نصيحه لعشاق البرادو بالسعوديه 2014 صور مؤلمه

[بومالك]

السلام عليكم جميعا

فعلا الصور مؤلمه لعدم توفر مواصفات البرادو التالي الخاص بوكيل اليمن بازرعه لدينا بالسعوديه

وخاصة نزوله بجنوط هلل وكاله وتانكي احتياطي للبنزين وقير عايدي

للأمانه منقول من موقع يهتم بسيارات التويوتا





http://im35.gulfup.com/pkM5E.jpg (http://www.gulfup.com/?zkT7oB)



http://im36.gulfup.com/ljrCq.jpg (http://www.gulfup.com/?IjqlZZ)


http://im37.gulfup.com/4xf2s.jpg (http://www.gulfup.com/?jpZZMC)

[التمسساح]

حلوه اليم هههههه

[kasdar]

والله الموتر ممتاز

لاكن مايعيبه الا رساوته وتحلها بكفرات اعرض

وعيبه الثاني السعر ضربه

[ح أبو نوره]

السلام عليكم
انا بقوللكم شي من واقع التجربه للبرادو
الايجابيات اللي فيه
انا جربت البرادو سته سلندر خليجي تانكيين بانزين
ممشاي مع الخط ما اتجاوز 140 كم/ساعه
يقطع بالتعبئة الواحده للتانكيين 1100 كم بالرااااحه ماشاءالله عليه
بالنسبه لرساوته مع الخط
راسي مو على قد سب الناس له بالعكس والله انا اشوف انه زين
وعملي وتحس ان الموتر جامد في البر والنفود ميه الميه ومع الزحمات بالرياض شييييييي
مريح لا انت على سياره صغير ولا على سياره كبيره يعني ممتع بالزحمات
العيب اللي شفته
اولا : الصيانه ... مو كل ورشه تصلح البرادو لانه تعطل معي وتعبت وانا ادور فيه على السطحه كل ما جيت ورشه يقول البرادو ما نشتغله
ثانيا : قطع غياره ناااااااااااار يعني اللي معي 2005 راسين خبط كلفني مشترى الماكنيه مع الرجيع من التشليح 15000 ريال ريال ورى ريااااال
لو بغيت اوضبه بيكلف اكثر من 22000 ريال
ثالثا : وديته للمعارض والله قليل اللي يسومه مع ان بديه 100% ماشاءالله عليه
هذا اللي حبيت اقوله من واقع تجربه
والله يوفقنا وأياكم لما يحب ويرضى

[باوزير]

الموتر اربعة سلندر الستة يجي مكتوب عليه txl v6

[التعـ King ـديل]

الموتر اربعة سلندر الستة يجي مكتوب عليه txl v6


نفس اللي بالصوره يجي منه سته سلندر وتلاقيه في الامارات كثير لانه يستخدونه بالحكومه

[بلاكوتا]

كان معي برادو

مب موتر بر

ينفع لشاب توه متزوج ويروح يكشت بمخطط

للسفر حلو

ينفع لمهندس دكتور أسنان

بأختصار ينفع لغير هواة البراري

هو والفورتشنر

مكاين هايلكوسات ويسموهن جيوب

مافيه عزم نهائي

وأسعارهن غاليه مقارنه بالهايلوكسات

لأن صعبه تقارنهن بالجيوب

مواتر تروح به للبر لكن ضعيفه جداً

يعني ماتروح للنفود تروح للنفيدات الصغيرات

يمكن لأني أستخدمته بعد شروكي وفرق عندي العزم والقوة والنشاط

لكن كحق يقال

البرادو مايصرف بنزين

قليل مشاكل صيانه

مريح

يحبونه السودانين أكثر ما أشوفه معهم :D

[مصلح بن بيئي]

أنا لقيت بمعارض الشفاء قبل يومين موديل 2014 اربعة سلندر جنوط هلل
قير عادي
وافادني صاحب المعرض ان جنوط الهلل تجي فقط على الاربعة سلندر حسب افادته وبصراحة شكلها حلووو جدا في الموتر ورافعته بشكل جميل

[زياد علي]

مايعتبر جيب وفوق كذا يلفق له ابو جميل

[((ابوملاك))]

كان معي برادو

مب موتر بر

ينفع لشاب توه متزوج ويروح يكشت بمخطط

للسفر حلو

ينفع لمهندس دكتور أسنان

بأختصار ينفع لغير هواة البراري

هو والفورتشنر

مكاين هايلكوسات ويسموهن جيوب

مافيه عزم نهائي

وأسعارهن غاليه مقارنه بالهايلوكسات

لأن صعبه تقارنهن بالجيوب

مواتر تروح به للبر لكن ضعيفه جداً

يعني ماتروح للنفود تروح للنفيدات الصغيرات

يمكن لأني أستخدمته بعد شروكي وفرق عندي العزم والقوة والنشاط

لكن كحق يقال

البرادو مايصرف بنزين

قليل مشاكل صيانه

مريح

يحبونه السودانين أكثر ما أشوفه معهم :D


الله الله لا تتكلم بدون تجربه ياخوي مهن مكاين هايلوكسات يجي مكاين هايلوكس ويجي سته سلندر والله ما شاء الله يمسحن النفود مسح ممتازات بالحيل وقويات

