المساعد الشخصي الرقمي

مشاهدة النسخة كاملة : لغز يقرمش8 جديد...................الحل:الشنب...حله:بلاكوتا


نحيحيل الوادي
02/12/2013, 05:29 PM
ا
لسلام عليكم ورحمة الله وبركاته
عندكم هذا اللغيز الخفيف منزوع الدسم

يقول وعمر السامعين يطول




يا عاشق الالغاز وينك رحت = عجل وغيب لنا رمسه

وش هو وليد مدحدر تحت = من بعد عشنا على لمسه

واليوم مره عوامل نحت = ياقربها حيل من طمسه

ومسى يحارب سوات السحت = حتى غدى وكسفت شمسه

ان رحت سده ذرى ورتحت = ون صرت ضده كثر عمسه

بالتوفيق
ذيب الفقارة
02/12/2013, 06:08 PM
وعليكم السلام ورحمة الله وبركاته

صح لسانك أخي الغالي

نحيحيل الوادي

لغز كايف ورائع مثل روعة صاحبه

نفتتح الرمع :

الذقن ( اللحية )

تحياتي
صقر السديرات
02/12/2013, 07:41 PM
صح لسانك نحيحيل
حقا أنت رائع
يمكن لحح أو شطوب
دمت بخير
ناصر العلي
02/12/2013, 08:39 PM
وعليكم السلام ورحمة الله وبركاته

سلمت ياأبوعزام

وصح لسانك

والظاهر هالمقرمش رقمه 9

لأنك كررت رقم 7 مرتين:good2:

ونحاول بهالمزيون

مايصير

الغبار
قصيمي 9311
02/12/2013, 09:52 PM
وعليكم السلام
صح لسانك لغز جزل
عندي رمعه بس البيت اﻷخير خلاني اتردد فيها
بس ابي افتك منها
مرزام الشماغ كان فوق وبعدين انقلب تحت والبعض قام يطمسه
ابو ماجد 2
02/12/2013, 10:04 PM
صح لسانك ملايين يابو عزام
لغز يطرب
جزل من جزل
ووجودك معنا مكسب يالغالي
سؤال يابو عزام وعادي ان لاتجيب عليه
اسلوبك ليس غريب علي هل كنت معنا سابقا او ممكن جمعنا انا واياك منتدى آخر
على العموم وجودك مكسب كنت قديم اوجديد
لايحضرني مرماع ولي عوده ان شاء الله
النبهاني
02/12/2013, 10:04 PM
وعليكم السلام ورحمة الله وبركاته
صح لسانك اخوي نحيحيل الوادي
ما شاء الله لغز كله دسم وجزل
والدليل الرمعات مختلفات
وهذه وحده بعد مختلفه
بيت الطين
ابوماريا
02/12/2013, 10:19 PM
وعليكم السلام ورحمة الله وبركاته

صح السانك يابوعزام

وبيض الله وجهك على هالابداع

وش رايك بتنور الخبز قديما



https://encrypted-tbn2.gstatic.com/images?q=tbn:ANd9GcS2AspNmgu45okqIiC6ZldlmZ298dg18 3oTAT5Kc2mvSc2jsTpg
نحيحيل الوادي
02/12/2013, 11:00 PM
هلا يا ابو عدنان

صح بدنك يالحبيب

من واليكم كل شي زين

والمعذره على التأخير

والرمعه مالك لوا

هذا ولد مش (صبيه) :D
نحيحيل الوادي
02/12/2013, 11:04 PM
يامرحبا بالغالي

الصقر
صقر السديرات

صح بدنك ومن تحب

والله شهاده اعتز فيها كثيرا

(ولا ادري بعد وش اقول)

والرمعات مالك لوا
نحيحيل الوادي
02/12/2013, 11:10 PM
هلا يا ابو علي

سلم غاليك وجعل الشر ما يجيك

وصح لك البدن واكفاك الله شر الفتن

والله ما تفرق معي 7ولا 9 المهم الفايده

الرمعه مالك لوا
نحيحيل الوادي
02/12/2013, 11:13 PM
هلا والله يالقصيمي وحياك الله ملايين

صح بدنك سنين واعوام مديده

صدقت في ملاحضتك

مالك لوا
ذيب الفقارة
02/12/2013, 11:16 PM
مساء الخيرأخي الغالي

نحيحيل الوادي

مايصير :

