إستفسار لإستبدال مكينة جمس ونيت

[بلاكوتا]

السلام عليكم ورحمة الله وبركاته

ماعندي خبره وعطوني رايكم

ألحين لو بركب مكينة LS1

على جمس دفرنسين تشيل الموتر والعزم

==

وإلا أركب مكينة 454 وهل يتحمله القير نفسه حق ال 350

والجمس مكينته الأساسيه 350 حلابات

[ابو محمد 276]

تشيلة يا خوي ركبها وانت مطمن
الجموس الجديدة مكاينها اقل من ال LS1 مقاس ال LS1 5700
والجموس اكثرها الجديدة مكاينها 5300
وشايلتهم صوالين ووانيتات

[بلاكوتا]

الله يكتب الخير

لابد أستفسر لأني عديم الخبره

لأني مستصغرها كمكينة كابريس

وجزاك الله خير على هالراي والله يسهل مابه خير

[كلاش2500]

ونا خوك ماتشيل الونيت ولاتقواه حتى لان ونيت الجمس ثقيل .....لانها مكينة سرعة وليست عزم....عليك بال 6لتر عزم وقوة....او ال6200 حقت الدينالى اقوى وانشط لكنها غالية شوى ....اما موضوع القير يبغاله شغل ثانى لكن لو تقلبه عادى يكون افضل ...وفى قير ينقاله 400 يتحمل لكن انا انصحك بالعادى...

[اسدهم]

ركب اربعمية بدون تعقيد ولا كمبيوتر ولا شؤ وصيانتها اي عامل يفكها لو تسافرعلية اقرب ديرة يعرفونلها من وجهت نضري انا

[بلاكوتا]

ونا خوك ماتشيل الونيت ولاتقواه حتى لان ونيت الجمس ثقيل .....لانها مكينة سرعة وليست عزم....عليك بال 6لتر عزم وقوة....او ال6200 حقت الدينالى اقوى وانشط لكنها غالية شوى ....اما موضوع القير يبغاله شغل ثانى لكن لو تقلبه عادى يكون افضل ...وفى قير ينقاله 400 يتحمل لكن انا انصحك بالعادى...


الحق هذا اللي يدور براسي إنها مكينة سرعات ماهي مكينة عزم وتحمل

لكن اللي خلاني أسأل إني أشوف راعين الجيوب النيسان يسقطونها

وأشوفهم يجلدونها وماتقول شي

مع العلم أنا مانيبب راعي جلد وهبال لكن ودي بمكينة تغرّد بالموتر

لأني راعي سجات لحالي بالبران من دار بدو لدار بدو آخرين

[بلاكوتا]

ركب اربعمية بدون تعقيد ولا كمبيوتر ولا شؤ وصيانتها اي عامل يفكها لو تسافرعلية اقرب ديرة يعرفونلها من وجهت نضري انا

أبحث بركود عن مكينة جمس 454 موديل 95 اللي مكينته ترعد

لكن أرجع لسؤالي هل يمشي معها قير 350 الكبير اللي تغيراته تجي أربع

P - R - N -D - D - 2 - 1

مايسبب لي مشاكل مستقبلاً

والظفيره والكمبيوتر ماهو لزوم أغيرها

[بلاكوتا]

اخوي بلاكوتا انا عندي شفر حوض سيلفارادو دفرنسين حلابات موديل ٩٠ مكينته شد بلده وعمرها باقي شوي وتوطوط ، ودي اصقط له مكينة 6.2 لتر بس مالقيت احد يقدر يطبقها مع قير ال٤٠٠ وناس تقول اقلبه عادي وناس تقول لازم نفس قير التاهو الخ..
الشاهد اذا لقيت لي حل والا عرفت لك فني جيد ، رجاءاً تبلغني ولو برسالة ،،
تحياتي ابوعبدالرحمن


يابوعبدالرحمن أنا أهون علي أبيع الموتر التوماتيك ولا أقلبه عادي

لأن التوماتيك مريح للرجال اللي يتمشى بالنفود ولاهو راعي زرزره

وترتاح من حكاية الكلتش وتغيرات

محد حاصل له يتدلع ويقول لا :D

والعلم ماأحب العادي إلا بالددسن والهايلوكس فقط :)

وبالنسبة للورشه

طبقا لنصيحة منقولة لي من عبدالرحمن الجميح

قال لو بغى يطبق مكينة

إن أفضل من يطبقون مكاين هي ورشة توب بور TOP POWER

ولا لي علم بموقعها ولا أسعارهم لكن لهم مقاطع باليوتيوب

[abo naser 1]

6 لتر التورك اعلى
2'6 هذا المحرك بيشلعه شلع بس غويلي

احد الزملاء معه HD 2500. 98 حوض مركب عليه LS1 وعزمه طيب وأفضل من البلد فرق طيب وكفراته حجريه حجم كبير جربته ب 1/2 يباوش مكانه

[بلاكوتا]

جزاكم الله خير كلكم

لولا إختلاف الأراء لبارت السلع :D

والواحد بين ألف راي وراي لين يصمل على راي

والله يجعلنا نطب متواسين

بالراي السديد

وعساكم على القوة لاعدمناكم

[بلاكوتا]

6 لتر التورك اعلى
2'6 هذا المحرك بيشلعه شلع بس غويلي

احد الزملاء معه HD 2500. 98 حوض مركب عليه LS1 وعزمه طيب وأفضل من البلد فرق طيب وكفراته حجريه حجم كبير جربته ب 1/2 يباوش مكانه


جزاك الله خير

لكن القير ماجاوبتوني هل بيتحمل

لأن إذا على المكينة يسهلها سبحانه

لكن إذا تبي تتبك على مكينة وقير وظفيرة أبتركد

وجاني راي إذا بغير المكينة والقير أجيب لي من الأمارات مكينة وقير لكزسس

لكن بتكون تكاليفه جامده لأن البدي بيطلع ثوب أمريكي لابسه ياباني :D

لكن فيه مميزات برودة المكينة وإنعدام الصوت

الله يكتب خير

وأمر الله من سعه

وبإذن الله تساهيل