ياأهل الستوقر لاهنتو تفضلو

[قناص الستوقر]

السلام عليكم
يالنشاما حبيت اسأل عن الوردتين الي تركب بالحاضن فيه اختلاف في ثلاث امور
1: بعضهم مايركبونهن ابد ويقول هالوردتين للمخزن الأضافي فقط ويمدحون رميها لكن من ناحيتي مع كثر الرمي تضر البندق
2: بعضهم يركبهن وتحذف
3: بعضهم يركب بدال المطعوجه وحده عاديه نفس البلد وتروح الحذفه بس مشكله انها تلك واجد اي تنشب الفشقه

افيدونا بارك الله فيكم

[ابو محمد 50]

انا مركبهن الوردتين ويروح الحلبي يسار اشوي وماشيه الامور ومشاءالله ا لطير الواقع احط النيشان عليه ما يفلت

[قناص الستوقر]

ماشاء الله
لكن هل صحيحه ان الوردات لو تشيلهن افضل

[عبيد بن خلف]

اذا تشتكي من حذفه عدل المطعوجع وركب البندق ما عدا الماصوره شف اخر السبرنق حق المكينه من جهت المكينه خل طرف السبرنق لجهة المخزن اي على تحت واتحداك اذا لكت معك

[ابوعاشة]

ياعزيزي هذي الوردتين تثبت الحاضن لان اذا شلتها يجي فيه فضاوة والمطعوجة على فوق العادية وتمشي امورك وماتلقى حذفة

[قناص الستوقر]

يعطيكم العافيه

[قناص الستوقر]

طيب ايهم الأفضل اركب المطعوجه ولا أجيب بداله هاديه

[قناص الستوقر]

هذا سؤالي وبعضهم يقول شيل الوردات عزالله حيره

[ابوعاشة]

اخوي لا تشيل الوردتين ولا تعدلها ركبها واذا مابها حذفة اطيب واطيب لان قبل قنيت ستوقر وركبت الوردتين والمطعوجة فوقة
ورميها تمام ومافيها حذفة ومرة فكيتها وركبتها بدون وردتين جت في الحاضن فضاوة والماصورة ماتثبت زين بالجهاز

[عن عن]

الشباب كفو ووفو

[قناص الستوقر]

سبحان الله

[قناص الستوقر]

سبحان الله

[روق الرياض]

السلام عليكم
مشكله الحذفه من الخاتم وتعديله بسيط فك الحاضن وشوف بعينك الخاتم بتحصله فيه ميله والميله على حسب الحذفه اذا كانت قويه بتشوفها واضحه وذا الحذفه خفيفه برضو تشوف الميله خفيفه
وشكرآ

[ابو خالد 1400]

السؤال الا هم اذا شلت الوردتين تروح الحذفه ؟

[kASER-999]

كنت اعاني من الحذفة وكانت عندي واضحة في الرمي وجربت الطرق هذي كلها اللي تقولها قلبت الوردة و شلت الورد ولا راحت ابد ابد
و وديتها للفايز في القصيم و ياليت ما وديتها اول شي قالي الخلل من الفلنجة وديت الماصورة كاملة له
رحت اخذت المصوره والله عافتها عفت و بدون ما اركز في البندق يبين لك العفت(اقله هذا ايش يقلي عايدي و قليل الكلام ماتقدر تناقشة) حسبي الله عليه وحتى البندق من الداخل مريتها انجرحتة
الحذفة راحت لكن تكون تمنيت فيه حذفة ولا يعفت الماصورة بهذا الشكل

[روق الرياض]

كنت اعاني من الحذفة وكانت عندي واضحة في الرمي وجربت الطرق هذي كلها اللي تقولها قلبت الوردة و شلت الورد ولا راحت ابد ابد
و وديتها للفايز في القصيم و ياليت ما وديتها اول شي قالي الخلل من الفلنجة وديت الماصورة كاملة له
رحت اخذت المصوره والله عافتها عفت و بدون ما اركز في البندق يبين لك العفت(اقله هذا ايش يقلي عايدي و قليل الكلام ماتقدر تناقشة) حسبي الله عليه وحتى البندق من الداخل مريتها انجرحتة
الحذفة راحت لكن تكون تمنيت فيه حذفة ولا يعفت الماصورة بهذا الشكل
السلام عليكم الله يعوضك الطيب منها هذولا ناس يتعلمون على حسابنا
اخوي الحذفه مالها دخل في الوردتين الحذفه من الخاتم وفيه ناس تسميه القاعده
ابي اوصف مكانه لك ولاغيرك شف وانااخوك اول ماتفك الحاضن تحصل حلقه ملحمه في الماصوره وماسكه في المخزن تطلع الماصوره تطلع هي والماصوره سواء حلقه دائره هاذي المشكله منها تعديلها بسيط
تبي تشوف ميلتها رد الماصوره لين تصقط الفلنجه في مكانها في البندق وقف البندق وخل المخزن بينك وبين الماصوره تبي تشوف الميله واضحه
وشكرا

[فهد666]

الى كل الاخوان الي يعانون من حذفه والاغلب تكون يسار لا يوجد عيب في السبطانه ولا البندقيه ولا هناك مشكله في الوردات المشكله تكمن في التركيب حيث لم يتم وزن المخزن عند التركيب لذلك لا انصح احد العبث فيها

على كل يمكن تصليحها بشكل دقيق لدى محل العبداللطيف مقابل السنيدي بالجرده وسبق تصليح اكثر من بندقيه بشكل احترافي