غلاء المعروض

[المهمري]

اخوتي اعضاء مكشات
الاحظ في المعروض في هذا المنتدى زيادة في الاسعار وربما يصاب المشتري بالغرر
مثلا تجد قدر سب قديم ب350 ريال وهو جديد ب450
بينما لا تتجاوز قيمته في حراج بن قاسم 180 ريال
ادعوكم الى الرحمة فيما بيننا والله الموفق

[ابوعدي]

اخوي انا محصل دله كوريه عسافيه ستيل بحايل مستعمله عند حقين الرب
ب40 واخذته ب35 ريال وتلقاها بالمنتديات فوق الميه ريال
لكن بعض الناس مثلاً يقول وش ويديني لحايل مشوار بعيد افرق مبلغ طيب للمعروض وعندي بدون ما اتعنى
وعلى هالقياس وبعضهم ما يحب يروح يدور في الحراج وزحمات وامكن يلقى وامكن لا يقول ادفع وانا مرتاح
على العموم السالفه ترجع للمشتري وركز على المشتري لأنه هو المتحكم بالسلعه المعروضه وليس البايع

[تالي الوادي]

لاأشك أخي الكريم أن قصدك الخير في موضوعك هذا
ولكن مع إحترامي لشخصك الكريم .. من كثر مايطلع كل شوي واحد ويكتب في هالمواضيع .. صرنا نشعر بالغثيان !!
وللأسف أكثر بل أغلب مايذكر من هذا الكلام ليس عليه أدله !

واسمح لي أخي الكريم .. وش نوع القدر السب الي تقول ب 450 ؟ وماحجمه ؟! وإيش مواصفاته ؟!!

أما بالنسبة لكلامك عن حراج بن قاسم ، فأنا من فترة ليست ببعيده كنت أتردد على الحراج أدور لواحد من الإخوة قدر مستخدم نظيف !
وماأقول لك مالقيت .. لقيت ولكن مكروفات كرف الويل ويقول ال 6 لتر ب 180 !
وال 8 لتر ب 200 .
نعم قد يكون هناك بعض الإستغفال أو المبالغة من البعض ، ولكن ذلك قليل جدآ .
وأحينآ المشتري ذاته يعلم أن تلك السلعة غالية ، ولكن لرغبته فيها يزاود حتى لو كان سعرها مبالغ فيه !

[نفوذ الصمان]

السلام عليكم
جزاك الله خير
على حرصك يالمهمري
ودنا انك صورت
اللي تقول في حراج بن قاسم الكاتم
ابو ١٨٠ ريال كيف شكله وكم لتر
لتعم الفائدة على الجميع
اما تكتب موضوع بدون إثبات او دليل
فهذا حرام ووزر عليك يوم القيامه
وكل شوي يطلع واحد
يضرب المنتدى ويشكك بالاعضاء
فهذا غير مقبول نهائيا
منك ومن غيرك
والرجاء يالمهمري عدم كتابة
مواضيع بهذه الصوره الا بالدليل
تقول وجدت في الموضوع الفلاني كاتم
بهذا السعر وتضع رابط الموضوع
ووجدت بالحراج بهذا السعر وتضع الصوره

وفقك الله لما تحبه وترضاه

[عاشق القصيد]

المشتري خصيم نفسه
البايع اذا عرف انه فيه ناس راح تدفع مبلغ خيالي له ليش يحد السعر
راح يقول على السوم وعلى كيذا راح يبدا مهرجان رفع الاسعار حتى يصل الى مبلغ خورافي
ولكن بعض الباعه جزاهم الله خير قنوع في بيعه من دون مبالغه في ذلك

[عجيبان]

قال علية الصلاة و السلام (رحم الله عبداً سمحاً إذا باع، سمحاً إذا اشترى، سمحاً إذا اقتضى). فالسماحة في البيع والشراء هدي نبوي تربوي فيه خير كثير

[احسن الظن]

سبحان الله وبحمده سبحان الله العظيم

[كوكب منير]

:s
السلام عليكم ورحمة الله وبركاته:s
:lأخي المهمري جزاك الله خير:l
:fإخواني المكشاتيه:f
:r الأخ المهمري جزاه الله خيرمن خلال استدلاله برخص الأسعار في محلات أخرى يطلب من الباعه في مكشات أن يراعو إخوانهم فلا يكون الربح فاحش أو البيع مسحت للشاري فيجد الغمط والغمض فيما شراه وطلب الرفق واللين والسماحه في البيع والشراء مطلب بين المسلمين:r
:sأخي المهمري جزاك الله عنا خير الجزاء ونشكر من شارك وقصده حرص على نزاهة إخوانه من الباعه في مكشات:s
:sكما يشرفني قبول التحية من الجميع:s
:sأخوكم كوكب منير:s

[طير جراح]

كلامك صحيح والمفروض تكون هنا أرخص من السوق لأنه لا أجار ولا رخصة محل إلخ ...

