استفسار عن طرابزون أفيدوني لو تكرمتم

[رذاذ الحلم]

السلام عليكم ورحمة الله وبركاته
بإذن الله ناوي السفر على طرابزون
أتمنمى ممن لديه الخبرة يفيدني عن بعض الأمور وهي:
1- ماهي اسهل وسيلة للسفر لطرابزون من الرياض هل استخدام مطار اتاتورك أم صبيحه علما اني لا ارغب النزول لداخل اسطنبول يعني من المطار على طول وكيف احجز لطرابزون داخليا
2- ماهي الأماكنت والمدن اللي ممكن أتنقل لها وأسكن لها لأن عندي 9ليالي ومالي رغبه اقضيها كلها في طرابزون
3- الفنادق الممتازة في وخارج طرابزون
4- وسيلة التنقل هل استأجر سيارة أم اتنقل عبر الباص

الله يسعدكم أفيدوني بكل ماتستطيعون وماراح انساكم من الدعوات

[الليبيري]

السلام عليكم ورحمه الله وبركاته
أخوي رذاذ الحلم
الله يسهل لك أمرك اول شي والشي موفق برحلتك مع العلم ان الجو الآن بارد جداً في طرابزون ومناطق القريبه منها لانها علي حدود جورجيا وتمتاز بالهدوء وقلت السكان والثلوج مع العلم ان الثلج حتي في الصيف موجود
أولا أنصحك تروح علي الخطوط التركية من الرياض الي تركيا لأنك راح تأخذ خصم ٥٠/علي الطياران الداخلي
والي اعرفه ان الطيران التركي الآن مسوي خصومات مره حلوه ،بعدين استخدم مطار اتاتورك لانه الأحدث والأكبر
واذا حجزت علي الخطوط التركية من الرياض الي إسطنبول تقدر تسوي حجز بعد من نفس المكتب طيران داخلي من إسطنبول الي طرابزون والي اعرفه ان كل ساعتين في طياره في وقت الصيف الحين مو متأكد وعلي فكره الطيران الداخلي بتركيا في عده خطوط وتقدر تحجز بعد من نفس المطار
انا زرت طرابزون من سنه مره حلوه وممتعه بالصيف
افضل لك تقضي بها ليله لان طرابزون ما فيها شي كثير حلو ويحجز سياره من نفس المطار وعلي فكره الديزل غالي عندهم ،وبعدها اطلع الي أوزنجول مره حلوه والسكن متوفر وتبعد عن المطار ١٠٠ كيلو وهي منطقه بحيرات
وانهار وثلوج وشلالات وفيها فنادق عباره عن أكواخ مره حلوه والسكن مو غالي ومع الإفطار تقريبا ١٥٠ ريال
بس تفتقر الي الأسواق وسينما
وهي منطقت استجمام
واذا تبي اي شي انا بالخدمة راسلني علي الخاص
واهم شي الصلاه الله يوفقك ،

[قطب 999]

اذا رحلتك الى مطار اتاتورك اطلع لطربزون منه اما اذا بتنزل صبيحه واصل منه لان المسافه بعيده بين المطارين وتستطيع ان تحجز رحله داخليه من ضمن الحجز الدولي اذا كنت طالع على التركيه
وعندك الطريق من طربزون المحاذي للساحل تخلي البحر الاسود على يمينك تجيك اماكن جلسات ومطاعم واستراحات حتى تصل لمدينة سامسون وعندك اوزنقول وايدر ولا تنسى تحضر معاك قارمن النوعيات الجديده 3597 وتكون خريطة تركيا محمله فيه لو تمشي بطريق ترابي يبين في الشاشه واستئجار سياره لابد منه وفيه فندق نوفوتيل ممتاز 4 نجوم وبالسلامه

[فهد المنيع]

يا هلا فيك

التوقيت بيكون هناك برد وثلج في الشمال التركي فما راح تستمتع بالطبيعة مثل الصيف

عموماً بخصوص استفساراتك :

1- ماهي اسهل وسيلة للسفر لطرابزون من الرياض هل استخدام مطار اتاتورك أم صبيحه علما اني لا ارغب النزول لداخل اسطنبول يعني من المطار على طول وكيف احجز لطرابزون داخليا
كلها واحد بتنزل فيها وتطلع بالطيران الداخلي مباشرة لطرابزون لكن انصحك بمطار صبيحة لانه اقل زحمه وتخلص الاجراءات بسرعة . والحجز الداخلي عن طريق عدة خطوط افضلها 1-التركية ، 2-بيجاسوس ، 3-اونوير وكلها لها مواقع في النت تقدر تحجز عن طريقها .
2- ماهي الأماكنت والمدن اللي ممكن أتنقل لها وأسكن لها لأن عندي 9ليالي ومالي رغبه اقضيها كلها في طرابزون
طرابزون - اوزنجول - ايدر
3- الفنادق الممتازة في وخارج طرابزون
طرابزون فيها النوفيتيل جيد وقريب من المطار وفي اوزنجول فنادق كثيرة ممكن تشوفها بنفسك افضل
4- وسيلة التنقل هل استأجر سيارة أم اتنقل عبر الباص
استأجر سيارة من مطار طرابزون افضل لك وخذ معاك قارمن


موفق