المساعد الشخصي الرقمي

مشاهدة النسخة كاملة : اين تباع شباك التمويه حقت الصيد


االحالم
29/11/2013, 03:20 PM
رجاء وين القاها في الرياض وكم اسعارها ومقاساتها ولكم جزيل الشكر

http://www.m5zn.com/newuploads/2013/11/12/jpg//211305675c87473.jpg
محمد ابن عيد
29/11/2013, 04:29 PM
-

ع ماعتقد عند محلآت الخياطه العسكريه
و يفيدونك الآخوان اللي اقتنوها
صياد الرأس
29/11/2013, 11:39 PM
يارجال خذ لك قماشين واحد بيج مقاارب للصحراء او التراب والثاني بني ونصف متر لون اخضر وقطع القما شين الاخضر والبني الى قطع طول شبرومرة نصف شبر وعرض اصبعين وخيطها على القماش البيج وخرقه تخريق على شكل دوائر ومربع وجعل من نصف القماش البيج فتحه تخرج راسك منه وغط راسك بكبوس كامل الي يجي على شكل دائري وحط على الكبوس بعض من قطع الاقمشة وعلى كذا يصير معك لبس تمويه من البيئة من صنع ايدك وعلى تفكيرك الى تبغاه وعلى مزاجك ولا بيخطر ببال اي طير عنك انك موجود اصلا ...... وفالك الشحم ....
صياد الرأس
29/11/2013, 11:41 PM
نسيت حاجة والقماش البيج مترين في مترين او ثلاثة في ثلاث امتار على حسب جسمك وراحتك ومكان الصيد
أسود الحرمين
30/11/2013, 03:11 AM
حتى لبسك لازم يكون مقارب للون الأرض الي بتصيد فيها يعني لو تغطيت بقماش تمويه وأنت لابس ثوب ابيض مثلا بيلفت نظر الطير لازم اللباس كله يكون من نفس لون البيئه الي تقنص فيها
االحالم
30/11/2013, 01:22 PM
صياد الرأس

جربت اسويها فطلعت مشووه مازبطت مع
االحالم
30/11/2013, 01:24 PM
حتى لبسك لازم يكون مقارب للون الأرض الي بتصيد فيها يعني لو تغطيت بقماش تمويه وأنت لابس ثوب ابيض مثلا بيلفت نظر الطير لازم اللباس كله يكون من نفس لون البيئه الي تقنص فيها

والله معلومة مهمة ما انتبهت لها ولا عرفتها الا منك
شاكر لك هذه الاضافة
االحالم
30/11/2013, 01:26 PM
-



ع ماعتقد عند محلآت الخياطه العسكريه
و يفيدونك الآخوان اللي اقتنوها


مريت عليهم بس ما احد يسويها فيهم اذا تعرف احد معين خبرني
شاكر لك مرورك
االحالم
30/11/2013, 01:29 PM
يا شباب والله اني شفت واحدة مع واحد اقسم بالله ان شغلها اخر روعة ولدرجة انك ممكن تمسك الصيد بيدك ما ينتبه لك وسألته عنها وقال لي المكان الي تباع فيه بس والله نسيت
أسود الحرمين
30/11/2013, 10:13 PM
شف ياطويل العمر لقيت طلبك بموقع أمازون

http://ecx.images-amazon.com/images/I/514y3NEOivL.jpg

وهذا الرابط

http://www.amazon.com/Modern-Warrior-Camouflage-Tactical-12-5-Feet/dp/B009V5Z88E/ref=sr_1_33?ie=UTF8&qid=1385838758&sr=8-33&keywords=Camouflage+Hunting

وهذا نوع ثاني من نفس الموقع

http://ecx.images-amazon.com/images/I/41TR9N2LqZL._SX425_.jpg

وهذا الرابط

http://www.amazon.com/Camouflage-Netting-Camo-Net-Size/dp/B004LRDCW6/ref=pd_sbs_sg_6
محب العقاب
30/11/2013, 10:47 PM
إذا أنت من الرياض أمسك الملك فهد ووجهك شمال
قبل مخرج الملك عبدالله فيه مرج إطلع معه ويجيك لفة يمين خذها ويجيك معهد قياس على يمينك قبلها
فيه محل لوازم رحلات موجود عنده ولكن غالي حيل
المارية المعهد ومجمع محلات ومطعم برجر كنج
والله يرزقك الصيد الوفير
إحسبها في راسك إن كان رخيص إتكل على الله وإلا
مر يم السنيدي فيه بروة خاصة ب350 ريال شبه مكعب
فيها 12 فتحة .. ممتازة حيل
Abu Sary
01/12/2013, 01:50 PM
موجودة بالطايف لكن غالية المتر بـ 100 ريال واكيد تحتاج مترين إلى ثلاثة والدعوة ماهي مستاهله
صياد الرأس
02/12/2013, 12:59 AM
ياخوي هذا اللباس يكون مناسب مثل مقال اخوي .....الحالم..من نفس الطبيعه وهذا الفكرة تكون انسب في مكان ثابت في كمين وانت تعرف المكان المناسب لقنص الصيد ...هذا حل وفيه طريقة ثانية واريح ....خذ لك بدله بيج فيها جيبن 3×3 سنتمتر في الصدر لتعبي فيه رصاص وبنطلون بيج فيه جيوب من الجنب او متعدد الجيوب وخذلك ثﻻث بخاخات بيويه اخضر فاتح وبني ورصاصي واعمل فن تشكيلي في البدلة والبنطلون ودخل اﻻوان في بعض تسير على شكل مموة .... وانا سويت هذيرالفكرة ونجحت معي وتصدق اجلس في مكلن ضل ويجي مثل القمري ابو طوق وما يدري وش السالفة وﻻ يدري وين ملقي وﻻ حاس فيني وﻻ يشوفني واني اتفنن في قنصة واصيد الصيد الي يكفيني على حسب الطبخة ...هذا وسﻻمتك وارجوا اني خدمتك ...وتقبللوا عذري ...طولت عليكم ....والسﻻم عليكم
صياد الرأس
02/12/2013, 01:08 AM
وهذا جوالي بعد اذن اﻻدارة ارسلك على الواتسب اذا حاب تعرف طريقة الفكرة0556174557 ﻻني معرف انزل الصورة .......اخوك صيادالرأس