مساعده

[ماعفتهم]

سلام عايكم


مساكم الله بالخير جميع

اخواني انا شريت قعود عمره شهر ميته امه وانا ماعندب الا حلال غنم والحليب يادوب عيالها

فوش الطريقة يالربع لا تذخرون عني شي

[راعي كححيله]

وعليكم السلام ورحمة الله وبركاته

اول شي كان حولك اهل ابل خذ من عندهم ومر بيطري خذ رضاعه كبيره

وان كان ماحولك اهل ابل .. خذ الرضاعه والله يعينك تاخذ حليب بودره وتمشي به هالكم يوم وتدور اهل الابل عشان ما تخسر واجد لان علبة الحليب بتكلف وعلبه ماظنها تكفيه اسبوع

ومن حليب حلالك بعد ان قدرت ..


اهم شي الرضاعه تغسلها بعد الاستخدام ولا تخلي فيها ولا قطرة حليب


والله يبارك لك


وترا نصيحتي هذي مو عن تجربه .. لا والله .. بس انا حطيت نفسي مكانك وشفت مافي افضل من هالحل

ولو ان عندك نياق وانت تبيه فحل قلت لك ضيره .. مع ان الرضاعة افضل بصراحه التضيير عذاب وتعب


ونصيحه عوده ع البرسيم من بدري .. يعني لاتم شهرين عندك عطه برسيم بس كسره له لا تخليه طويل ينشب بحلقه ولا تخلي له غبار واجد .. هي فتره بسيطه وبترتاح من هالطريقه


وان بغيت تعطيه شعير قبل لا تحطه صب عليه ماء وخله ساعتين حتى تصير الحبه لينة بعدها صف الماا وعطه القعود

وفيه من هم اعرف مني بينفعوك اكثر .. بس انا اقدم اللي اقدر عليه

[عابر سبيل99]

الله يوفقك

[كايد]

دور لك خفوت وضير القعود عليها ....أنسب حل
الضيار ياخذون من600الى 900 وتقدر أنت تضير اذا عندك خبرة بسيطة
وبعض الخفت تروم اول ما تدخلها الشبك على القعود.