حذفية السيارة يمين - سحب الكمر

[سيف وقلم]

السلام عليكم:


عندي سيارتي تحذف يمين ما بعد سرعة 70 كم، ما تحذف قوة لكن لازم أمسك الدركسون، رحت لأحد مراكز الفحص الكبيرة، فحص الموتر يدويًا،
وقاس المسافة بالمتر بين الكفر الخلفي والأمامي صارت المسافة في الجهة اليمنى 213سم بينما الجهة اليسرى كانت 214سم، قال الفني يبيله سحب كمر وشغل اليد 900

وسألته عن باقي القطع التي تحتاج تغيير:
جلد المقصات: يبيلها تغيير.
ربلة مساعد الدركسون: تحتاج تغيير.
الربلة حقت الركبة متقطعة لكن ما فيه فضاوة، يقول تمشيك.

يا ليت الإخوة يرشدوننا إلى مركز أو ورشة مناسبة وسعر معقول وكم السعر المعقول لشغل اليد، وإن كان من نصايح أو تعليمات فحسن.

ملاحظة:

ما لي أسبوع مغير الكفرات.
السيارة: جيب سوزو روديو

[بدوي جنوبي]

عليكم السلام

لا تستعجل في السحب
غير جلد المقص اول وشوف النتيجه

[ابو سويلم]

كان معي يارس بعد ما ركبت كفارات جديدة تحذف يسار سويت ميزان
ما نفع قالي واحد بدل الكفارات الأمامية اليمين حطه يسار واليسار يمين
وبعده راحت الحذفه .
طبعا الحذفة مع قومة السيارة

[H 2]

السيارة اذا عليها حادث من الامام لاتعدلها ولا تصلحها
لانها صارت معي علي ددسن
صدمت جهت اليسار
وبدلت عمود التوازن وعدلته الخ
تظبط معي شهرين وترجع تحذف صلحتها فوق ١٠ مرات كل مره ٣٥٠ او ٥٠٠ ٢٥٠ الخ
بالاخير ماعاد صلحتها لانه لو صلحتها بترجع مثل ماكانت
وانت الان اذا الموتر صاير عليه شي او انت شاريه مستخدم لاتصلحه واصلا مايحذف الا صاير لاحد الكفرات الامامية شي

[سيف وقلم]

عليكم السلام

لا تستعجل في السحب
غير جلد المقص اول وشوف النتيجه

لكن وش تفسر تأخر الكفر الأمامي في الجهة اليمين، هل سحب الكمر يسبب مشاكل أو يحتاج فني محترف أو إنه أي ميزان يصلحه ما يحتاج خبرة ومهارة، وأنا غير مستعجل لإن ما فيه مسحية واضحة في الكفرات القديمة، وشيك الفني على الذراع سليم.


كان معي يارس بعد ما ركبت كفرات جديدة تحذف يسار سويت ميزان
ما نفع قالي واحد بدل الكفارات الأمامية اليمين حطه يسار واليسار يمين
وبعده راحت الحذفه .
طبعا الحذفة مع قومة السيارة

هو قبل ما أغير الكفرات فيه حذفه.


السيارة اذا عليها حادث من الامام لاتعدلها ولا تصلحها
لانها صارت معي علي ددسن
صدمت جهت اليسار
وبدلت عمود التوازن وعدلته الخ
تظبط معي شهرين وترجع تحذف صلحتها فوق 10 مرات كل مره 350 او 500 250 الخ
بالاخير ماعاد صلحتها لانه لو صلحتها بترجع مثل ماكانت
وانت الان اذا الموتر صاير عليه شي او انت شاريه مستخدم لاتصلحه واصلا مايحذف الا صاير لاحد الكفرات الامامية شي

ايه، قد تعرض لحادث سابق، بس أنت تقول عمود توازن، قد عدلت الكمر؟ للعلم موتري نفس نظام تعليق الددسن من الأمام ما فيه يايات أمامية.

[سيف وقلم]

نطمع في مزيد من الإستشارات والخبرات.

[مغلي]

السيارة اذا عليها حادث من الامام لاتعدلها ولا تصلحها
لانها صارت معي علي ددسن
صدمت جهت اليسار
وبدلت عمود التوازن وعدلته الخ
تظبط معي شهرين وترجع تحذف صلحتها فوق 10 مرات كل مره 350 او 500 250 الخ
بالاخير ماعاد صلحتها لانه لو صلحتها بترجع مثل ماكانت
وانت الان اذا الموتر صاير عليه شي او انت شاريه مستخدم لاتصلحه واصلا مايحذف الا صاير لاحد الكفرات الامامية شي


الي ينطبق عليه هالكلام الان

ايش مفروض يسوي ... يصلح او يبيع ... او كيف

الحادث بسيط ... بس مشكلته الكفرات الاماميه مايله بسبب الحادث

غيرت المقصات والاذرعه ... ومازال كل كفر مايل

السياره النترا 2015 جاتها صدمه على الكفر الامامي يسار و ضربت بالرصيف بالكفر الايمن الامامي

بالرياض

الورش اليمنيين يقول اسحب الكمر و يزبط ... و متخوف من شغل اليماني بصراحه