والحل مع ربع نيسان 91

[بدوي جنوبي]

السلام عليكم

بهذلنى في التقطيع ،، وغيرت صفايه البنزيم وما فاد

غيرت البنزيم الى 95 خف التقطيع ،، صار احسن من اول

ويصرف بنزيم يشرب شرب مو طبيعي بالرغم ان الكربريتر مغير
أصلى ب 2000 ريال ،،

لكن له تقريبا 3 سنوات ما تنظف اخاف افكه وانظفه يخرب زيادة

[صياد الاحساء]

انا زيك ووديته حق واحد متخصص في الكربريترات وزين اموره فررررررق في الصرفيه والعزم

[San Francisco]

الإبر قافله عندك يبيله تنضيف ولا تغيير

نضفه قبل تغير فيه بخاخ حق كربريتر تلقاه عند قطع الغيار وحده بوحده

[حطاب الشمال]

قبل تفك الكلبليتر

روح الوكاله روح الوكاله روح للوكاله واخذ بويبينه اصليه

وبليتين اصلي يمكن ماتكلفك ٤٠ وبواجي يمكن ٤٠ ريال

رح الى احسن كهربائي تعرفه وخله يركب البويبينه و ويركب البليتن ويوزنه على الشعره

وبعدماتركب البواجي نجي في المهم جدآ جدآ جدآ توزن الديلكو على المسدس الكهربائي

وبعد ماتوزن الديلكو طبعآ في اثنا الوزرن تكون السياره شغاله وبيقولك خلاص ميه باالميه قل لا

وطفي السياره وشغلها وخله يوزن مره ثانيه باالمسدس وبعدها امسك خط وجرب

ولاتنساني من الدعاء سواء اصبت والا اخطيت

[SGL]

السلام عليكم

بهذلنى في التقطيع ،، وغيرت صفايه البنزيم وما فاد

غيرت البنزيم الى 95 خف التقطيع ،، صار احسن من اول

ويصرف بنزيم يشرب شرب مو طبيعي بالرغم ان الكربريتر مغير
أصلى ب 2000 ريال ،،

لكن له تقريبا 3 سنوات ما تنظف اخاف افكه وانظفه يخرب زيادة

وعليكم السلام
آييييييه دنيا مالها آمان هههههه يابدوي جنوبي بعد ماكنت تعلمنا صرنا حنا نعلمك ههههه والله مستحي أرد :D
أخوي بدوي بخصوص الصرفية ركب أبر ألتيما وعيش حياتك أو شوفلك مهندس خطير في كربريتر الباترول وهو يعرف وش يسوي بخصوص التقطيع شيك على المبرد حق الكويل أو وصل سلك في أطراف المبرد من السلك الأول الى السلك الثاني وبعدها جرب موترك شوف التقطيع يختفي

[abu-turki2009]

عليكم السلام
كان عندي نفس مشكلتك تقريباً قبل اربع شهور. وديته لجبريل السوداني ببريده وقال الموتر صافي مافيه شي.وبعد مارحت لحايل وديته لباكستاني(ماعرف أسمه)
بمحل سعود بالصناعيه وقال جبلي طقم اصلاح أصلي.وفكك الكبليتر مسمار مسمار وغسله ببانزين ونشفه ورجع ينظف اجزاء الكبليتر بالبخاخ الخاص به.
ومن يومها الموتر صافي وصرفيته للبانزين طبيعيه..طبعاً الموتر باترول95

[sgl2002]

دام الصرفيه زايده معناه الكربريتر يبخ زياده ويغرق الدنيا بنزين

[بدوي جنوبي]

انا زيك ووديته حق واحد متخصص في الكربريترات وزين اموره فررررررق في الصرفيه والعزم

اعرف الكربريتر اذا انفك ،،يضبط معك فترة ويرجع يخرب اكثر من اول :(




الإبر قافله عندك يبيله تنضيف ولا تغيير

نضفه قبل تغير فيه بخاخ حق كربريتر تلقاه عند قطع الغيار وحده بوحده

كنت بستخدم بخاخ كربريتر اى سي ديلكو ،، لكن اخاف يخرب زيادة


قبل تفك الكلبليتر

روح الوكاله روح الوكاله روح للوكاله واخذ بويبينه اصليه

وبليتين اصلي يمكن ماتكلفك ٤٠ وبواجي يمكن ٤٠ ريال

رح الى احسن كهربائي تعرفه وخله يركب البويبينه و ويركب البليتن ويوزنه على الشعره

وبعدماتركب البواجي نجي في المهم جدآ جدآ جدآ توزن الديلكو على المسدس الكهربائي

وبعد ماتوزن الديلكو طبعآ في اثنا الوزرن تكون السياره شغاله وبيقولك خلاص ميه باالميه قل لا

وطفي السياره وشغلها وخله يوزن مره ثانيه باالمسدس وبعدها امسك خط وجرب

ولاتنساني من الدعاء سواء اصبت والا اخطيت

ان شاء الله اغير القطع بنفسي ،، ووزن الشرارة لازم عند كهربائي لان ما عندى المسدس بجرب نصيحتك
بارك الله فيك والله يوفقك


وعليكم السلام
آييييييه دنيا مالها آمان هههههه يابدوي جنوبي بعد ماكنت تعلمنا صرنا حنا نعلمك ههههه والله مستحي أرد :D
أخوي بدوي بخصوص الصرفية ركب أبر ألتيما وعيش حياتك أو شوفلك مهندس خطير في كربريتر الباترول وهو يعرف وش يسوي بخصوص التقطيع شيك على المبرد حق الكويل أو وصل سلك في أطراف المبرد من السلك الأول الى السلك الثاني وبعدها جرب موترك شوف التقطيع يختفي

:D:D هههههههه

يا طويل العمر كل واحد له حدود ،، بعدين فيه ناس ما شاء الله هنا
فاهمين أكثر منى ،، والله انى اتعلم منهم .

والمعاناة مع النيسان (الكربريتر ) في البرد ،، اما ايام السنه خذ ولد :redcar:

عموما انا ما ابى افك الكربرتير ،، قلت خلنى اسئل امكن القى دواء للعله :good2:


أشكرك وكل من رد فالموضوع

وفقكم الله

[خالد تميم]

شوف اخوي ركب بواجي وابليتين وبوبينه وشيك علي سلك التوصيل للبليتين لايكون ناشف ومتكسرالعزل حقه وبعدها يبين معك هوظبط والا المشكله كربريتر ابداء باالاسهل ومثلك مايعرف،،،،

[sulaiman.fj40]

نصيحه لااحد يلعب بالكربليتر لانه شبه جديد/ رح لساكو واشتر منظف الكربليتر وصبه على ملي التانكي بنزين 95 وامسك فيه خط بحدود 300 كيلو /افحص البواجي واسلاكها وغطا الديلكو والشاكوش والبليتين ( انصحك تركب بليتين الكتروني قيمته 380ريال خاص للنيسان) وشف البليتين والبويبينه وافحص الكويل وغير فلتر البنزين وكذلك نظف تانكي البنزين وبتتسهل امورك ان شاالله.