[منكفخ]

مع احترامي لصاحب الموضوع ..

اختلف معك .. الحمد لله الامور متيسرة .. يعني هنا مافيه احتكار للسلع .. اللي يجوز لك تشريه واللي ما يجوز لك بكيفه ;)

[nouaf]

السلام عليكم ورحمه الله وبركاته
الله المستعان لا اله الا الله استغفرك اللهم و اتوب اليك

[احدايه واحدلا]

السلام عليكم انا مع كاتب الموضوع والدليل عندك تلفزيون البر (السات بوكس) شف كم يبي فيه ) انا مستعد اعطيه على سعره جديد الف ريال

[مجالس الرجال]

وبرضه فيه ناس تاخذ من وكيل ويبيع اهنا بفارق ٢٠٠ ريال طمع
ومستعد اثبت بس ماودي بالإحراج لأن اللي يبي يدرعم ويشتري من هالاشكال
حقه وما جاه الواحد لازم يبحث ويسعر

[نفوذ الصمان]

وبرضه فيه ناس تاخذ من وكيل ويبيع اهنا بفارق 200 ريال طمع
ومستعد اثبت بس ماودي بالإحراج لأن اللي يبي يدرعم ويشتري من هالاشكال
حقه وما جاه الواحد لازم يبحث ويسعر


السلام عليكم
اخي الفاضل مجالس الرجال
اذا كنت صادق اثبت ذالك وجيب الدليل
واتحداك امام الملأ تثبت صحة كلامك
واذا ما ثبت ذالك بالدليل
فكلامك كذب وافتراء على الاعضاء
ولاتقول ماودي بالاحراج
واذا على قولتك ماودك بالاحراج ليش
بالاساس كتب الرد وشوشت على الاعضاء والزوار
ارجو الرد
موفق خير

[أبو نادر.]

الاسعار بالمنتدي مبالغ فيها
وفيه استغلال للمشتري برفع السعر

المفروض الاسعار بالمنتدي تكون مناسبه جدا وفيه متناول الجميع

[مجالس الرجال]

السلام عليكم
اخي الفاضل مجالس الرجال
اذا كنت صادق اثبت ذالك وجيب الدليل
واتحداك امام الملأ تثبت صحة كلامك
واذا ما ثبت ذالك بالدليل
فكلامك كذب وافتراء على الاعضاء
ولاتقول ماودي بالاحراج
واذا على قولتك ماودك بالاحراج ليش
بالاساس كتب الرد وشوشت على الاعضاء والزوار
ارجو الرد
موفق خير
انا ردي وتنبيهي يوم اقول لازم الواحد يسأل ويبحث عشان مايجي زي ردك الله يصلحك
واقسم بالله العظيم ان ماقلته عن فارق السعر حقيقة
والبضاعة معروضه بهذا القسم
ومن حلف له بالله فليرضى
واياك والأسلوب غير اللائق
تكذبني وانت لا تملك دليلا يثبت عكس كلامي

[الضرغامي]

سامحك الله يا اخي على هذا الموضوع.
انت وش يعرفك بالنادر اللي ما مثله بهالدنيا شي.
^^^
رد لازم يجيك.
موضوع وانا اخوك اشبع من الطرح ولا حياة لمن تنادي.
على سبيل المثال وانا ما اقصد احد. انـــــا ما اقصد احد.
اجيك وانا اخوك اعرض لي طقم اباريق كوريه ب ١٠٠. وهو في السوق ب ٥٠. ولو احد قال ليه سعرك غالي اقول حلالي وانا حر ولو محد قال, ليه غالي وانا مرفق مع الموضوع كلام التبهير النادر اللي ما مثله بيجي شخص يجهل في السلعه وبيشتريها لان الانسان صدقني من كلامي وانا مع الاسف ما بينت له الحقيقه بحكم ان عقله في راسه انا ما اجبرته. مع العلم اني لو بشتري نفس السلعه من اي عضو بطلع فيها عيوب الدنيا.