[بلاكوتا]

الله الله لا تتكلم بدون تجربه ياخوي مهن مكاين هايلوكسات يجي مكاين هايلوكس ويجي سته سلندر والله ما شاء الله يمسحن النفود مسح ممتازات بالحيل وقويات


أنا قلت ببداية الرد كان معي برادو 2006

وهذا البرادو حقي بعد الإنقلاب بسبب عدم الثبات بالخط

بسبب خراب المساعدات

إثر تلافي وادي وعقم وللعلم الحادث بعام 2010



http://im32.gulfup.com/WTsCD.jpg

[بلاكوتا]

العموم يالمجهول الله يعطيك العافيه

بسألك هل تعتبره جيب مقارنه بالجيوب

ترى مافيه إختلاف ويكفي إنه تايوتا ليكون جيد

لكن الكلام هل يودي بالنفود مثل ماتؤدي باقي الجيوب

وترى مانتكلم عن الطاره

لأن الطاره لو عطيته هايلوكس تندح به على النفود ولا أطلق جيب

لكن الكلام على الغالب

هل تعتبره نشيط بعزمه قدام النفود مثل عزم السوزو الدي ماكس كأقل تقدير

تكلمت بناء على مناطحات مجربه بمواترنا

ولانيب من اللي يهرج بشيء وهو مايدري عنه

وتخيل قيمة 2014
إبتداءاً من 115,900 إلى 210,000 ريال سعودي

كم عندك من إختيار مقابل هالقيم

أفضل بقوة المكاين

وأفضل شكلا

وإنسيبابيه وثبات

والفخامه

وتقدر تراجع هالرابط إذا بتتأكد من الأسعار

http://www.saudishift.com/2013/toyota-prado-launch-in-saudi-arabia/


أخيرا

لازم يكون لك راي ويكون لي راي مخالف

لأن مزاجاتنا تختلف وكل واحد وله تجاربه اللي يقيس عليها

وماهقيت أحد يعدي الثلاثين من عمره

ماعاش تجارب بالكوم

لأنه كثير راح وكثير طلع للبر

وكثير سافر وكثير شرى سيارات

فكل سنه تمضي من عمرك تعتبر إنك جربت أشياء ماجربها غيرك

وحنا بمكان كل واحد يطرح وجهة نظره بحكم تجربته

فهناك اللي يمدح وهناك اللي يسب

وهناك من يبين العيوب

وعساك على القوة

[بريق الحسام]

ياأخوان اللي ناوي على برادو لايتهور ياخذله فورتشنر 6ستة سلندر مايفرق عنه بشيء أبد نفس قطع الغيار ونفس الصلابة ..ومن خلال تجربة سابقة للفور تشنر قوي وراسي ومايعيبه شي أرجو أني أفدت.

[ابومحمدالهاوي]

جنوط روعه انشالله تتوفر الجنوط في الوكاله
الجنوط 17 و مبرزه والله حلوه

[باوزير]

البرادو 2009 و تحت يعيبه التماسك و سرعة الانقلاب اما الجديد تماسكه افضل و ثابت في السفر عن تجربة لبرادو 2012 ستة سلندر

[اتجاه السحاب]

جربت برادو 2008
عيبة عدم الرساوة بالخط وخاصة لاصار هواء قوي أوعجاج أو حتى على سرعة 170
وبالنفود لو تاقف فجأه ثم تمشي الله يعينك ياتنسم الكفرات أو تغرز ويجك أحد يسحبك
أما صرفية البنزين والوذافه فهو ممتاز

[أطلال نجد]

في الحقيقة أنا جربت الباجيرو ٢٠١١ وهو تقريباً ولد عم البرادو شكلاً و مضموناً
و أشوفه بطل و يجمل و راسي و بالنفود طيب بالحيل.

استغرب من بعض الآراء خاصة اللي يقول أن البرادو ما يعتبر جيب !!
وش اللي يعتبر جيب أجل ؟!
بعض الجيوب الكبيرة اللي وزنها ضعف وزن البرادو ؟!

البرادو ٦ سلندر مكينته و قيره قوية جداً و تعتبر مناسبة لحجمه و وزنة و في نظري القاصر
لا يعيبه إلا سعره فقط خاصة الخليجي

[باوزير]

اتفق معاك عن تجربة الستة الجديد قوته مناسبة و راسي في السفر على سرعة 170