المساعد الشخصي الرقمي

مشاهدة النسخة كاملة : VTC 2004 تفتفة ببداية التشغيل لمدة 3 دقايق بعدين تروح مع دخان ابيض بالوقوف مع الدعس


abarre3an
02/12/2013, 05:58 PM
اطيب تحية للجميع...

1.
VTC 2004 تفتفة ببداية التشغيل لمدة 3 دقايق بعدين تروح مع دخان ابيض بالوقوف مع الدعس...
طبعا" ازيد ماء كل 3 ايام (لترين تقريبا")او اذا ارتفعت للربع الحرارة لأنه للأسف الماء ينقص...للعلم...جهاز او وحدة التبريد كاملة سليمة وكالة بكل قطعها وخراطيشها... بس الماء يقضي يمكن يروح تهريب للمكينة...لأنه يطلع فقاعات اذا امتلأت القربة (بجانب البطارية) عندما اعبي لها ماء... للعلم ايضا" الماء يطلع للقربة ويفرغ برا شوي شوي اثناء المشي... وزيادة اذا اسرعت وطولت بالخط فوق ال150كم/س ومستمر ل300 كيو...لأنه بعد المشاوير اشوف ماء اخضر اسفل الرفرف...الايسر...


2. الشكمان يرمي اذا ارخيت البانزين (بعد ماركبت قزوز جديد)...ادري انه من الشكمان الوسطي بس وين احصل دبة وسطية جديدة ...الحمراني قفلوها بوجيهنا للأسف مع قلة المحلات للنيسان الاصلي...او مستعمل سليم...

3. اسافر عليه بالشهر مرتين او ثلاث مرات للشمال (وكل مرة اجلس 2 او 3 ايام )قاطعا" تقريبا" 2000 كيلو...ومتعود كل مرة اسافر بمنتصف الطريق اوقف واعبي حول لترين او اكثر ماء اخضر ابو 25 ريال ...وامشي 120 الى 140كم/س
والمكيف شغال تمام...

4. يوجد نقص تقريبا" ثلاث ارباع سوبر جيتي بلاستك...فقط اثناء السفر الطويل...

5. قبل سنتين الى الان طلع عندي وانا ماسك طريق صوت خفيف مثل الماطور...وقفت...مافيه اي شيء...بس صوت المكينة صار تكتكة (99% مشابه بصوت محركات الديزل)...والى الان الامور زينة...ولله الحمد...سبق وكتبت عن المشكلة هذي هنا...بس الحين صار نقص ماء كثير

طبعا" ادري انه الشيء هذا خطير على السيارة...بس المادية صعبة...

السالفه هذي صار لها حول السنة الى الان...:(

الحين ودي اضبط السيارة...

بالموقع الرياض...
مقدرا" وشاكرا" ردكم ومشورتكم ونصايحكم بارك الله فيكم...
شاق النفد
02/12/2013, 06:46 PM
وانا اخوك ان كان الحرارة مع السرعة
فاعرف انه راس المكينة فيه تنسيم والدليل الفقاعات والماء الللي يطلع من القربة
والله يعيننا وياك وكل مسلم
فتك08
02/12/2013, 07:23 PM
عندك وجه الراس او الراس لكن حبة حبة بالاخف تبدا

هل سبق الموتر جاه حرارة؟اذا جايه حرارة و المشكلة طلعت بعدها فتاكد من الوجيه

تاكد مافيه تهريب ما من اي مكان اخر اما جهة البلف او ليات و خراطيش تنزل على

قزوز او اي جزء حار و تتبخر ماتصل للارض لان يمكن تكون جلد بلوف و تهريب

ما متزامنين مع بعض و يفسرونه لك الميكانيكيين بانه راس او وجه مباشرة
abarre3an
02/12/2013, 08:02 PM
بارك الله فيكم...
الحقيقة اني داري ان المشكلة بالمكينة...