السماحه زينه والبيع على بينه مافيه ازين منه

[رسلان الوايلي]

يربع الموضوع مايستهل ها الكلام
والي يبي يشتري يشوف بعينه والي بيضحك على الناس مايضيع عند الله شي

[خليل909]

على قولت المثل كلن عقله براسه ويعرف خلاصه المسأله ماهي مسألة استغفال كلن يعرف الاسعار ومحد يجهلها ولاكن ابي اجيب لك مثال يخلي الناس تدفع فرق سعر غالي شوي من وجهة نظري الحين فيه شغلات على سبيل المثال موجوده بالرياض بسعر 50ريال طيب وانا رجال ساكن بالشمال ولاعندي نية اني اسافر الرياض معقوله اتعنى علشان الشغله هذي بينما لو لقيتها بالمنتدى معروضه ب150ريال شف دبل سعرها مرتين وانا محتاجها ادفع الفرق واخلي صاحبها يرسلها لي عن طريق زاجل ب10ريال وريحت راسي بحلالي الي ابي ابين لك ان فيه حاجات توجد في بعض المدن ومتوفره ولاتحصلها في مدن ثانيه وانا شخصياً شريت قطعه من النت بقيمة 70ريال وهي اساساً سعرها 25ريال لاكن ماهي متوفره عندنا ومحتاجها ودفعت فوق سعرها . هذي وجهة نظري في الموضوع وبعدين الاسعار من محل لمحل تختلف فمابالك بالمنتدى الي يشاهده الاف الاشخاص قبل كم يوم شريت ابريق غضار اندونيسي من السيف بمبلغ 28ريال وجنبه محل تجهيزات البر والمكاشيت يبيعونه ب45ريال نفس البريق والمحلات مابينهن مسافه على نفس الشارع خلاصة الموضوع شي جاز لك سعره خذه وشي تشوف سعره غالي يمكن غيرك محتاجه ويدفع فيه وكلن يبيع ويشري بالي يخارجه

[الاكسجين]

[SIZE="5"]السلام عليكم ورحمة الله وبركاته
اخوي المهمري
من ناحيه موضوعك صحيح مئة في المئة ان فيه اشياء في المنتدي مرتفع سعرها وكن كل ياخذ الشئ الذي يحتاجه
وكلامك عن قدور الضغط اما المستعمل في حدود السعر هذا الي 250 مستعمل وعليه بعض التغييرات اما الجديد الله اعلم كم سعره علي حسب النوع والصناعة والمقاس منها الالماني والسب والسيف وغيرها وكل يختلف سعره حسب الصناعة والرغبه في النهاية هي الحكم في الشراء

[السيف الحدب]

لم يسبق لي ان عرضت سلع للبيع لكن بديهيا وطبيعي اذا اسلعه تحت المزاد والطلب عالي على السلعه فان صاحب السلعه سينتضر لحين يقف الطلب على اعلى سعر ومن الغباء ان يبيع وهو يعرف انه سوف ياتي من يزود على القيمه ....
باختصار الكلام السوق عرض وطلب والرزق على الله

[أبو راشد505]

للي قال غالي..صدق

والي قال ماهوب غالي..صدق

بس تبقى القلوب نظيفة..


-----------
شخصيا وجدت قطع في المنتدى سعرها مرتفع عن السوق..
تركتها ورحت للسوق..

هالحين محلات المكاشيت العزب والفرش سعرها أغلى من محلات التفصيل والخيام..

الواحد في الشراء يتريث..
ومن الغباء إنه يشتري شي ما يحتاجه..
مثل ما قيل..
أسوء جودة..جودة لا تحتاج إليها

[أبو راشد505]

أحبكم كلكم..

يا الله جمع الجنة..

[المهمري]

جزاكم الله خير ياشباب جميع من شارك بالاخص من امر يالمعروف ولم يكن للهوى اثر في رده
اما من طلب الدليل فليس من الحكمة ان ناتي بالدليل ونشرشح بعض الاعضاء000خلونا حبايب