الوجه عند البادية

تحياتي
نحيحيل الوادي
02/12/2013, 11:20 PM
هلا وغلا يا ابو ماجد

صح لك البدن وزادك الله من فضايله والمنن

المكسب وجودي معكم

والله يا ابو ماجد ماقد دخلت منتدي آخر

واما اللقاء فانا محلي ماني محترف

ومنزالي مكه المشرفه منذ مبطي

واتشرفت بمعرفة الطيبيبن شروكم

اما سابقا فلا

ودمت
نحيحيل الوادي
02/12/2013, 11:24 PM
هلا بالحبيب راع النبهانيه

حياك وبياك وارخص كل شي واغلاك

صح بدنك ورحم الله ثنين عقبوك

والرمعه مالك لوا
نحيحيل الوادي
02/12/2013, 11:31 PM
يامرحبا يا ابو فايز

حييت الوف وملايين

صح بدنك وبيض الله وجهك يوم الدين


والرمعه مالك لوا

والتنور ما مره عوامل النحت ولا ترتاح سده (وان كان مجازا)
نحيحيل الوادي
02/12/2013, 11:33 PM
مساء النور والسرور يا ابو عدنان

مالك لوا

الوجه ما يمره عوامل النحت
ناصر العلي
02/12/2013, 11:50 PM
طيب ياأبوعزام

مايصير

قلم الرصاص

http://www.tt5.com/files/2010/08/crazy-pencil-sculptures-photos-1.jpg
نحيحيل الوادي
02/12/2013, 11:54 PM
ابدا يا ابو علي

مالك لوا

والضاهر فيه miss understanding

اذا فيه كلمات صعبه اسأل يادكتورنا

انا حاضر
ابو ماجد 2
03/12/2013, 12:32 AM
صح لسانك شاعرنا ومبدعنا
لغز طيب وما تجيب الا الطيب
محاوله
الخندق بالمدينه المنوره
ووليد اي ناشيء
http://travel.maktoob.com/vb/picture.php?albumid=3752&pictureid=115678
نحيحيل الوادي
03/12/2013, 12:35 AM
حياك الله يا ابو ماجد

مالك لوا

الوليد ( تصغير ولد لانه--------)
ناصر العلي
03/12/2013, 12:43 AM
طيب يالغالي

مايصير

البير

والمثل يقول

سرك في بير

وجال البير تمره عوامل النحت من حبال الدلو
نحيحيل الوادي
03/12/2013, 06:21 AM
حياك الله يادكتور

مالك لوا

البير صحيح يمره عوامل تعريه لاتذكر ابدا
اما صاحبنا مسحت به البلاط

والبير لاصرت ضده ما يزيد عماسه

دمت بخير
فهد الهلالي
03/12/2013, 07:01 AM
صح السانك .. نحيحيل الوادي
محاوله
ماهو الماء بالقلبان كان متوفر تطوله بيدك
واليوم قضت عليه المكائن وصار صعب الحصول عليه الا بعد مسافات
وحطوا سدود في كل مكان لجل يتوفر
نحيحيل الوادي
03/12/2013, 07:37 AM
هلا وغلا يا ابو محمد

صح بدنك

والرمعه مالك لوا

الماء ما ينطبق عليه البيت الاخير ابدا

دمي بخير وعلى خيرر
ابوماريا
03/12/2013, 08:14 AM
ويش رايك


بصهريج الماء قديما


https://encrypted-tbn0.gstatic.com/images?q=tbn:ANd9GcSGrVkzyIOrCfNHxwuhNvTthyKliUxJ3 p1rUXwD5colU-Wv1BsF-w

https://encrypted-tbn3.gstatic.com/images?q=tbn:ANd9GcQrJGsk3Kf9mgiplp4B3zXSuZDTdJzIj R0iEcW1LUkVtwTo1CmR
ذيب الفقارة
03/12/2013, 08:15 AM
صباح الخير أخي الغالي

نحيحيل الوادي

مقدما أقول هذا لغز رائع ومدروس جيدا

وعملا بنصيحة أخونا عطري الموجهة له من زعيمنا وفارسنا

أبو ماجد

وحتى لو أنها قريبة من رمعة أبو فايز التي لم يحالفها الحظ

سأقول ما كان يخطر ببالي

دخان الحطب
نحيحيل الوادي
03/12/2013, 08:31 AM
هلا وغلا يا ابو فايز

مالك لوا

صاحبنا وليد صغير وحليل (بس ما هو مره)