الحين وش افضل ورشة لفك مكينة الفتك...لأني بسنة 2009 سمعت صوت طقة وانا ماشي بالخط...وطفت السيارة...وبعد ماوقفت...شيكت عليها...مالقيت شي واضح...بعد ساعة شغلت ومشيت بس كان فيه صوت شوي بالمكينة...كانه خرفشة...المهم...بعد 10 كيلو ارتفعت الحرارة وانشق الاديتر...


المهم سطحتها للورشة...وفكوا المكينة بحوالي ال2000 ريال...مع تغيير الوجيه...بس صار بها تفتفة قوية ...وخرب الشكمان وتشقشق...وتحسبت عليهم...
وبعد شهرين من المعاناة وصرفية بانزين... وفحص كمبوتر وتغيير الفلاتر والصفاية والخراطيش وتصفية...وتشييك وفحوصات كثيرة بس للأسف بدون حل التفتفة باقية...المهم اخيرا" قلت مالي الا افك المكينة...وفعلا" فكيناها عند ورشة ثانية ولقوا اشياء متكسرة وخربانة ناسي وشي بس المهم كلفتني قطع خيار داخل المكينة يمكن سبايك وغيرها حول ال4000 ريال + شغل يد 5000 ريال...وضبط بعدها 100%

بس الحين مثل ماقت ليش خربت المكينة مرة ثانية هل هو عادي...مع اني مااتعبه ومشاويري سهلة ومااسرع كثير وبالبر حذر...هل هو عادي او فعلا" شغل الورشة ماهو ضابط...؟

6. فيه قرة بالقير بالخامس صار لها حول السنة...وماشي عادي جدا" والحين شوي فيه قرة بالرابع بس قليل جدا"...تتوقعون وش المشكلة...للعلم...الترس الرابع منفرط او مطحون... من سنة 2009 ...بس تركته الى اليوم لأنه ماشي...مع وجود صفير دائم (صوته مقبول) اقصد انه صوت مع الدعس جميل الحقيقة...
سبب خراب القير...جهل مني لأني غيرت القير بعد ماشاورني بنشري وش رايك تغير زيت القير...قلت بكم قال ب35 ريال...قلت له غير...وبعدها بكم شهر...انطحن الترس الرابع...طبعا" تحليل من عندي...والله اعلم...

الحين...انا شريت وجيه ل900 ريال...بس باقي القى ورشة تضبط الشغل بذمة...

السيارة مرتاح معها كثير..واشوف انها الافضل بالخط والبر والطعوس والسفر...اريح بكثير من غيرها بالعزم وخصوصا" بالتطعيس والبر ...

