المساعد الشخصي الرقمي

مشاهدة النسخة كاملة : سيارتي مشت 170000 وش اغير ؟


hamad3983
30/11/2013, 05:00 PM
السلام عليكم ورحمة الله وبركاته ..

سيارتي اف جي 2009
مشت 170000

اكرفها بالبر ووقت الصيد

وش القطع اللي المفروض اغيرها ؟
abo yusef
30/11/2013, 07:10 PM
اذا كانت نظام سير للتايمن اﻻفضل انك تغيره مع فلتر الهو ومور الصيانه العاديه
شحرور الدهنا
03/12/2013, 04:05 PM
لاتحرك وتبلش اللي يخرب غيره مدام موترك ماشي تمام لاتحبرش نصيحة اخ
abarre3an
03/12/2013, 05:08 PM
زي ماقال شحرور...مادام ماشية وامورها زينة...لاتغير بها شين...الا الكفرات اذا تعبانة والفلاتر بس...
بعيدا" عن الموضوع... صيد ايش؟
بيئتنا جفت وقحلت وتصحرت وهجرت وانقرضت او ههدت بالانقراض جميع مافيها من حيوانات وطيور...فالعقل والحكمة يااخوان...تصيد طير يمكن وراه بيض او صغار...تصيد حيوان يمكن وراه صغار...مايصير يااخوان...
قهر كل مااقرأ عن موضوع الصيد...
1824
03/12/2013, 05:23 PM
لاوالله كلام شحرور غلط اهم شيء الصيانة ولا ودك في البر ينقطع السير وتخيس يلا مين يجيك وكيف تسحب السيارة الخ...

الصيانة اهم شيء في السيارة بالتوفيق اخي الكريم
200
03/12/2013, 06:24 PM
لاوالله كلام شحرور غلط اهم شيء الصيانة ولا ودك في البر ينقطع السير وتخيس يلا مين يجيك وكيف تسحب السيارة الخ...

الصيانة اهم شيء في السيارة بالتوفيق اخي الكريم

اسياره وحه وتقنص اكبر غلط لوهي وكاله واصفار من عرفت نفسي واكثر ألي حولي يطلعون 3أو 4 سيارات
وصاحب الموضوع نصيحه لاتغير إلا ألي خربان او تسمع صوت بالركب او الأذرعه يعني شيك عليه الخربان غيره
سيف وقلم
03/12/2013, 06:29 PM
زيت المكينة كل ٥ آلاف.
فلتر الزيت كل ١٠ آلاف.
فلتر الهواء كل ٤٥ ألف.

السيور شيك عليها.

زيت القير التماتيك مع الفلتر كل ٨٠ ألف.
sgl2002
03/12/2013, 06:51 PM
موترك جنزير مافيه سير تيمن يعني مايحتاج تبديل
hightech
03/12/2013, 07:14 PM
زيت المكينة كل 5 آلاف.
فلتر الزيت كل 10 آلاف.
فلتر الهواء كل 45 ألف.

السيور شيك عليها.

زيت القير التماتيك مع الفلتر كل 80 ألف.

كلام سيف وقلم منطقي وواقعي غير كذا لاتحربش ولا تأخذ رأي الورش واصحاب مراكز الميزان

عضيب وطقته بيطلعون اشياء مهيب خربانه وكله علشان يطلعون من وراك شي