ارتفاع حرارة قير السييرا

[ابو داحم999]

السلام عليكم ورحمة الله وبركاته

بغيت استفسر منكم انا غلطت وغيرت زيت القير وركبت زيت ماهو زيت الوكالة

وصار بالنفود ترتفع حرارة القير الى 100

طبعا السيارة سييرا 2009

ومابعد كمل 15 الف ممشى من تغيير زيت القير

ابي استشير ارجع اغير الزيت بزيت الوكالة ولا اخليه وانا ناوي اركب مبرد هايدن

لان حتى بالزفلت توصل الحرارة 85 للقير هل هالشي طبيعي ولا انا اتوهم المهم اني صرت شايل هموم هالحرارة



ابي الافادة منكم وماخاب من استشار اهل الخبرة

والسلام عليكم

[بدوي جنوبي]

عليكم السلام
تأكد في الكتلوج الى حد كم يتحمل القير ؟؟

[ابو داحم999]

اخوي جنوبي هو درجة الغليان 120

لاكن اذا وصل درجة الحرارة 90 يبداء يضعف اداء الموتر بالتعشيق

[كلاش2500]

اتوقع عالية جدا لان اذا ارتفع الى 100 يعنى الزيت يغلى....هذا اذا كان درجة الحرارة بالمئوى.....اما بالسليسيوز =212 درجة الغليان......اتوقع الزيت اللى انت حطيته ماهو بالجودة المطلوبة ...نصيحتى ارجع لزيت الوكالة ولا ترى القير ماراح يعمر معاك....حسب علمى درجة حرارة القير الطبيعية بين 77 و85 وفى حالة ارتفعت حرارة القير الى 100 بالتطعيس مثلا يجب عليك التوقف وفتح الكبوت حتى تبرد السيارة ويبرد معها القير...في ناس يركبون مبرد للقير اكبر من حق الوكالة....
بالتوفيق....

[1824]

ما بين 70 الى 90 طبيعية في الازفلت وحسب الجو طبعاً وشو زيت القير الي استعملته وتأكدت زيت القير ناقص ولا شيء يمكن بعد وشيكه صح توقف السيارة على مكان مستوي وتكون السيارة ساخنة بالكامل وتعشق السيارة على كل التعاشيق وانت واقف من L الى P وبعدها تشيك العيار وشوف بالتوفيق اخي الكريم

[ابو داحم999]

بيض الله وجيهكم والله العالم اني برجع لزيت الوكالة وبركب مبرد هايدن واذا استمرت نفس الحرارة فلكل حادث حديث

[فرفور بريده]

اخوي حراره القير حدها 120
ومبرد هايدن ولا بريال
انا مركب مبرد وبالديره حده 60
وبالبر اطعس وانبسط حده 90 ماشاء الله
واذا وقفت يبرد بسرعه من 90 الى 70 ب اقل من 3 دقايق
كلمني ومايصير خاطرك الا طيب

[ابو داحم999]

فرفور بريده

وش نوع المبرد لاهنت ويعطيك العافيه

[MSAN]

ابعد عن الهايدن أبو مواصير.. لو تلاقيه بريال لا تركبه
مثل هذا.. ولاحظ انه مواصير.. موب بليتات.. هذا حده تبريد زيت دركسون وتخب عليه بعد
http://img.rnudah.com/images/26/2619531662.jpg





ان بغيت التبريد الجبار بصراحة.. ركب مبرد tru-cool يجي نوع بليتات وليس مواصير.. مثل نظام مبرد شد البلد.. مجاري الزيت بليتات وليس مواصير وحجمه تقريبا ثلاث أضعاف شد البلد..

مثل هذا
http://www.performancetrucks.net/forums/attachments/member-made-tools-parts-classifieds-197/64079d1348894101-tru-cool-max-trans-cooler-4739-47391-install-kit-brackets-fittings-hardware-transcooler-mounts1-jpg

بالتوفيق

[ابو داحم999]

مسان مشكور وبيض الله وجهك وان شاء الله بنطلبه ولا ندوره وان شاء الله تنحل المشكلة

[ريثان القصيم]