اتشرف بتعليقكم ومشورتكم بارك الله فيكم...
ابوسند9
02/12/2013, 08:30 PM
وعليكم السلام
الدخان الابيض ممكن عندك بالف التبخير غيره ب 50 ريال وجرب وهو قطعه استهلاكيه
وبرضو فيه حاجه مهمه تسبب التفتفه وهو خرطوش القربه الكبير فكه وتفقده جيدااا لانه لو فيه مخز ابره يسبب تفتفه
اما بالنسبه للنقص
فا انصحك انك تسيخ الاديتر لاني اتوقع ان الاديتر عندك مسكر من الاملاح وغيره وبرضو بعد التسييخ خلي المحل يفحص الاديتر بالهواء والماء , وبرضو دامك فكيت الاديتر فك طرمبة المويه وشيك عليها ممكن الريش عندك تعبانه
والنقص ممكن عندك تنسيم بالاديتر ويكون صغير جداااا وما تشوف اثر تهريب لانه مع الحراره يتبخر وبرضو شوف فيه ليات مويه صغيره فوق السلف شيك عليها لايكون التهريب منها
لذا انا اعرف الفتك جيداا ايش يحتاج
يحتاج الاتي
طبله اديتر اسفل واعلى ب 500 ريال
بلف حراره ب 70 ريال
عدد 2 اغطيه واحد للقربه اللي بجانب البطاريه والاخر للاديتر لكن بشرط نفس الرقم واصلي
تسييخ ب 120 ريال
اما الرمي فا احتمال عندك احد الدبات فيها تنسيم او فيه احد وجيه المواسير تنسيم برضو, وعلى العموم لايوجد ضرر
اما نقص المكينه فا انصحك ب زيت التر سفن والنقص بالنسبه للفتك ما عندك مشكله اهم شي الزيت يكون بين الخطين ولاتعايره اللى الصبح
الشي الاخر انت تقول فيه اثر تهريب من عند الرفرف الايسر ,اذا انت تقصد الرفرف اللي امام السائق فهذا شي طبيعي لان مع الحراره يخرج الماء من القربه اللي بجانب البطاريه ويذهب للقربه اللي امام السائق وهذي تسمى قربة الزائد ولما تبرد السياره يرجع الماء منها الى القربه اللي بجانب البطاريه والعكس مع الحراره
اما اذا قصدك التهريب من جهة البطاريه فشيك على مصدر التهريب من وين
وبالنسبه للصوت فهذا صوت احد وردات البلوف تحتاج تغيير وما منها ضرر ابدا وتكلفك 250 ريال ولا حد يقول تحتاج وزن بلوف لان الفتك ماله وزن بلوف
اخير ا نويت تسيخ الاديتر فك مسمار تنسيم الهواء وعبى المويه مع القربه اللي عند البطاريه وليس مع الاديتر حتى تضمن خروج الهواء كاملا من المكينه
لكن اخوي با النسبه لفك مكينة الفتك للعلم مو اي واحد يفك المكينه لازم تروح لواحد متخصص با الفتك وشغل اليد ب 5000 ريال غالي جدااااااا جدا لان ابو خالد الخضير ببريده يوضبها كامله ب 7000 ريال والقطع من عنده
وا ما قرة القير هذي من صفرة القير واحذر مره اخرى تغير زيت قير او دبل او دفرنسات اذا فيه نقص بسيط افضل والزياده تضر الصوف
لذا انا اقول لو تغير ما ذكرت لك اعلاه واللي سبق وغيرته لا تغير لكن لازم تسيخ وتكشف على الاديتر
ولو لك زرقه للقصيم مر على ابو خالد افضل لك
واي خدمة حاضرين
الحربي 591
02/12/2013, 08:51 PM
اذا الشكمان يرمي

اعتقد من البلوف او التكايات
مهند 2009
02/12/2013, 09:01 PM
الله يعوضك بالخير ياراعي الموضوع

وانت ابدا بالمكينة الان والقير يلحق بعدين تضبطة

وأتوقع ان مشكلتك بوجة الراس وعلى دربك طرمبة الماء لكن أبدا بالاسهل والله ييسر لنا ولك
abarre3an
02/12/2013, 10:03 PM
يامال العافية جميعا"...بارك الله فيكم...ابشوف قريبا" جدا" ورشة وان شاء الله يضبط وابكتب هنا وش عملت للفائدة...

لي عودة...
اكرر شكري وتقديري لكم جميعا"...
فتك08
02/12/2013, 11:15 PM
بالنسبة لصوت الصفير هذا عادي و موجود معي بالفتك

اجل نصيحتي لك مثل ابوسند رح لابوخالد الخضير

توني موظب موتري عنده نص توضيب

الرجال يشتغل بالفتكات و نصوح يخاف الله ماهو مثل بعض الناس اللي يكلمك بطرف

خشمه و لابه حتى شغل زين
فارس شمال
03/12/2013, 07:43 PM
انا صارت معي حركه بالباثفاندر اول ماشريته

بدال ماحط له 4 علب زيت عبيته 6 قام الموتر يدخن ويتفتف ويصرف بنزين بالهبل

وديته لورشة ثنيان قالي بلف التبخير سحب الزيت وطلعه على الثلاجه
وسوى التقطيعه مع الصرفية

طبعا استمرت التقطيعه لمده اسبوع يعد وزنية الزيت وراحت

فشيك على بلف التبخير يمكن يكون فيه مشكلة
شاق النفد
03/12/2013, 09:01 PM
لاتخاف من قرة الرابع تراها في كل النيسان
كان عندنا ددسن 2009 شارينه وكالة ويقر ب4