكينة وانزلها لكم ..

[المهاجر انا]

السلام عليكم ورحمة الله الطرمبه حقة الديزل كاسبه هواء
الطريقه فلتر الديزل تظغطه من فوق ووتحل الصاموله اللي في الطرمبه من فوق وتخل واحد يدق سلف بس لايشغل السياره دق بس لين يخرج الهوى بعدها تربط الصاموله وشغل ان شاء الله بيشتغل وانتبه لازم ماينزل حساس الديز ل عن الربع

[3bdulmalik]

صور المكينة ..

http://store0.up-00.com/2013-11/1385580422241.jpg
ـــ

http://store0.up-00.com/2013-11/1385580422982.jpg

ـــ

http://store0.up-00.com/2013-11/1385580423623.jpg

[3bdulmalik]

السلام عليكم ورحمة الله الطرمبه حقة الديزل كاسبه هواء
الطريقه فلتر الديزل تظغطه من فوق ووتحل الصاموله اللي في الطرمبه من فوق وتخل واحد يدق سلف بس لايشغل السياره دق بس لين يخرج الهوى بعدها تربط الصاموله وشغل ان شاء الله بيشتغل وانتبه لازم ماينزل حساس الديز ل عن الربع




ياليت يالغالي تعبمني وين الطريه الفلتر الي بججنب البطاريه لكن الطرمبه وين فيه ؟؟

[الاهماس]

يوجد في الشاحنات الكبيرة الديزل جهاز خاص اذا قطع الديزل يصلح لها تحضير ديزل بواسطة الجهز وبعدها تشتغل معاه اتوقع انه موجود في سيارتك ابحث عنة بجانب طرمبة الديزل وان شاء الله تجدة

[3bdulmalik]

سيارتي رينو يالغالي

[3bdulmalik]

ياشباب وين خبراء الديزل ؟؟!! لا هنتو فزعتكم ؟؟!!

[استشاري]

و عليكم السلام و رحمة الله و بركاته
حسب معلوماتي البسيطه ان غالبية سيارات الديزل الصغيره مالها طرنبمة تحضير و لكن تكون داخليه ظمن طرنبمة الديزل.
فيه طريقه بسيطه يمكن تسويها و هي تشريقة السياره بالبنزين.
لكن تاكد انها مناسبه لسيارتك و لا تسبب مشاكل.
الطريقه انك تجيب قطعة قماش مبلله بالبنزين و تحطها عند فتحة شفاط الهواء اللي رايح للمكينه و تخلي شخص اخر يدق سلف دقات ماهي طويله (علشان السلف ما يحرق) لين تشتغل ان شاء الله.
مرشح الهواء ( الفلتر ) مكانه ما تشيله و امسك ةقطعة القماش بقوه علشان ماتنشفط جهة مرشح الهواء.
بالتوفيق

[3bdulmalik]

و عليكم السلام و رحمة الله و بركاته
حسب معلوماتي البسيطه ان غالبية سيارات الديزل الصغيره مالها طرنبمة تحضير و لكن تكون داخليه ظمن طرنبمة الديزل.
فيه طريقه بسيطه يمكن تسويها و هي تشريقة السياره بالبنزين.
لكن تاكد انها مناسبه لسيارتك و لا تسبب مشاكل.
الطريقه انك تجيب قطعة قماش مبلله بالبنزين و تحطها عند فتحة شفاط الهواء اللي رايح للمكينه و تخلي شخص اخر يدق سلف دقات ماهي طويله (علشان السلف ما يحرق) لين تشتغل ان شاء الله.
مرشح الهواء ( الفلتر ) مكانه ما تشيله و امسك ةقطعة القماش بقوه علشان ماتنشفط جهة مرشح الهواء.
بالتوفيق



والله مدري اجربها والئ لا ؟؟!!

[Almana_M1]

وانا اخوك دور عن فلتر الديزل اللي فالكبوت وبتلقا فوقه ضغاط وعلى جمبه صاموله (على خبري فالسوزو ) ارخ الصاموله واضغط الضغاط الى ما يطلع الديزل مع الصاموله واربط الصاله واضفط كم ضغطه اللين ما يثل ثم دق سلف

أرسلت من GT-N7100 بإستخدام تاباتلك

[ابو جارد]

هذه احدى مشاكل الديزل
اذا خلص التانكي ماتشتغل الا بتحضير الديزل من التانكي للطرمبه
وهذه الحلول واختر مايناسبك

اذا سيارتك قير عادي
انتعها وتشتغل على طول

او اذا كانت طرمبه الديزل مصممه بضغاط لتحضير الديزل
اضغط الين تتفرغ الطرمبه من الهواء ويحل مكانه الديزل

او في حل اخر تفك انبوب الديزل الموصل من التانكي لطرمبة الديزل
وتضغط التانكي بكمبروسر الهواء شي بسييط ( لمدة ثانيه او ثانيتين عشان ليات الديزل ماتخرب )
وتكتمه باصباعك بحيث اذا ابعدت اصباعك راح يرتد الديزل من التانكي الى الانبوب بفعل الضغط ,
وتوصله بطرمبة الديزل

وباذن الله راح تشتغل معك