سؤال ياهل الخبرة ((الشوزن))

[noor.18]

بسم الله الرحمن الرحيم
السلام عليكم ورحمة الله وبركاته .,,


تحية طيبة لجميع اهل منتديات مكشات ,

عندي سؤالٍ بسيط ان شاء الله الاقي حله عندكم واستفسار حول الشوزن
الوالد حفظه الله قبل سنتين تقريباً عنده شوزن وبخها بزيت القلي من جوه ومن برى وخزنها سنة ثم اعاد بخها مره ثانية وهالسنة يوم جا يستعملها والا هي مصلبة ((من زيت القلي )) والان الزيت متجمد داخلها ولا يدري الوالد الله يحفظه وش يسوي بها ,علما بأن مخزن النار هو الي مصلب , اللي عنده علم فيها يفيدنا وهل الشمس زينة لها ؟ بحيث اني اخليها فالشمس لوقت بعدين استعملها او اللي عنده معلومة او حل لها نتمنى يفيدنا وجزاكم الله خير ,

[ابو محمد 50]

فيه بخاخ قيمته 15 ريال اسمه wd40 جرب واذا مانفع ودها للشايقي بسوق الزل اذا كنت بالرياض

[مطر وسم]

زي ما قال ابو محمد فيه زيت خاص للشوزن حق الصدى رشها وتزين معك ان شاء الله

[ابن كديميس]

زيت القلي له صلاحية انتهاء وتجمده هذأ لانه انتهاء مدت صلاحيته بس تدري وشلون تنظفها منه بخ عليها بخاخ العادي wd40وكثر عليها وتركه ربع ساعه كذأ ونظف ورشه عليه ونظفه بقماش عاديه ولا تجيه صنفره الحديد والخشب فكه لا يجيه البخاخ تراه يعدمه .

[محمد ابن عيد]

-
الله يحفظ لك الوالد و يخليه لك و والدينا
مثل م قالوا الاخوان فيه بخاخ عند الرمايه طيب ب الحيل
حق صدا و تنظيف لكن احرص ي الغالي ماتبخ الا حق البنادق
المعروفه ولآ تستخدم زيت الطبخ و وفقك الله

[noor.18]

الله يعطيكم العافية ي ابو محمد 50 و عاشق ام سيلان وابن كديميس ومحمد بن عيد وشكراً لكم ماقصرتو وان شاء الله اجرب الزيت WD 40 ولعله يفيد ان شاء الله

[ابو تركي 500]

حطه في الشمس لين يذوب الزيت او في مكان دافي خلها وبعدين غسله بنزين وزيت سياره تخلطه مع بعظ وتغسلها مظبوط ونشفها وزيتها اذا تبي تخزنها واذا تبي تستخدمها زيته بزيت خفيف مره مجرا الماكينه فقط وارم فيها .

[noor.18]

الله يعطيك العافية يابو تركي 500
وجزاك الله الجنة ,وتم شراء بخاخwd40 وان شاء الله ينفع

[شحرور الدهنا]

حاول تفك اخشابها اذا هي اخشاب او فكك اجزائها ونقعها ببنزين الى بكره وبعدها خذلك قطن وبالبخاخ اللي قالولك الشباب طبعا بتفكها قطعه قطعه ونظفها زين بخ ونظف بالقطن واذا تغير لون القطن اجدعه وحط جديد ونظف وبعدها نشفها من البخاخ وجب بيالة شاهي وحط نصها زيت مكينه سياره بترومين سوير جيتي اللي هو المهم مكينه سياره وخففه بالبخاخ يعني حط معه من البخاخ واخلط وبعدها ادهن اجزاء السلاح باصبعك دهن بسيط وبالتوفيق واسف عالاطاله

[المتلولس]

اغسلها ببنزين افضل بعدين زيتها بزيت متخصص للسلاح او زيت مكينة خياطة

[شمالي و الهوا غربي]

الحل
خله يشب نار ويضع البندق داخلها لمدة نصف ساعة
حتى يذوب الزيت . بس بشرط مايكون في بطنها فشق وبعد ذلك بتضبط ان شاءالله

[بيكال الوشم]

شمالي و الهوا غربي ضحكتني الله يسعدك ههههههههههههه

يا بعدي فك خشابها ان قدرت و نقعها في ديزل ٢٤ ساعه
و بإذن الله ما تلاقي الا كل خير

[noor.18]

شكراً لكم ياشباب والله يجزاكم خير على ماقلتوه من حلول