عندي مشكله في رمي السناره

[alqanis]

السلام عليكم ورحمة الله وبركاته
كيف حالكم يالطيبين
عندي مشكله في رمي السناره إذا رميتها ما تتجه بشكل مستقيم للأمام ... ترتفع في السماء
وبعض الأحيان تتجه لناحية اليمين .
ياليت من لديه خبره يفيدني بارك الله في الجميع

[Octopus]

وعليكم السلام ورحمة الله وبركاته
الله يسلمك ويحفظك
المشكلة اما في وقت افلات اصبعك من الخيط
او ان يكون الهوا جاي عكس رميتك
حاول اكثر من مرة خلي رميتك مباشرة للبحر
وانه لا يكون فيه هوا

[وضاح القمر]

مثل ماقال لك (اوكتوبوس).. توقيت فك إصبعك عن الخيط.. أوفيما يبدو لي أنه فيه تيار بحري يسحب الخيط نحو اليمين

جرب تغير مكانك.. ربما يكون المكان اللي أنت فيه موجود فيه تيار قوي يسحب الخيط. وإذا مازالت المشكلة موجودة.. فمعناه توقيت فك إصبعك

[سعدالباشا]

وعليكم السلام ورحمة الله وبركاته
والله اخوي
الاخوان ماقصرو
وهذا مقطع باليوتيوب بالبطئ لرمي القصبة
4TMdnTm3_EU
بالتوفيق ان شاء الله

[NOBL3]

اخوي .. الرمي البعيد يعتمد على عوامل كثيرة ، وانا بصراحة مثلك مبتدئ في الرمي
لكن بأسرد لك بعض النقاط اللي لو طبقتها راح تتحسن في الرمي ان شاء الله

- حاول الهوا يكون في ظهرك
- استخدم خيط قليل السماكة في الماكينة ، كل ما قلت السماكة زادت انسيابية الخيط في الخروج من الماكينة
- خيطك لازم تغسله بماي حلو بعد كل طلعة ، والا بتطقه الملوحة ويبس وتقل مرونته
- لا تركب بلد اكبر من ٢ خاصة على الشاطي ، كل ماكبر البلد يأثر عالخيط والسنارة وتصير رميتك بطيئة
- كل مازاد طول السنارة كل ما كان افضل انك تتأخر في رفع اصبعك عن الخيط والعكس صحيح
- بعد ما تفك اصبعك مباشرة استمر في خفض السنارة لين تصير ممدودة أمامك بشكل مستقيم عالساعة ٩
- يفضل انك تفك اصبعك اثناء الرمي لما يصير اتجاه سنارتك على ١٠.٣٠
- الخيط النازل من راس السنارة مع الترديعة لازم ما يتجاوز طولهم نصف طول السنارة
- اختار مكان واسع وثبت نفسك وارفع ذراعيك واقبض السنارة زين وخل راسها وراك بإتجاه الساعة ٢.٣٠
- وختاماً .. اشششخط بأقوى ما عندك ، خلك شنب :D

وفالك ان شاء الله تشوف مكينتك صلعاء كل خيطها طالع :)

[alqanis]

اخواني
Octopus
وضاح القمر
سعدالباشا
NOBL3
بيض الله وجيهكم كلكم ماقصرت وراح اجرب إن شاء الله

[accentkool]

ارميها من فوق راسك لاترميها على الجنب
واذا تبيها تروح بعيدة لاتطلق الخيط من اصبعك
الا لما تكون القصبة سيدة مايلة للاعلى شوي

[alqanis]

الأخ
accentkool
مشكور على النصيحه بارك الله فيك