المساعد الشخصي الرقمي

مشاهدة النسخة كاملة : سـبـب إرتـفـاع أسـعـار الـطـيـور هـذا الـمـوســم ؟


الــنــداوي
26/10/2006, 04:40 AM
بسم الله الرحمن الرحيم

السلام عليكم و رحمة الله و بركاته ..

إخواني الصقاقير الأعزاء ، يالله حيهم

ما تلاحظون يالصقاقير ان اسعار الطيور ارتفعت مرة هذا الموسم ..؟

البارح شفت شيهانة بحرية تبعه صغيرة مقاس 13 تقريبا و الطيره وحش و سيمت بـ 3600 ريال !!

شي غريب صراحة

الموسم الماضي الطيره هاذي ما توصل 2000 ريال و ألحين سوم سوم 3600 ريال غير عن الزيادات المستقبلية إلأي يمكن تجي ..

و أيضا تبوع أخريات صارت غالية زادت 400 ، 500 ريال !

و ايضا الحرار زادت اسعارها

يا ترى يا صقاقير ما السبب وراء ارتفاع الأسعار ..؟

بعض الربع يقولون الطيور قلت و انا اقول يمكن جايز

و الله ودي ردودكم و نبغى نعرف وش الأسباب

و اخيرا تحياتي لكم جميعا

و السلام عليكم و رحمة الله و بركاته :good:
صابي
27/10/2006, 01:56 PM
والله يا خوك الملاحظ السنه هذي ارتفاع

اسعار قرناصة الشاهين باسعار لم تصل لها من قبل

اما الاحرار الفروخ فاسعارها انخفضت شوي وخاصة التوام

وباقي الشاهين الفروخ ما جات ااخبارها
قرناس هواء
27/10/2006, 02:09 PM
يا اخي الغالي هذا سوق كل واحد يحط ويسوم على كيفه وهناك ناس تسوم وتشتري وهم مالهم يالصقاره اي شي

والسبب الثاني ان الطيور ماعادت مثل الاول تدخل علينا من ايران وباكستان وجميع الدول شواهين العراق والفارسيات والتركيات
وتحصل بسوق الرياض انواع الشواهين واسعار مناسبه والان تغير الحال منع تدخيل الصقور

اتمنى اني قد وضحت شي لكم مني جزيل الشكر
سطح القمر
27/10/2006, 07:03 PM
السنة هذه الطيوور غاليه جدا جدا ماشاء الله طرح فالشعيبه قبل يومين
قرناس حر لواحد زهراني بيع ماشاء الله بــ 280 الف
... الزهراني اغمي عليه فالمجلس ههههههههههههه
الــنــداوي
27/10/2006, 11:54 PM
طيب مشكورين ولا هنتوا يالطيبين و كثر الله امثالكم

كفيتوا و وفيتوا

تحياتي
خبت قوس
31/10/2006, 11:09 PM
وعليكم السلام ورحمة الله
بالنسبة لارتفاع اسعار الطيور هذه السنة لكثرة الزبائن وبعضهم جديد خاصة عندنا بصبخة مجيرمة ووجود زبائن من الخليج وخاصة من قطر هذا ماأراه والله العالم والحمد لله الأسعار طيبة ومجزية للقناص .
الله يرزق المسلمين .
الشـ صقرـــام
31/10/2006, 11:33 PM
السلام عليكم

السبب الاول لارتفاع اسعار الطيور عدم دخولها للمملكة

ودليل على ذلك امس طرح ابوي شيهانة فرخة بحرية 15.5-15 في سوريا وانباعت بـ 26 الف ريال

بينما انطرحت قبل العيد شيهانة فرخة 15-15 وانباعت بـ 43 الف ريال في احد الاستراحات في حفر الباطن

على كل حال البيع حظ والله يرزق الجميع

تحياتي لك