السلام عليكم ورحمة الله وبركاته
وعليكم السلام ورحمة الله
بغيت استفسر منكم انا غلطت وغيرت زيت القير وركبت زيت ماهو زيت الوكالة
وابي استشير ارجع اغير الزيت بزيت الوكالة ولا اخليه
ان كان زيت فورد اصلي من الوكاله تراه ازين من زيتGM و ACdelco
وان كان لا غير لزيت فورد اصلي من الوكاله
اذا صار بالنفود ترتفع حرارة القير الى 100
حتى بالزفلت توصل الحرارة 85 هل هالشي طبيعي ولا انا اتوهم؟
ركب مروحه خارجيه لمبرد القير بفاصل داخل السياره وترتاح عن تجربه
طبعا السيارة سييرا 2009
الله يبارك لك
ومابعد كمل 15 الف ممشى من تغيير زيت القير
معليش غلطت غلطه كبيره زيت المصنع يغير حسب الكتالوج
المهم اني صرت شايل هموم هالحرارة
ركب هدرز مخصص للجمس ثم ركب دبات بيئه ودبه كبيره ام مدخلين ومخرجين حقت السييرا 2500HD او 3500HD وبحول الله تخف الحراره
ابي الافادة منكم وماخاب من استشار اهل الخبرة
وكل الله ولا تستعجل واكتب تجربتك فائدة للجميع
والسلام عليكم
وعليكم السلام

اخوك
ريثان القصيم

[ابو داحم999]

اليوم شريت مبرد القير TRU COOL حجمه كبير وسعره شوي مرتفع تقريبا طبعا يطبق للسييرا بدون ترهيم

المشكلة حصلتها برضو عند واحد من الشباب وركب قبل 3 شهور نفس هذا المبرد والحمدلله انحلت مشكلته نهائيا

وان شاء الله بنزل تقرير تركيب المبرد وبحاول انزل صور للحرارة قبل التركيب بداخل الرياض لاان مايمدي اصور حرارته بالبر لان بكرة الصباح بغير المبرد وان شاء الله افيد غيري مثل ماافدتوني بمعلوماتك ومشكورين

[ls1.5700]

الله يجزاك خير والحمدلله انها انحلت المشكله
بنتظار التقرير
موفق

[MSAN]

اليوم شريت مبرد القير TRU COOL حجمه كبير وسعره شوي مرتفع تقريبا طبعا يطبق للسييرا بدون ترهيم

المشكلة حصلتها برضو عند واحد من الشباب وركب قبل 3 شهور نفس هذا المبرد والحمدلله انحلت مشكلته نهائيا

وان شاء الله بنزل تقرير تركيب المبرد وبحاول انزل صور للحرارة قبل التركيب بداخل الرياض لاان مايمدي اصور حرارته بالبر لان بكرة الصباح بغير المبرد وان شاء الله افيد غيري مثل ماافدتوني بمعلوماتك ومشكورين

الحمد لله

ولاتنسى اخوي الكريم ان كمية زيت القير الي تعبيه يمكن تزيد شوي بمقدار الفرق بين المبرد الصغير والمبرد الجديد


لاتنسى التقرير
بالتوفيق

[التمسساح]

طبيعي تاصل حراره القير ١٠٠ مع التطعيس

[مركز حراره]

هذا المبرد ممتاز جد بس اذا بغيته يبرد زياده افصله عن الرديتر
انا عندي مبرد شرايح ممتاز جدأ واضمن نزول الحراره ضضضضضضمان لأتحاسب اذا مانزلت وسعره زين

[محمد الحسن]

مشكور مركز حرارة ، ان معي سييرا 3010 واليوم بالدهنا ارتفعت حرارة القير الى 101 درجه ، مع رائحة احتراق ، ومنذ مده وانا احاول اجد افضل طريقة لتبريد زيت القير خصوصا وقت ما اكون في النفود والغراز ، وبارك الله فيكم ولكم.

[مخ سعودي]

موترك طبيعي ولايستدعي الى القلق القير لديك 6 نمر وطبيعي الحراره حقته ولاتغير ولاتركب واللي يقول الغ مبرد الماء وخله بالهواء هذا تنقصه الخبره في السيارات الامريكيه
والزيت حق الوكاله هو نفس الاسيديلكو بالتمام ديكسول 3 سعره 22 ريال العلبه وموترك ياخذ 6 علب او 5 مع المبرد وسعر الفلتر حقه 95 ريال .

[qwertyu987]

درجة التشغيل العادية هي الموضحة بالكاتلوج من : 82 درجة
مئوية {180 درجة فهرنهايت} إلى 93
درجة مئوية {200درجة فهرنهايت}

وأن أقصى درجة
حرارة لناقل الحركة في المهمات الصعبة وجر المقطورات والتطعيس في الأجواء الحارة قد
تصل إلى 126درجة مئوية {259درجة فهرنهايت}


أما درجة الخطر فهي : 132 درجة مئوية {271 درجة
فهرنهايت}