ارتفاع اسعار الطيور

[طير الشايب]

السلام عليكم ورحمة الله
ودنا نتناقش بموضوع ارتفاع اسعار الطيور بشكل كبير جدا مع قلة الصيد لدرجة ايام ما تلقى حتى الحمام السوادي عشان تطلق طيرك توسع صدرك .... عطونا رأيكم .

[سارق الكحل]

كل شي صار غالي
ماهو بس الطيور حتي مستلزماتها

من الادويه الي سعر الوكر وقفص الحمام والاجهزة حتى الحمام صار غالي

ومستلزمات الرحلات كل سنة زيادة عشرة خمسه عشر ريال
والا مركي شاريه قبل سنتين ٤٥ ريال وامس يبيعه السيندي بسبعين
وقس على ذلك باقي المنتجات
خلها على الله

[صقار عفاس]

كل شي غلا مهوب الطير وبس والصيد قل وزادت اشفقتنا

[Naif1]

الحمد لله على نعمة

[fdfd_2002]

الطيور من قديم الزمان وهي غاليه

[بدوي نمبر ون]

الله يكافينا شر الغلاء
اما بالنسبه للطيور فهي صارت غاليه من هالشباب ماشالله
صار عنده طير وجهاز وقارمن صار دليله ماشالله ويعرف الديار ويقنص
وهالحين كلن شراء جيب وشراء نظاره ريبان وحط الطير ع التكيه
اول مايعرفون الجهاز كانو يتواعدون بالمغدا بالفلانيه والمعشا بالفلانيه وليا جت الصفره تعال شفهم بروس الرجوم هاذا يترك وهذا مولع له نار عشان خويهم
لدرجة ان بعضهم يهد وخويه مادرا عنه ذاك بتلعه وذاك بالبطين اللي حدره
ياحلوها ويازينهم ويازين انفوسهم والله اني خابرلي واحد قابل واحد ثاني وحنا كنا معه يومه ركب الموتر ويقعد يبكي قلتله يابوي وراك قال ياوليدي هذا رفيجلي لي سنه ماشفته
وين هالحين ووين اول هالحين اول مايهد عليك رفيجك
انا قمت اهربد تحملوني بس احس انه شيٍ بقلبي بقوله
الوكاد انها ماعاد بها ثمره
الطيور غاليه والزين منهن قليل والصيد ماميش
الله يعينكم

[- ابومبارك -]

غاليه لين كلن معه طير والاغلبيه يروح الموسم وهو ماهده الاعلى عشاه

[الشامخ عرعر]

الطيور الطيبه من اول الوقت غاليه والطيب يستاهل بسس اللي يضحكني
االلي يعرضون طيورهم للبيع طيري فاعل وطيري كاشف و الاانوااع ذي قليل ترداا وسسومه 15وانا قريب لاجاب راس ماله بعتههه ويجيك اللي شاريله جيب توه يبي يصقر ثم قال 18 الف بعت خله على حمااااامته ههههههههههه ومايدري ان طيره تفريخ ومشراه 7000ومسسطور على وجههه هذولالالالا اللي رفعو سعررر الطيور .....هذا اللي اشوفه

[قناص الخبر]

الله يكافينا شر الغلاء
اما بالنسبه للطيور فهي صارت غاليه من هالشباب ماشالله
صار عنده طير وجهاز وقارمن صار دليله ماشالله ويعرف الديار ويقنص
وهالحين كلن شراء جيب وشراء نظاره ريبان وحط الطير ع التكيه
اول مايعرفون الجهاز كانو يتواعدون بالمغدا بالفلانيه والمعشا بالفلانيه وليا جت الصفره تعال شفهم بروس الرجوم هاذا يترك وهذا مولع له نار عشان خويهم
لدرجة ان بعضهم يهد وخويه مادرا عنه ذاك بتلعه وذاك بالبطين اللي حدره
ياحلوها ويازينهم ويازين انفوسهم والله اني خابرلي واحد قابل واحد ثاني وحنا كنا معه يومه ركب الموتر ويقعد يبكي قلتله يابوي وراك قال ياوليدي هذا رفيجلي لي سنه ماشفته
وين هالحين ووين اول هالحين اول مايهد عليك رفيجك
انا قمت اهربد تحملوني بس احس انه شيٍ بقلبي بقوله
الوكاد انها ماعاد بها ثمره
الطيور غاليه والزين منهن قليل والصيد ماميش
الله يعينكم

ما ازيد على كلامك طال عمرك كلام سليم ميه بالميه

[قرناس سنجار]

السلام عليكم ورحمة الله
ودنا نتناقش بموضوع ارتفاع اسعار الطيور بشكل كبير جدا مع قلة الصيد لدرجة ايام ما تلقى حتى الحمام السوادي عشان تطلق طيرك توسع صدرك .... عطونا رأيكم .
وعليكم السلام ورحمة الله وبركاته
الله يحييك ياطير الشايب انا ماكنت اتوقع ان الطيور توصل لهذي الاسعار ولكن حدث ولاحرج كان الحر قديم قيمته مابين ال 500 الى 800 ريال واللي معوره القطاب من 100 الى 200 وكان هذا المبلغ يعتبر مبلغ كبير جداً آنذاك الوقت وقله هم اللي يمتلكونه ثم تدرجت ووصلت قيمته 3000 ريال ثم زادت من ال 5000 الى 6000 ريال وبقي هذا السعر الى ان ارتفعت مابين ال 20000 الى 30000 ثم صعدت شيئاً فشيئاً حتى وصلت الى هذه المبالغ الخياليه التي نراها اليوم..بل اصبحت الوكارى والجبليات تحتل مكانه مرموقه بين الصقاقير وصعدت اسعارها الى مبالغ خياليه واعتقد القادم يحمل في طياته الاسوأ. لاتستغرب قل الصيد ورتفعت اسعار الطيور. تحياتي

[عاشق السبق]

والله اني رايح قبل 2 اسبوع لاقي شيهانه جبليه وحش 11**11 مسيومه 6000 وراعيها مش راضي يبيع

[عابر الموج]

اخي الكريم ارتفاع اسعار الطيور من قلت الوحوش الاصايل الان اختلط الحابل بالنابل ماتدري هذا وحش ولا تفريخ والطير الطيب الي عليه مثانا غالي لان تلك الفصيله قليله اما الطيور الثانيه معك من 5000 الى 10000 لكن اخذ مجهول ولا اخذه لان الصدق قل في هذا الزمان الاماندر شكرا لك تقبل تحياتي

[صقارعزاااام]

والله اني رايح قبل 2 اسبوع لاقي شيهانه جبليه وحش 11**11 مسيومه 6000 وراعيها مش راضي يبيعقل غيرها يارجل ولا رضى يبيع بعد؟:D