والبيت الاخير ما ينطبق كليا
نحيحيل الوادي
03/12/2013, 08:35 AM
صباح الورد والعسل ابو عدنان

الله يبارك فيك

مالك لوا

والدخان ماينطبق البيت الاخير عليه جزئيا

( يا ابو عدنان فخيمة القصايد لي ابيات تسلي بها مع القهوه)
ابو ماجد 2
03/12/2013, 08:41 AM
صباح الخير شاعرنا ومبدعنا
فيه دحل يسمى ابو نخله اندثر ومابقي الا اثر بسيط على وجوده


http://www.mekshat.com/pix/upload02/images89/mk7063_0006.jpg


http://www.mekshat.com/pix/upload02/images89/mk7063_0007.jpg


او ممكن مايسمى قديما بالدباب وهو سرداب تحت الارض يقطع الشارع واذكر سكنا بيت طين موجد فيه والظاهر هو ماانبت فيني الشيب وانا بعمر 13 سنه
والدباب ذكره الله يرحمه العوني في توبته الشهيره
في وسط دباب وحيد لحالي =أظلم ولا أدري وش نهاره وليله
بلاكوتا
03/12/2013, 08:47 AM
السلام عليكم ورحمة الله وبركاته

براسي حلول شاطحات واجد

وشطر هالبيت اللي حيرني (( من بعد عشنا على لمسه ))

وحلولي بطرحها مرة وحدة :D

نقول

مفتاح السياره
او
شعر الراس
او
الشنب

مع إني توقعت حل ذيب الفقاره صح يوم قال اللحيه

والله يقويكم
نحيحيل الوادي
03/12/2013, 06:24 PM
مساء النور والسرور يا ابو ماجد

وحياك الله وبياك

مالك لوا

وفيه صفات لا تنطبق علي الرمعات
ابراهيم عليي
03/12/2013, 06:32 PM
الماء الجوفي
نحيحيل الوادي
03/12/2013, 06:42 PM
="Comic Sans MS"]حياك الله اخونا والمقاتل بلاكوتا

اولا حل ابو عدنان ينطبق 95%

وال5% هي الاهم انا اقول وليد وليس بنيه

مضبوط

طيب الرمعه الاولى مفتاح السياره خالف قولي (مدحدر تحت يعني في نقص) والسيرات تزود

الثانيه شعر الراس يحتفل به واصبحو يطولونه ويحطون له بكلات بعد:D

الثالثه وهي الاهم
الشنب

الشنب

هو الحل الصحيح

فالناس كانت تطول الشوارب( يقولون طويلين الشوارب--عكفان الشوارب)
وكانت يديهم ما تنزل عنها

واليوم المكينه على الذمه رقم واحد وشوي 00000000

والبيت الاخير

من اول لا قال الرجال في سد شنبي ( يعني ارقد هودج) العلم تام تام

ون صرت ضده في خصومه الله يعين ويساعد

كفووووووووووووو كفوووووووووووووو كفووووووووووووو

اخونا والمبدع القادم بلاكووووووووووووو
وووتا

وبيض الله وجهك ملايين[/CENTER]
ابوعايد11
03/12/2013, 06:46 PM
صح لساااانك يانحيحيل الواادي ولغز كايف بيض اللهوجهك

وصح لساااااانك اخوي بلاكوتاااااااا
نحيحيل الوادي
03/12/2013, 07:01 PM
حياك الله اخونا ابراهيم

مرحبا هيل عداد السيل

والحل عند بلاكوتا القاتل
ذيب الفقارة
03/12/2013, 07:06 PM
كفوووووووووووووو كفوووووووووووووووووو كفوووووووووووووو

أخي الغالي

بلاكوتا

الحل

الشنب

وصح لسانك ملايين أخي الغالي

نحيحيل الوادي

تحياتي
بلاكوتا
04/12/2013, 09:56 PM
كفوكم الطيب جميع سلمتو وماقصرتو

تصدقون مادريت إني حال اللغز دخلت وقاعد أقلب بالألغاز الجديده

وأستغربت من رافع اللغز القديم مادريت إني حليت لغز ثاني :D

اللهم لك الحمد

صراحه وناسه :D