السلقه الغاليه

[نحيحيل الوادي]

السلام عليكم ورحمة الله وبركاته

تقريبا في عام 1416قررنا نروح في رحلة صيد مختلطه(لالا ما هو الاختلاط اللي في بالكم ) يعني
صيد جراببع ووبران( هذا اختلاطنا) المهم طبقنا عفشنا والسلق ماجا -


كلنا نقزنا في حلق ابو فهد -طيب يا ابو فهد والنهايه وين السلق قال شوي يرد الرجال والله ارسلت له 20 ندا بيجر ما رد
شوي ولا التلفون الثابت يرن الو من ولا ابو فهد منفعل يا خي وين السلقه والله اخرتنا ما يسير كذا عجل علينا ما يسير يا خوي وسبحان الله سكت ابو فهد فجأه وبدأ الطرف الاخر بالهجوم ابوك لا بو السلقه انت السلقه يا -------- ايش سلقه -------- ياواد مين قل اهلك انا ابيع سلقه قوم ياواد انقلع

طبق ابو فهد بالسماعه وعرف انه اخطى

المهم جات السلقه بعد ازود من ساعه

مشينا وصلنا محل المقناص شرق الليث

المهم في صلاة عشاء هاك الليل مدري اللي بعده ربط ابو فهد السلقه امامه خايف عليها

كبر وبدا يصلي وقرا ( اذا زلزلت الارض زلزالها واخرجت الارض اثقالها ) ولا صوت ابو فهد يوم تغير وقام يقطع وينتع المأمومين اللي هو حنا (حولي7 ) بدا يدخلنا الخشوع وبداينا نبكي(طبعا مرخين روسنا) وابو فهد يناتع مناتع وقمنا نشاهق (صلاه ذكرتنا بختم القران والله) سلم ابو فهد ولا فاتح فمه يضحك ولا ومسطح بعد
ابو فهد انت علامك قال يا اخوان جا كلب وحاول في سلقتنا يراودها عن نفسها وخفت علي سلقة الرجال لا يخربها الكلب وقاعد اشرله بيدي وحثي عليه برجلي بالبطحاء لين راح
( الله وحنا على بالنا انك خاشع)

وسلامتكم